যিশাইয় 24:1 - Chakma Bible

¹ চঅ, লগেপ্রভু পিত্‌থিমীগানরে এক্কুবারে খালি গুরিবাত্যে আর ভস্ত গুরিবাত্যে যার্। তে তার্ উগুরে ভাগ্‌কান উল্ল্যে ফেলেইনে তা আদাম্মেগুনোরে ছিদি দিবো।

যিশাইয় 24:1 Iomraidhean Croise

২ রাজাবলী 21:13

শমরিয়ার বিরুদ্ধে যে মাব দুড়িগান্‌ আর আহাব বংশগুনো বিরুদ্ধে যে ওলন দুড়িগান্‌ বেবহার গরা ওইয়্যে সিয়েন্‌ মুই যিরূশালেম বিরুদ্ধে বেবহার গুরিম। যেধোক্ক্যেন গুরিনে একজনে থাল্লো পুজিবাত্তে এপিট ওপিট গরে সেধোক্ক্যেন গুরিনে মুই যিরূশালেমরে বাদ দিম্‌।

নহিমিয় 1:8

কোজোলি গরঙ্‌, তঅ চাগর্‌ মোশিরে তুই যে উগুমান্‌ দুয়োচ্‌ সিয়েনি মনত্‌ তুলি চাহ্। তুই কোইয়োচ্ছ্যে, তুমি যুনি অবিশ্বেজি অ সালে মুই অন্য জাত্‌তুনো ভিদিরে তমারে ছিদি দিম্‌;

গীতসংহিতা 146:9

লগেপ্রভু বিদেশীগুনো উগুরে চোগ্ রাগায় বাপ মা নেইয়্যে আরে রানিমিলেগুনোরে দেগাশুনো গরে, মাত্তর্ পাজি মানুচ্চুনোর পথ্‌তানি তে বেঙা গরে।

যিশাইয় 13:13

সেনত্তে মুই আগাজ্‌‌চানরে গির্‌‌‌গিরে দিম্; বেগত্তুন্ খেমতাবলা লগেপ্রভুর অমকদ রাগে তার জোল্‌জোল্যে রাগর্ দিন্নোত্ পিত্‌থিমীগানে তা জাগানত্তুন্ লুড়িবো।‌

যিশাইয় 13:5

তারা দূরোত্তুন্ এত্তন্, তারা পিত্‌‌থিমীর শেজ্ দুযিত্তুন্ এত্তন্; লগেপ্রভু তার রাগর্ আত্যের্‌লোই পুরো পিত্‌থিমীগানরে ভস্ত গুরিবাত্তে এজের্।

যিশাইয় 2:19

লগেপ্রভু যেক্কে পিত্‌থিমীর মানুচ্চুনোরে দর্‌বুক্ দেগেবাত্তে এবঅ সেক্কে তার্ দর্‌গরেপারা আর মহিমার্ জোল্‌জোল্যেগান আঢত্তুন্ রোক্ষ্যে পেবাত্তে মান্‌জ্যে সেদিন্যে মোন্-মুড়ো সেরে সুরুঙোত্ আর মাঢি গাদত্ ধেই যেবাক্।

যিশাইয় 24:19

পিত্‌থিমীগান কট্টা কট্টা অবঅ, পিত্‌‌‌থিমীগান ভাঙি পুরিবো, পিত্‌‌‌থিমীগান অমকদ গির্‌গিরেব।

যিশাইয় 24:20

পিত্‌‌‌থিমীগান মাত্তল ধোক্ক্যেন আলেব, বোইয়্যেরত্ দুলেদে ভাঙা ঘর ধোক্ক্যেন দুলিবো। তা পাপ ভারান্ তা উগুরে এদক্ অবদে যে, তে পড়িবো; তে আর কনদিন্অ উদি ন-পারিবো।

যিশাইয় 27:10

দেবাল্-ঘিজ্যে শঅরান্ মানুচ্ নেইয়্যে ওইয়্যে; সিয়েন ফেলেই যেইয়্যে জাগা আর ধূল্যেচর ধোক্ক্যেন ফেলেই যাহ্ ওইয়্যে। সিয়েনত্ গোরু ছঅ বেড়েবাক্ আর বুগ্‌গুরি থেবাক্; তারা গাজর্ বেক পাদানি হেই ফেলেবাক্।‌

যিশাইয় 29:16

তমার্ কেজান্ উগুদো বুদ্ধি! তুমি দঅ কুমোর্ আর মাদিগানরে এক্কুই মনে গোজ্য! যে বানেয়্যে তার্ বানেয়্যে জিনিস্‌‌‌‌‌ছানে কি তা পৌইদ্যেনে কোই পারে, “তে মরে ন-বানায়”? পিলেবো কি কুমোর পৌইদ্যেনে কবঅ, “তে কিচ্ছু হবর্ ন-পায়”?

যিশাইয় 29:2

মাত্তর্ মুই অরীয়েল উগুরে দজা আনিম্। তে দুঘ্ পেবঅ আর আবিলেচ্ গুরিবো; তে মইদু এক্কো অরীয়েল ধোক্ক্যেন্, অত্তাৎ এক্কো পূযো ধোক্ক্যেন্ অবঅ।

যিশাইয় 30:32

লগেপ্রভু তারা লগে যুদ্ধো গুরিবার অক্তত্ যেক্কে তার্ নেযেয়্যে লুদিক্কো তারা উগুরে আঘাত্ গুরিবো সেক্কে ঝোন্‌জোনি আর বীণা বাঁজিবো।

যিশাইয় 32:12

চোগ্ জুড়োইদ্যে খেত্ আর গুলো-গুলিলোই ভরা আংগুর লুদিগানিত্তে তমা বুগ্‌কুন্ চাবেড়েয়ো।

যিশাইয় 33:9

দেজ্‌চানে আবিলেচ্ গরের্ আর শুগেই যার্, লেবাননে লাজ্ পেইয়্যে আর শুগেই যার্, শারোণানে ধূল্যেচর-চাগালা ধোক্ক্যেন ওইয়্যে আর বাশন আর কর্মিলো বেক্ গাজ পাদানি ঝুরি পড়ের্।

যিশাইয় 34:10

দিনে রেদে কনদিন্অ সিয়েন ন-মুড়িবো; জিংকানিবর্ সিয়েনত্তুন্ ধূমো উদিবো। বংশর পর বংশ ধুরিনে সিয়েন খালি ওই পড়ি থেবঅ; কনজনে সিয়েন ভিদিরেদি আর্ কনদিন্অ ন-যেবাক্।

যিশাইয় 34:2

বেক্ জাদ্‌‌তুনো উগুরে লগেপ্রভু অমকদ বেজার্ ওইয়্যে; তারার বেক্ সৈন্যদলুনো উগুরে তার রাগ্‌কান রোইয়্যে। তে তারারে এক্কুবারে শেজ্ গুরি ফেলেব, ভস্তর্ আঢত্ তারারে তুলি দিবো।‌

যিশাইয় 42:15

মুই মুড়ো-মুড়িগুন গাজ্-বাজ্ নেইয়্যে গুরিম আর সেই জাগানর বেক্ গাজ্-বাজ‌্‌চুন শুগেই ফেলেম; মুই গাঙানিরে দ্বীপ বানেম্ আর পুয়োরুনোরে শুগেই ফেলেম্।

যিশাইয় 5:6

মুই সিয়েন এক্কান ভস্তর্ জাগা বানেম্; সিয়েনর্ লুদিগান কাবায়ো ন-অবঅ আর তার ভূইয়ান্‌অ চাজ্ গরা ন-অবঅ, আর সিয়েনত্ জোর্মেব বানা কাদাঝুপ্ আর কাদাগাজ্। মুই মেঘ্‌কানরে উগুম দিম্ যেন তে ঝড়্ ন-পেলায়।”

যিরমিয় 4:7

এক্কো সিংহ তা ঝুব্‌‍‍পো ছাড়িনে উদি এচ্চ্যে; জাদ্‌তুনোরে ভস্ত গুরিয়্যে একজনে যাহ্ ধোজ্জ্যে। তঅ দেজ্‌চান ভস্ত গুরিবাত্তে তে তা জাগায়ান ছাড়িনে এজের্। তঅ শঅরানি মানুচ্ নেইয়্যে আর ভস্ত ওইনে পড়ি থেবঅ। ‍‍‍‍‍‍‍‍

যিরমিয় 40:15

সেক্কে কারেহর পুয়ো যোহানন মিসপাত গদলিয়রে ভিদিরে ভিদিরে কলঅ, “তুই উগুম দিলে মুই যেইনে নথনিয়র পুয়ো ইশ্মায়েলরে মারে ফেলেম, কনজনে হবর্ ন-পেবাক্। তে কিত্তে তরে মারে ফেলেব? সেক্কে দঅ যিদুক্কুন যিহূদী তঅ চেরোকিত্তে এগত্তর্ ওইয়োন তারা ছিদি পড়িবাক্ আর যিহূদার বাদবাগি মানুচ্চুনে ভস্ত অবাক্।”

যিরমিয় 50:17

ইস্রায়েল যেনে এক্কান ছিদি পোজ্যে ভেড়া পাল যিগুনোরে সিংহগুনে লোড়েই দুয়োন্। পত্তমে আসিরিয়ার রাজা তারে আক্রমণ গোজ্যে; যেরেদি বাবিল রাজা নবূখদ্‌নিৎসরে তা আড়ুন্ গুড়ি গুরি দিয়্যে।

যিরমিয় 51:34

যিরূশালেমর মানুচ্চুনে কদন্, “বাবিল রাজা নবূখদ্‌নিৎসরে আমারে গিলি ফেল্যে, আমারে চুরমার গোজ্যে, আমারে সুদো কুমো ধোক্ক্যেন গোজ্যে। দানব ধোক্ক্যেন্ তে আমারে গিলি ফেল্যে আর আমারে গম্ গম্ হানা দিইনে তা পেট্‌‌‌‌তো ভোরেয়্যে, আর সে পরেদি আমারে এঁটোকাঁটা ধোক্ক্যেন দূর্ গুরি দিয়্যে।”

যিরমিয় 9:16

মুই তারারে এমন বেক্ জাদ ভিদিরে ছিদি দিম্ যিগুনোরে তারা হবর্ ন-পান বা তারার পুরোণি মানুচ্চুনেয়ো হবর্ ন-পান। তারার ভস্ত ন-গরানা সং মুই যুদ্ধো পাধেইনে তারা পিজেদি লোড়েম্।’ ”

যিহিষ্কেল 12:20

মানুজে ভরা শঅরানি ভস্তর্ জাগা ওই থেবঅ আর দেজচান মানুচ্ নেইয়্যে অবঅ। সেক্কে তুমি হবর্ পেবা যে, মুয়ই লগেপ্রভু।’ ”

যিহিষ্কেল 24:11

সে পরেদি খালি পিলেবো আগুনো উগুরে রাগা যেন সিবে গরম্ অয়, সিবের্ তামাগান পুড়িনে রাঙা অয়, সিবের্ অসিজিগানি বেক্কানি গুলি যায় আর সিবের্ কজরাগান পুড়ি যায়।

যিহিষ্কেল 35:14

যেক্কেনে বেক পিত্‌‌‌‌‌‌‌থিমীগানে ফুত্তি গুরিবো সেক্কে মুই তরে মানুচ্ নেইয়্যে গুরিম।

যিহিষ্কেল 5:14

“ও যিরূশালেম, তঅ চেরোকিত্তে জাদ্‌‌‌তুনো ভিদিরেত্তুন্ যিগুনে তঅ কায়-কুরেদি যান্ মুই তারার্ চোগো মুজুঙোত্ তরে এক্কান ভস্তর্ জাগা আর ঠাট্টা-মশকারির্ মানুচ্ বানেম্।

যিহিষ্কেল 5:2

যেক্কে শঅরর্ ঘিরি থোইয়্যে দিনুন্ থুম্ ওই যেবঅ সেক্কে সেই চুলোর তিন ভাগর্ এক ভাগ চুল নিইনে শঅর ভিদিরে পুড়িবে। তিন ভাগর এক ভাগ চুল নিইনে ছুরিলোই শঅর চেরোকিত্তে সিয়েনি কুজি কুজি গুরি কাবিবে, আর তিন ভাগর্ এক ভাগ চুল নিইনে বোইয়্যেরত্ উড়েই দিবে। যেরেদি খুলো তলোয়ারলোই মুই মানুচ্চুনোরে লোড়েম্।

যিহিষ্কেল 6:14

ইস্রায়েলীয়গুনে যিয়েনত্ থেদাক্ সাৎ মুই তারা বিরুদ্ধে মঅ আঢ্‌‌‌‌তানি বাবেই দিম্ আর ধূল্যেচর-চাগালাত্তুন্ দিব্‌‌‌‌লা সং পুরো দেজ্‌‌‌‌চান মানুচ্ নেইয়্যে আর ভস্ত ওইয়্যে জাগা বানেম্। সেক্কে তারা হবর্ পেবাক্ যে, মুয়ই লগেপ্রভু।

যিহিষ্কেল 6:6

তুমি যিয়েনত্ বজত্তি গুরিদা সাৎ সিদুগোর্ শঅরানি এনেবাদে পড়ি থেবঅ আর পূজোর্ অজল্ জাগায়ানি ভস্ত অবঅ; সিয়েনর কারনে তমা ডালিপূজোগুন পড়ি থেবাক্ আর বর্‌‌‌‌‌‌বাত্ ওই যেবঅ, তমা মূত্তিগুন কট্টা কট্টা আর ভস্ত অবাক্, তমা ডালিপূজোগুন ভাঙিনে পড়ি যেবঅ আর তমার বানেয়্যে বেক্কানি ভস্ত ওই যেবঅ,

যিহিষ্কেল 7:12

সময় ওইয়্যে, দিন এই যেইয়্যে। যিগুনে ভূই কিনোন্ তারা ফুত্তি ন-গোত্তোক্ আর যিগুনে ভূই বেজন্ তারায়ো দুঘ্ ন-গোত্তোক্, কিত্যে তারার্ বেক্কুনো উগুরে রাগ্‌‌‌‌‌‌কান আজিল্ ওইয়্যে।

যিহিষ্কেল 7:14

মানুচ্চুনে তূরী বাজেইনে বেক্কানি যুক্কোল্ রাগেয়োন, মাত্তর্ কনজনে যুদ্ধোত্ ন-যাদন্, কিত্যে দেজর্ বেক মানুচ্চুনো উগুরে মঅ রাগ্‌‌‌‌‌‌‌কান আঘে।

নহূম 1:5

দাঙর্ দাঙর্ মুড়োগুন তা মুজুঙোত্ গির্‌‌‌‌গিরান আর চিগোন চিগোন মুড়োগুন গলি যান। তে আজিল্ অলে পিত্‌‌‌‌থিমীগান আর সিয়েন ভিদিরে বজত্তিগুরিয়্যেগুন বেক্কুনে গির্‌‌‌‌গিরান।

নহূম 2:10

তারে লুদো অর্, খালি গরা অর্ আর ভস্ত গরা অর্। তা মানুচ্চুনোর মনানি গলি যেইয়্যে, আঢু গিলেগুন দগ্‌‌দগাদন্; তারার্ কমরত্ আর জোর্ নেই, তারার পত্তিজনর্ রাঙা-কালা মু ওই যেইয়্যে।

লূকে লেখ্যে গম্ হবর্ 21:24

লাম্বা ছুড়িলোই তারারে মারে ফেলা অবঅ আর বেক জাদ্‌তুনো ইধু তারা বন্দী ইজেবে ছিদি থেবাক্। যেদক্ দিন সং অযিহূদীগুনো সময়বো ন-পুরায় সেদক্ দিন সং অযিহূদীগুনে যিরূশালেমানরে তারার্ ঠেংঅ পাদালোই উরিবাক্।

প্রেরিত্‌ 17:6

মাত্তর্ সিধু তারা তারারে ন-পেলাক্। সেক্কে তারা যাসোন আর কয়েক্কো বিশ্বেজি ভেইয়োরে টানি নেযেইনে শঅর-নেতাগুনো ইধু গেলাক্ আর রঅ ছাড়িনে কলাক্, “যে মানুচ্চুনে গোদা দুনিয়েগান্ উলোত্-পালত্ গোজ্জ্যন্ তারা ইক্কিনে ইধুয়ো লুম্মোন্দি;

দ্বি’লম্বর বিররণ 28:64

“সে পরেন্দি লগেপ্রভু পিত্‌থিমীর এক দুঝিত্তুন অন্য দুঝি সং বেক্‌ জাদর্‌ ভিদিরে তমারে ছিদি দিবো। তুমি সিয়েনত্‌ তমার আর তমার পুরোণিমানুচ্চুনোর হবর্ ন-পেইয়্যে গাজর আর পাত্তরর্‌ দেবেদামূত্তির পূজো গুরিবা।

দ্বি’লম্বর বিররণ 32:26

মুই কোইয়োং, মুই তারারে কট্টা কট্টা গুরি ফেলেম, তারার কধানি মান্‌জ্যর মনত্তুন পুঝি ফেলেম্‌।

দ্বি’লম্বর বিররণ 4:27

লগেপ্রভু নানান্‌ জাদ ভিদিরে তমারে ছিদি দিবো আর যিগুনো ভিদিরে তে তমারে ধাবেই দিবো তমাত্তুন্‌ খুব কম্‌ মান্‌জ্যেয়ই তারা ভিদিরে বাঁজি থেবাক।

যাকোব 1:1

মুই গোজেন আর প্রভু যীশু খ্রীষ্টর চাগর্ যাকোব পিত্‌থিমীর বেক্‌ জাগানি ইধু ছিদি পোজ্যে যিহূদী জাদর্ বারবো গুট্টির মানুচ্চুনোরে ভালেদি জানাঙর্।