যিশাইয় 24:12 - Chakma Bible

¹² শঅরানি ভস্ত ওইয়্যে কুরো ধোক্ক্যেন পড়ি থেবঅ আর সে গেট্‌‌তো কট্টা কট্টা ওইনে ভাঙি যেবঅ।

যিশাইয় 24:12 Iomraidhean Croise

যিশাইয় 14:31

ও গেদ্‌টো, আবিলেচ্ গর্। ও শঅরান, কান্। ও পলেষ্টীয়া, তর্ বেক্কানি মিলেই যোক্। উত্তোরেত্তুন্ ধূমোর্ মেঘ এজের্, সে সৈন্যদলত্তুন্ এক্কো সৈন্যয়ো পিজেদি ন-যাদন্।‌‌

যিশাইয় 32:14

যেদক্কন্ সং উগুরেত্তুন্ পবিত্র আত্মাগানরে আমা উগুরে ঢালি দিয়্যে ন-অয় আর ধূল্যেচর-চাগালাগান বোল্‌‌বোল্যে জাগা ন-য় আর বোল্‌‌বোল্যে জাগায়ান ঝার ধোক্ক্যেন মনে ন-অয়, সেদক্ দিন সং ঘরত্ আর যাগুলুগে ভরা শঅরত্ কনজনে ন-থেবাক্, আর মুড়োগুন, চুগিদার ঘরানি ফেলা যেইয়্যে জাগা অবঅ। সিয়েনি ঝার্‌বো গাধাগুনোর হুজির্ জাগা আর য়েমান পালুনোর্ চড়িবার্ জাগা অবঅ।‌

যিশাইয় 32:19

শিলোঝড়ে ঝারর্ গাজ্‌‌চুনোরে মাদিত্ ফেলেই দিবো আর শঅরানি পুরোপুরি মাদি লগে মিজেইনে সং সং ওই যেবঅ।

যিশাইয় 45:2

তে কোরসরে কত্তে, মুই তঅ আগে আগে যেইনে অজল্-নিজো জাগায়ানি সং গুরি দিম; মুই পিদলর্ বেক্ গেট্‌‌তুন্ ভাঙি দিম আর লুয়োর্ হেবাগুন্ কাবি ফেলেম।

যিরমিয় 9:11

লগেপ্রভু কোইয়্যেদে, “মুই যিরূশালেমানরে এক্কান ভস্তর কুড়্ আর শিয়েলর থেবার জাগা বানেম। মুই যিহূদার শঅরানিরে এমন ভস্তর জাগা বানেম, সিয়েনত্ আর কনজনে বজত্তি গুরি ন-পারিবাক্।”

আবিলেচ্ 1:1

হায়! যে শঅরানত্ একদিন মানুজে সয়সাগোজ্যে এলাক্ সিয়েন কিবাবোত্যে গায় গায় পড়ি আঘে। যে শঅরানত্ একদিন জাদ ভিদিরেত্তুন্ নেতা এলঅ, সিয়েন ইক্কিনে রানি মিলে ধোক্ক্যেন ওইয়্যে। যিয়েন এলদে রেজ্যগানির রাণী সিয়েন ইক্কিনে ওইয়্যেদে চাগরানি।

আবিলেচ্ 1:4

সিয়োনর পথ্‌‌তানিয়ে আবিলেচ্ গরের্, কিত্তে ঠিগ্ গোজ্যে পরবত্ কনজন আর ন-এজন্। তার বেক্ গেট্‌‌তুনোত্ সোমেবার পথ্‌তান খালি। তার ধর্মগুরুগুনে বুগ্ চাবারাদন, গাবুজ্যে মিলেগুনে দুঘ্ পাদন, সেক্কে তে মনত্ অমকদ দুঘ্ পার্।

আবিলেচ্ 2:9

তা গেট্‌তুন মাদিলোই নাঢি যেইয়োন; হুক্‌কুন তে ভাঙিনে বর্‌বাত গুরি দিয়্যে। তার রাজা আর নেতাগুনে জাদ্‌তুনো ভিদিরে বন্দী ওই আগন্; রীদি-সুদোম্ কধে কিচ্ছু নেই; তার ভাববাদীগুনে লগেপ্রভুত্তুন্ আর দর্শন ন-পান্।

আবিলেচ্ 5:18

সিয়োন মুড়োবো মানুচ্ নেইয়্যে ওইনে পড়ি আঘে; শিয়েলুনে তা উগুরে ঘুরি বেড়ান্।

মীখা 1:12

যিগুনে মারোদত্ বজত্তি গরন্ তারা উবোল্‌‍ফাল্ ওইনে রেহাই পেবাত্তে বাজ্জেই আগন্, কিত্যে লগেপ্রভুত্তুন্ দযা এচ্চ্যে; এমন কি, সিয়েন যিরূশালেমর গেদো সং লুম্মেগি।

মীখা 1:9

ইয়েনর কারনান্ শমরিয়ার ঘা গান আর গম্ ন-অবঅ; সিয়েন যিহূদা ইধু লুম্মেগি। সিয়েন মঅ মানুচ্চুনোর্ গেদো সং, এমন কি, যিরূশালেম সং লুম্মেগি।

মথি লেখ্যে গম্ হবর্ 22:7

সেক্কে রাজার অমকদ রাগ্ উদিলো; সেনত্যে তে সৈন্য পাধেইনে সেই খুনীগুনোরে মারে ফেলেল আর তারা শঅরান্ পুড়ি দিলাক্।