যিশাইয় 24:14 - Chakma Bible

¹⁴ তারা রঅ ছাড়িবাক্ আর হুজিয়ে গান গেবাক্। তারা পোজিমেত্তুন্ দাঙর্ দাঙর্ গুরি লগেপ্রভুর মহিমাগানর্ বাঈনী গুরিবাক্।

যিশাইয় 24:14 Iomraidhean Croise

যিশাইয় 25:1

ও লগেপ্রভু, তুয়ই মর্ গোজেন; মুই তর্ বাঈনী গুরিম আর তরে নাঙ্ গিনিম। যেদক্কানি আমক্ অবার্ কাম ভালোক্ দিন আগে তুই পরিকল্পনা গোজ্যস্ সিয়েনি তুই বেক্কানি গমেডালে গোজ্যস্।

যিশাইয় 26:1

সেদিন্যে যিহূদা দেজত্ এ গান্নো গাহ্ অবঅ: আমার্ এক্কান দরমর শঅর্ আঘে; গোজেনর্ দিয়্যে উদ্ধোরান্দোই উদ্ধোর অবঅ তার দেবালান আর রোক্ক্যের্ বেবস্থাগান।

যিশাইয় 27:2

সেদিন্যে এ গান্নো গাহ্ অবঅ: “তুমি গান গঅ সেই আংগুর খেত পৌইদ্যেনে যিয়েনত্তুন্ রস পাহ্ যায়।

যিশাইয় 35:10

আর লগেপ্রভুর্ উদ্ধোর্ গোজ্যে মানুচ্চুনে ফিরি এবাক্। তারা হুজিয়ে গান গাদে গাদে সিয়োনত্ সুমিবাক্; তারার্ মাঢাগুনো মুকুট্‌‌তুন অবদে জিংকানিবরত্তে হুজি।‌ তারা হুজিয়ে আর ফুত্তিয়ে ভর্‌‌পুনং অবাক্, দুঘে আর ভঅ নিযেজে দূরোত্ ধেই যেবাক্।

যিশাইয় 40:9

ও সিয়োন, গম্ হবর্ তুই যে আন্যস্, তুই অজল্ মুড়োবোত্ যেইনে উঠ্। ও যিরূশালেম, গম্ হবর্ যে তুই আন্যস্, তুই দাঙর্ দাঙর্ গুরি রঅ ছাড়্, রঅ ছাড়্, ন-দোরেচ্; যিহূদার শঅরানিরে কঅ, “এইদঅ তমার গোজেন!”

যিশাইয় 44:23

ও আগাজ্‌চান, হুজিয়ে গিদ্ গাহ্, ‍‍ কিত্তে লগেপ্রভু ইয়েন গোজ্যে। ও পিত্‌থিমীর গভিন্ জাগায়ানি, জয় ধুনি দে।‍‍‍ ও মুড়ো-মুড়িগুন্, ও ঝার্ আর সিয়েনর গাজ্-বাজ্‌চুন্, তুমি হুজিয়ে-গানে ফুত্তি গরঅ, কিত্তে লগেপ্রভু যাকোবরে উদ্ধোর্ গোজ্যে আর ইস্রায়েলর্ মাধ্যমে তার বাঈনী গরানা ফগদাং গুরিবো।

যিশাইয় 48:20

তুমি বাবিলান ছাড়িনে যগোই, বাবিলীয়গুনো ইত্তুন্ ধেই যঅ। তুমি হুজিয়ে রঅ ছাড়িনে জানঅ, ফগদাং গরঅ। পিত্‌‌‌থিমীর শেজ্ ধুজি সং এ কধাগান কঅ, “লগেপ্রভু তা চাগর্ যাকোবরে উদ্ধোর্ গোজ্যে।”

যিশাইয় 51:11

লগেপ্রভুর্ রোক্ষ্যে গুরিয়্যে মানুচ্চুনে ফিরি এবাক্ আর গীদ্ গাদে গাদে সিয়োনত্ চোমেবাক্। উমরত্তে হুজি অবঅ তারার মাঢাবোর মুকুট্‌তো। তারা অমকদ হুজি অবাক্ আর দুঘ্ আহ্ বঅ নিজেস্ ফেলানাগান্ ধেই যেবঅ।

যিশাইয় 54:1

লগেপ্রভু কোইয়্যেদে, ও ভায্ মিলেবো, যিবের কনদিন্অ পুয়ো ন-অয়, তুই হুজিয়ে গান গাহ্; তুই, যিবের্ কনদিন্অ পুয়ো ফুদেবার পেটপিড়ে ন-অয়, তুই জদবদে গান গাহ্, হুজিয়ে রঅ ছাড়্; কিত্তে যিবের্ নেগ্ আঘে তাত্তুন্ যিবের কনজন নেই তার পুয়ো-ছা বোউত্ অবাক্।

যিশাইয় 60:5

সিয়েনি দেগিনে তুই হুজিয়ে ফোত্‌পোত্যে অবে, হুজিয়্যে তঅ বুগ্‌কো ফুলি উদিবো; সাগর ধন সোম্বোত্তিগানি তইদু আনা অবঅ, জাদ্‌তুনোর ধন-সোম্বোত্তিগানি তইদু আনিবাক্।

যিরমিয় 30:19

সিয়েনত্তুন্ নিগিলি এবঅ সাধুবাদ দেনার্ গীদ্ আর হুজির্ রঅ। মুই তারার মানুচ্চুন বাড়েম্, তারা কুমি ন-যেবাক্। মুই তারারে সর্মানিত গুরি তুলিম, তারারে কনজনে ঈচ্ ন-গুরিবাক্।

যিরমিয় 31:12

তারা এইনে সিয়োনর অজল্ জাগানত্ হুজির্ রঅ গুরিবাক্; মর্ দিয়্যে বোউত্ শোজ্য, নুয়ো আংগুর-রস, তেল, ভেড়া আর গোরু পালর্ ছঅ পেইনে তারা ফুত্তি গুরিবাক্। তারা গমেডালে পানি দিয়্যে বাগান ধোক্ক্যেন অবাক্; তারা আর্ বল্‌পোজ্যে ন-অবাক্। ‍

যিরমিয় 51:10

আমি যে লগেপ্রভুর নিজোর্ মানুচ্ তে সিয়েন দেগেই দিয়্যে, আমা গোজেন লগেপ্রভু যিয়েনি গোজ্যে এজঅ, আমি সিয়েনি সিয়োনত্ কোই।

সখরিয় 2:10

লগেপ্রভু কত্তে, “ও সিয়োন-ঝিবো, ফুত্তি গুরিনে গান গাহ্ আর হুজি অ, কিত্যে মুই এজঙর্, আর মুই তমাইদু বজত্তি গুরিম।