যিশাইয় 24:3 - Chakma Bible

³ পিত্‌থিমীগান এক্কুবারে খালি ওই পড়ি থেবঅ, সিয়েন এক্কুবারে লুদো অবঅ। লগেপ্রভু এ কধাগান কোইয়্যেদে।

যিশাইয় 24:3 Iomraidhean Croise

২ বংশধর 36:21

এ অক্তত্‌ ইস্রায়েল দেজচানে তার্‌ জিরেবার্‌-বজরত্‌ জিরেল। যিরমিয়োর মাধ্যমে কোইয়্যে লগেপ্রভুর কধা সত্তুর্‌ বজর্‌ পূরোণ ন-অনা সং তারার্‌ দেজর্‌ বেক্‌ ভূইয়ানি এনেবাদে থেইনে জিরেল।

যিশাইয় 21:17

কেদরর ধনুবলা যোদ্ধোগুনো ভিদিরে কয়েক্কো মান্‌জ্যে বাঁজি থেবাক্। ইস্রায়েলর গোজেন লগেপ্রভু এ কধাগান কোইয়্যে।”

যিশাইয় 22:25

যে খুদোবো দরমর জাগাত্ লাগেই দিয়্যে ওইয়্যে সেদিন্যে সিবে খুলি এবঅ; সিবে পড়ি যেবঅ আর তা উগুরে যে ভারান্ দুলি দুলি আঘে সিয়েন কাবি ফেলা অবঅ।’ ” ইয়েন অলঅ বেগত্তুন্ খেমতাবলা লগেপ্রভুর কধা। ইয়েনি ঘুদিবো, কিত্তে লগেপ্রভু নিজেই সিয়েনি কোইয়্যে।

যিশাইয় 24:1

চঅ, লগেপ্রভু পিত্‌থিমীগানরে এক্কুবারে খালি গুরিবাত্যে আর ভস্ত গুরিবাত্যে যার্। তে তার্ উগুরে ভাগ্‌কান উল্ল্যে ফেলেইনে তা আদাম্মেগুনোরে ছিদি দিবো।

যিশাইয় 24:2

সেদিন্যে ধর্মগুরু আর সাধারন মানুচ্চুনোর্, গিরোজ্ আর চাগরুনোর, ঘর মিলেবোর আর চাগরানিবোর, দোগানদার আর কিনিয়্যেবোর, যে উদোজ্যে টেঙা লয় আর যিবে উদোজ্যে টেঙা দে তারার আর সুদি টেঙা লোইয়্যেবোর আর সুদি টেঙা দিয়্যেবোর বেক্কুনোর অবস্থা এক্কুই অবঅ।

যিশাইয় 24:4

পিত্‌থিমীগান ন-লোজ্যে ওই যেবঅ; সংসারান্ শুগেই যেবঅ আর ন-লোজ্যে অবঅ আর পিত্‌‌থিমীর সর্মান পেইয়্যে মানুচ্চুনে আমক্ অবাক্।

যিশাইয় 42:22

মাত্তর্ এ মানুচ্চুনোর্ বেক্কানি নেযা ওইয়্যে আর লুদো ওইয়্যে, তারারে বেক্কুনোরে গাদত্ ফেলা ওইয়্যে আর জেলখানাত্ লুগেই রাগা ওইয়্যে। তারা কাড়ি লোইয়্যে জিনিজো ধোক্ক্যেন ওইয়্যে, তারারে উদ্ধোর্ গুরিয়্যে কনজন নেই। তারা লুদেয়্যে মাল্ ওইয়োন্; কনজনে ন-কন্, “তারারে ফিরেই দুয়ো।”

যিশাইয় 5:6

মুই সিয়েন এক্কান ভস্তর্ জাগা বানেম্; সিয়েনর্ লুদিগান কাবায়ো ন-অবঅ আর তার ভূইয়ান্‌অ চাজ্ গরা ন-অবঅ, আর সিয়েনত্ জোর্মেব বানা কাদাঝুপ্ আর কাদাগাজ্। মুই মেঘ্‌কানরে উগুম দিম্ যেন তে ঝড়্ ন-পেলায়।”

যিশাইয় 6:11

সেক্কে মুই কলুং, “ও প্রভু, আর কয়দিন?” জোবত্ তে কলঅ, “যেদকদিন্ সং শঅরানি ভস্ত ওইনে মানুচ্ নেইয়্যে ন-অন্, ঘরানি খালি ওই ন-যায় আর খেত্-খামারানি ভস্ত আর ছার্‌খার ন-অয়;

যিরমিয় 13:15

তুমি শুনো, মনযোগ দুয়ো, বাড়্‌বো ন-গোজ্য, কিত্তে লগেপ্রভু কধা কোইয়্যে।

যিহিষ্কেল 36:4

সেনত্তে ও ইস্রায়েলর মুড়ো-মুড়িগুন, তুমি মঅ কধা শুনো। ও দাঙর্ দাঙর্ আর চিগোন্ চিগোন্ মুড়োগুন, খাট্যং আর কলগ্‌‌‌‌‌কানি, মানুচ্ নেইয়্যে বেক্ ভস্তর্ জাগানি আর তমা চেরোকিত্তে অন্য জাদ্‌‌‌‌‌তুনে যিগুনোরে লুদেয়্যে আর আজি এজে পারা গোজ্যন্ সেই বেক ছাড়ি যেইয়্যে শঅরানি,

মীখা 2:4

সেদিন্যে অমকদ আবিলেচ্ হেবাক্ আর এ দুঘোর্ গান গাহ্ অবঅ; আমি এক্কুবারে ভস্ত ওই যেইয়্যেই; আমা জাদর্ সোম্বোত্তিগানি নেযা ওইয়্যে। লগেপ্রভু সিয়েনি আমাত্তুন্ নেযেয়্যে। আমা খেত্-খামারানি তে বে-জবান্যেগুনোরে দি দিয়্যে।”

মীখা 4:4

পত্তিজনে নিজোর্ নিজোর্ আংগুর লুদি আর ডোমোর্ গাজ তলে বুজিবাক্ আর কনজনে তারারে দর্‌‌‌‌বুক ন-লাগেবাক্, কারন বেগত্তুন্ খেমতাবলা লগেপ্রভু সে কধাগান কোইয়্যেদে।

দ্বি’লম্বর বিররণ 29:23

পুরো দেজ্‌ছান নুন্দোই আর গন্ধরক্‌কোই পড়ি থেবঅ। সেক্কে কিচ্চু লাগা ন-অবঅ, কিচ্ছু ন-উদিবো আর কনঅ ঘাস বা ঝুপ্‌-ঝাড় সিয়েন উগুরে ন-থেবঅ। এ দেজর অবস্থা অবঅ সদোম, ঘমোরা, অদ্‌মা আর সবোয়িমো ধোক্ক্যেন, যিয়েন লগেপ্রভু তার অমকদ রাগে জুলি উদিনে ভস্ত গুরি দিয়্যে।

দ্বি’লম্বর বিররণ 29:28

জদবদে রাগ্‌কোই, অমকদ জ্বলেদে রাগ্‌কোই, তে দেজত্তুন্‌ তারারে তুলি নেযেইনে অন্য দেজত্‌ ছিদিনে ফেলেই দিয়্যে, আর্‌ এজঅ তারা সিয়োদোই আগন্‌।