যিশাইয় 24:16 - Chakma Bible

¹⁶ পিত্‌থিমীর শেজ্ দুযিত্তুন্ আমি এ গান্নো শুনির্, “ন্যায়বলা গোজেনর বাঈনী ওক্!” মাত্তর্ মুই কলুং, “হায়! মুই দজাত্ পড়ি আগং, কিত্তে বেঈমানীগুনে বেঈমানী গোজ্যন্; অয়, তারা জদবদে বেঈমানি গোজ্যন্।”

যিশাইয় 24:16 Iomraidhean Croise

গীতসংহিতা 106:15

তারা যিয়েন চেইয়োন তে সিয়েনই তারারে দিলো, মাত্তর্ তারা উগুরে পাধেই দিলো এক ক্ষয় গোজ্যে পিড়ে।

গীতসংহিতা 119:158

কুজুরোমিগুনোরে রিনি চেলে মত্তুন্ ঘিন্ লাগে, কিত্তে তারা তঅ কধামজিম্ ন-চলন্।

গীতসংহিতা 2:8

তুই মইদু চাহ্, সেক্কে সোম্বোত্তি ইজেবে মুই তঅ আঢত্ অযিহূদী জাদ্‌তোরে দিম; পুরো পিত্‌থিমীগান তঅ গজগত্ এবঅ।

গীতসংহিতা 58:10

তারা উগুরে হেনা শুজো অলে গোজেন ভক্তগুনে হুজি অবাক্; তারা পাজিগুনোর লো-লোই টেং ধবাক্।

গীতসংহিতা 65:8

বেক্ মানুচ্চুন, এমন্ কি, ভালোত্ দূরোর মানুচ্চুনেয়ো তর্ আমক্ অবার চিহ্নোর-কামানি চেইনে দরান; বেলান উদোনাত্তুন ধুরি বেলান ডুবেদে সং তুই হুজিয়ে-গানে বেক জাগায়ানি পেলেপেলে গুরি রাগাচ্।

গীতসংহিতা 67:7

গোজেনে আমারে আশিদ্‌বাদ গোজ্যে; সিয়েনি দেগিনে পিত্‌থিমীর বেগত্তুন দূর দেজর মানুচ্চুনেয়ো তার ভক্ত অবাক্।

গীতসংহিতা 98:3

ইস্রায়েল জাদ্‌তুনোত্যে তার অমকদ কোচ্‌পানা আর বিশ্বেজর কধা তে মনত্ রাগেয়্যে; আমা গোজেন উদ্ধোরর্ কামানি পিত্‌থিমীর বেক মানুচ্চুনে দেখ্যন্।

যাত্রা 15:11

“ও লগেপ্রভু, দেবেদাগুনো ভিদিরে কন্না আঘে তঅ‌ ধোক্ক্যেন্? কন্না আঘে তঅ ধোক্ক্যেন এমন্‌ পবিত্রতালোয় দাঙর্ আর মহিমালোই দর্‌‌‌‌গরেপারা? এধোক্ক্যেন আমক্‌ কাম গুরিরার্‌ বল্‌ কার্‌ আঘে?

যিশাইয় 10:16

সেনত্তে বেগত্তুন্ খেমতাবলা প্রভু লগেপ্রভু আসিরিয়ার্ বোলী যোদ্ধাগুনে উগুরে এক্কান ক্ষয়-নেযাইদ্যে রোগ্ পাধেই দিবো; তার জাক্‌জমক্কান তলে জোল্-জোল্যে জিলো ধোক্ক্যেন্ গুরি আগুন জ্বালা অবঅ।

যিশাইয় 11:12

তে জাদ্‌তুনোত্তে এক্কান বাবতা তুলিবো আর বিদেশত্ বানি থোইয়্যে ইস্রায়েলীয়গুনোরে এগত্তর্ গুরিবো; যিহূদার্ ছিদি পড়ি থেইয়্যে মানুচ্চুনোরে তে পিত্‌থিমীর চেরো কিত্তেত্তুন্ এগত্তর্ গুরিবো।‌‌

যিশাইয় 17:4

“সেদিন্যে যাকোবর্ বাঈনী গরানা কুমি যেবঅ; তা কিয়্যের্ তেলানি গুলি যেবঅ।

যিশাইয় 21:2

এক্কান দর্‌গরেপারা দর্শন মরে দেগা ওইয়্যে-বেঈমান্নো বেঈমানি গোজ্যে, আর লুদেয়্যেবো লুদেয়্যে। ও এলম, আক্রমণ গর্; মাদিয়া, ঘিরি ফেলা। বাবিলে যেদক্কানি দুঘ্-কষ্ট ঘোদেয়্যে সিয়েন মুই বন্ধ গুরি দিম্।

যিশাইয় 26:15

ও লগেপ্রভু, তুই এ জাদ্‌তোরে দাঙর্ গোজ্যস্; এ জাদ্‌তোরে দাঙর্ গুরিনে তুই বাঈনী পেইয়োচ্; তুই দেজর্ বেক দুযিগান্ বাবেই দুয়োচ্।

যিশাইয় 28:5

সেদিন্যে বেগত্তুন্ খেমতাবলা লগেপ্রভু তার্ বাঁজি থেইয়্যে মানুচ্চুনোত্তে এক্কো বাঈনী গোজ্যে মুকুট আর এক্কো দোল্ মালা অবঅ।

যিশাইয় 33:1

ও ভস্তগুরিয়্যে, তরে অভিশাব্ দুয়োং! তুই ভস্ত ন-ওইনেয়ো ভস্ত গোজ্যস্; তঅ উগুরে বেঈমানি গরা ন-অয় তো তুই বেঈমানি গোজ্যস্। ভস্তর্ কামানি থুম্ গুরিলে তরে ভস্ত গরা অবঅ; বেঈমানি গরানা থুম্ অলে তঅ উগুরে বেঈমানি গরা অবঅ।

যিশাইয় 42:10

ও সাগরত্ আঢাউদো গোজ্যেগুন্, সাগর ভিদিরে বেক্ প্রাণিগুন, ও দূরোর্ দেজ্‌ছানি আর সিয়েন ভিদিরে আদাম্মেগুন্,‌‍‍‍ তুমি বেক্কুনে লগেপ্রভুর্ নাঙে এক্কো নূয়ো গীদ্ গঅ, পিত্‌‌থিমীর শেজ্ ধুজিত্তুন্ তার নাঙ্ গিনেদে গীদ্ গঅ।

যিশাইয় 48:8

তুমি সিয়েন ন-শুনো আর বুঝিয়ো ন-পারঅ; আগেত্তুন্ ধুরি তমা কানানি খুলো ন-অয়। তুমি যে কিবাবোত্যে বেঈমান সিয়েন মুই হবর্ পাং, জর্মত্তুন্ ধুরি তমারে উল্লোমী কুয়ো অয়।

যিশাইয় 52:10

লগেপ্রভু বেক্ জাদ্‌তুনোর চোগো মুজুঙোত্ তার পবিত্র খেমতাবলা আঢ্‌‌তান ফগদাং গুরিবো, আর পিত্‌থিমীর বেক মানুচ্চুনে আমা গোজেনর্ উদ্ধোর কামানি দেগিবাক্।

যিশাইয় 6:5

সেক্কে মুই কলুং, “হায়, মুই ভস্ত ওই গেলুং, কিত্তে মঅ মুয়োন্ ফিবলা আর মুই এবাবোত্যে মান্‌জ্য ভিদিরে বজত্তি গরং যিগুনোর্ মুয়োনি ফিবলা। মুই নিজো চোগেদি রাজারে, বেগত্তুন্ খেমতাবলা লগেপ্রভুরে দেখ্যং।”

যিশাইয় 60:21

সেক্কে তর্ বেক মানুচ্চুনে গম্ অবাক্; তারা উমরত্তে দেজ্‌‌‌চান গজক্ গুরিবাক্।‌‌ তারা মর্ লাগেয়্যে চারা, মর্ আঢ কাম; তারার মাধ্যমে মর্ সয়সাগজ্যে কামানি ফগদাং অবঅ।

যিরমিয় 12:1

ও লগেপ্রভু, মুই যেক্কে তঅ বিরুদ্ধে কনঅ আবিত্তি গরং সেক্কে তুই যে নিদ্দুযি সিয়েনি নিত্য ফগদাং অয়। তো মুই তঅ বিচের পৌইদ্যেনে তঅ লগে কিজু কধা কোম্। পাজিগুনোর পথ্‌‍‍‌‌‌‌তান কেনে গম্ অয়? যিগুনে বেঈমানী গরন তারা কেনে আরামে বজত্তি গরন?

যিরমিয় 12:6

তঅ ভেইয়ুনে, অত্তাৎ তঅ বংশর নিজো মানুচ্চুনে তল্লোই বেঈমানী গোজ্যন; তারায়ো তঅ পিজেদি লাক্যন্। তঅ পৌইদ্যেনে গম্ কধা কলেয়ো তারারে বিশ্বেজ্ ন-গুরিচ্।

যিরমিয় 3:20

মাত্তর্ ও ইস্রায়েলীয়গুন, নেগ উগুরে অবিশ্বেজি মোগো ধোক্ক্যেন তুমি মঅ উগুরে অবিশ্বেজি ওইয়ো। মুই লগেপ্রভু এ কধাগান কঙর্।”

যিরমিয় 5:11

ইস্রায়েল আর যিহূদার মানুচ্চুন মঅ উগুরে অমকদ অবিশ্বেজি ওইয়োন। মুই লগেপ্রভু এ কধাগান কঙর্।”

আবিলেচ্ 1:2

তে রেদোত্ অমকদ কানে, চোগো পানিয়ে তা গালান্ ভিজি যায়। তা লাঙেগুনোত্তুন্ তারে বুঝেবার একজন্‌অ নেই। তা সমাজ্যেগুন বেক্কুনে তা উগুরে কুজুরোমি গোজ্যন্; তারা বেক্কুনে তার শত্রু ওইয়োন্।

হোশেয় 5:7

তারা লগেপ্রভু ইধু অবিশ্বেজি ওইয়োন; তারা জার্‌‌গো পুয়োগুনোরে জর্ম দুয়োন। সেনত্তে ইক্কিনে তারার্ আঙোস্যে পরব্‌‌পুনে তারারে গিলি ফেলেব আর তারার্ খেত্‌‌তানিয়ো তারারে গিলি ফেলেব।

হোশেয় 6:7

তুমি আদম ধোক্ক্যেন মর্ থিদেবর্ গোজ্যে সুদোমান অমান্য গোজ্য; তুমি মঅ উগুরে অবিশ্বেজি ওইয়ো।

লেবীয় 26:39

সে পরেদিয়ো তমা ভিদিরে যিগুনে সিয়েনত্‌ পড়ি থেবাক্‌ তারা তারার্‌ নিজোর আর আগমানুচ্চুনোর্‌ দুজোর্‌ কারনে শেজ্ ওই যেবাক্।

মীখা 5:4

সেই শাজন্‌গুরিয়্যেবো এইনে লগেপ্রভুর বল্লোই, তার গোজেন লগেপ্রভুর মহিমায় গরগ ধোক্ক্যেন তা মানুচ্চুনোরে চালেব। তারা গমেডালে বজত্তি গুরিবাক্, কিত্যে তে যে দাঙর্ সে কধাগান সেক্কে জগদর্ শেজ্ দুযি সং বেক্কুনে স্বিগের্ গুরিবাক্;

হবক্‌‌‌‌কূক 1:13

তুই এদক্ আজল্ যে, তুই ভান্ন্যেয়দি রিনি চেই ন-পারচ্ আর অন্যেয় সোজ্য গুরি ন-পারচ্। সালে তুই কেধোক্ক্যেনগুরি সেই বেঈমানীগুনোরে গম্ চোগেদি দেগর্? পাজিগুনে যেক্কে তারাত্তুন্অ বেশ্ গম্ মানুচ্চুনোরে গিলোদন্ সেক্কে কিত্তে তুই জুরো গুরি থাচ্?

হবক্‌‌‌‌কূক 1:3

কিত্তে তুই মরে পাজিগানি চাদে বাধ্য গরর্? কিত্তে তুই অন্যেয়ানি সোজ্য গরর্? মঅ মুজুঙোত্ ভস্ত আর অত্যেচার অর্ আর আমিঝে কোল্-কোজ্যে আহ্ মারামারি চলের্।

মার্ক 13:27

তে তার দূত্‌‌তুনোরে পাধেইনে পিত্‌‌থিমীর এক কিত্তেত্তুন্ ধুরি অন্য কিত্তেদি সং চেরোকিত্তেত্তুন্ গোজেনর্ বেক্ বেঈ লোইয়্যে মানুচ্চুনোরে এক সমারে থুবেবাক্।

প্রেরিত্‌ 13:47

ইয়েনর্ কারনান্ অলঅ, প্রভু আমারে এ কধাগান কোইয়্যেদে, ‘মুই অন্য জাদ্‌‌তুনো ইধু তরে পহ্‌‌র ধোক্ক্যেন্ গোজ্জ্যং, যেন তর্ মাধ্যমে গোদা দুনিয়ের্ মানুচ্চুনে পাপত্তুন্ উদ্ধোর্ পান।’ ”

ফগদাং পেইয়্যে 15:3

তারা গোজেনর্ চাগর মোশির আর সেই ভেড়া-ছবোর্ এ গান্‌নো গাদন্: “বেগত্তুন্ খেমতাবলা প্রভু গোজেন, কত্তমান দাঙর্ আর আমক্ অবার্ তর কামানি! ও বেক্‌ জাদ্‌তুনোর্ রাজাবো, কত্তমান ন্যায় আর সত্য তঅ পধতান্!