যিশাইয় 24:18 - Chakma Bible

¹⁸ যে মানুচ্চো দরে ধেবঅ তে গাদত্ পড়িবো, আর যে গাদত্তুন্ উদি এবঅ তে ফালত্ ধরা পড়িবো। আগাজত্ ফাদামাড়া অবঅ আর পিত্‌‌থিমীর গড়াগান্ গির্‌গিরেব।‌

যিশাইয় 24:18 Iomraidhean Croise

পত্থম 19:24

সে পরেদি লগেপ্রভু স্বর্গর লগেপ্রভুত্তুন্‌ সদোম্‌ আর ঘমোরা উগুরে গন্ধক আর আগুনো ঝড় আরাম্ভ গুরিলো।

পত্থম 7:11

নোহ বয়সচান যেক্কে ছয়শ বজর চলের্‌, সে বজরত্‌ দ্বি মাস সতর দিনোত্‌ মাদি তলেত্তুন্ বেক্‌ পানিগান অদাদৎ নিগিলি এজা ধুরিলো আর আগাজচানত্‌অ যেন্‌ ফাদামারা ধোজ্যে।

২ রাজাবলী 7:2

রাজারে যে কামগুরিয়েবো বল্‌ দিয়্যে তে গোজেন মানুচ্চোরে কলঅ, “চাহ্, লগেপ্রভু যুনি আগাজ দোরান্‌অ খুলি দে তো কি ইয়েন্‌ ওই পারে?” জোবত্‌ ইলীশায় কলঅ, “তুই নিজোর্‌ চোগেন্দি সিয়েন্‌ দেগিবে, মাত্তর্‌ সিয়েনির্‌ কনগান্‌ তুই হেই ন-পারিবে।”

ইয়োব 20:24

যুনি তে লুয়োর্‌ আত্যার্ আধত্তুন্‌ ধেই যায়, সালে পিদল ধনুত্তুন্‌ সেল্লো তারে ফেলেব।

গীতসংহিতা 18:15

ও লগেপ্রভু, তর্ ধমক্কোই আর নিযেজে মাদি তলাত্তুন্ পানি দেগা দিলো, পিত্‌থিমীর ভিদিরেদিগান নিগিলিলো।

গীতসংহিতা 18:7

সেক্কে পিত্‌‌‌থিমীগান গির্‌গিরে উদিলো আর লুরিলো, গির্‌গিরে উদিলো বেক্ মুড়োগুনোর্ গড়াগানি; তা রাগে সিগুন্ গির্‌গিরেলাক্।

গীতসংহিতা 18:8

তা নাগত্তুন্ ধূমোগান উগুরে উদিলো, তা মুয়োনত্তুন্ ভস্তগুরিয়্যে আগুনান্ নিগিলি এলঅ, তা মুয়ো আগুনান্ আঙারালোই জুলি উদিলো।

উপদেশক 9:12

কনজনে হবর্ ন-পান্ তার্ মরণর্ অক্তবো কক্কে এবঅ। যেধোক্ক্যেন্ গুরিনে মাছে জালত্ ধরা পড়ন্ আর পেগ্‌কুনে ফালত্ পড়ন্ সেধোক্ক্যেন্ গুরিনে দজা অদাতৎ মান্‌জ্য উগুরে এজে আর তারে ফালত্ ফেলায়।

যিশাইয় 13:13

সেনত্তে মুই আগাজ্‌‌চানরে গির্‌‌‌গিরে দিম্; বেগত্তুন্ খেমতাবলা লগেপ্রভুর অমকদ রাগে তার জোল্‌জোল্যে রাগর্ দিন্নোত্ পিত্‌থিমীগানে তা জাগানত্তুন্ লুড়িবো।‌

যিশাইয় 2:19

লগেপ্রভু যেক্কে পিত্‌থিমীর মানুচ্চুনোরে দর্‌বুক্ দেগেবাত্তে এবঅ সেক্কে তার্ দর্‌গরেপারা আর মহিমার্ জোল্‌জোল্যেগান আঢত্তুন্ রোক্ষ্যে পেবাত্তে মান্‌জ্যে সেদিন্যে মোন্-মুড়ো সেরে সুরুঙোত্ আর মাঢি গাদত্ ধেই যেবাক্।

যিশাইয় 2:21

লগেপ্রভু যেক্কে পিত্‌থিমীর মানুচ্চুনোরে দর্ জিনিস্‌ছান দেগেবাত্তে এবঅ সেক্কে তার দর্‌গরেপারা আর তার মহিমার্ জোল্‌জোল্যেগান আঢত্তুন্ রোক্ষ্যে পেবাত্তে মান্‌জ্যে দাঙর্ দাঙর্ শিলো ফাগত্ আর মোন-মুড়ো ফাদা সেরে ধেই যেবাক্।

যিশাইয় 42:22

মাত্তর্ এ মানুচ্চুনোর্ বেক্কানি নেযা ওইয়্যে আর লুদো ওইয়্যে, তারারে বেক্কুনোরে গাদত্ ফেলা ওইয়্যে আর জেলখানাত্ লুগেই রাগা ওইয়্যে। তারা কাড়ি লোইয়্যে জিনিজো ধোক্ক্যেন ওইয়্যে, তারারে উদ্ধোর্ গুরিয়্যে কনজন নেই। তারা লুদেয়্যে মাল্ ওইয়োন্; কনজনে ন-কন্, “তারারে ফিরেই দুয়ো।”

যিশাইয় 8:14

সালে তে অবদে এক্কান পবিত্র আশ্রয়র জাগা, মাত্তর্ ইস্রায়েলীয়গুনোর্ দ্বিয়েন দেজত্তে তে এমন্ এক্কো পাত্তর্ অবঅ যেনে মান্‌জ্যে উজোত্ হান আর যিবে মান্‌জ্যর উজোত্ হেবার্ কারন ওই থায়। যিরূশালেম মানুচ্চুনোত্তে তে অবঅ এক্কো ফাল্ আর এক্কান্ জাল।

যিরমিয় 48:43

ও মোয়াবর মানুচ্চুন, তমাত্তে দর্, গাদ্ আর ফালুনে বাজ্জেই আগন্।

যিরমিয় 48:44

যে মানুচ্চো দরে ধেই যেবঅ তে গাদত্ পুরিবো, যে মানুচ্চো গাদত্তুন্ উদি এবঅ তে ফালত্ ধরা পুরিবো; কিত্তে মুই মোয়াবর সাজাগানর্ সময়ান্ ঠিগ্ গুরি রাগেয়োং। মুই লগেপ্রভু এ কধাগান কঙর্।

আবিলেচ্ 3:47

আমি দর্, ফাল্, দজা আর ভস্ত অনার্ মুয়োত্ পোজ্যেই।”

যিহিষ্কেল 11:8

যে যুদ্ধোগানরে তুই দরাচ্ সেই যুদ্ধোগানরে মুই তমা বিরুদ্ধে আনিম।

যিহিষ্কেল 12:13

মুই তাত্তে জাল্ পাদিম্ আর তে মঅ ফালত্ পড়িবো। মুই তারে বাবিলীয়গুনোর দেজত্ বাবিলোত্ নেযেম, মাত্তর্ তে সিয়েন রিনি ন-চেবঅ; সিয়োদোই তে মুরি যেবঅ।

যিহিষ্কেল 15:7

মুই তারা বিরুদ্ধে যেম্। আগুনোত্তুন্ তারা নিগিলি এলেয়ো আগুনানে তারারে পুড়ি ফেলেব। মুই যেক্কে তারা বিরুদ্ধে যেম্ সেক্কে তুমি হবর্ পেবা যে, মুয়ই লগেপ্রভু।

আমোষ 5:18

অভিশাব্ পোড়োক্ তমার! তুমি দঅ নরম ওইনে লগেপ্রভুর দিন দেগিবাত্তে চর্! কিত্তে তুমি সেদিন্নোর্ আজা গরর্? তমা ইধু সেদিন্নো পহ্‌‌‌র নয় মাত্তর্ আন্ধার অবঅ।

আমোষ 5:19

সিবে অবঅ যেন কনঅ মানুচ্ সিংহ আঢত্তুন্ ধেইনে ভালুগো মুজুঙোত্ পড়িলো, যেন নিজো ঘরত্ সোমেইনে দেবাল আঢত্তুন্ সাপ কামড় হেলঅ।