যিশাইয় 23:3 - Chakma Bible

³ শীহোর গাঙর্, অত্তাৎ য়েল্ গাঙ পারর্ শোজ্যগানি দাঙর্ সাগর উগুরেদি এদঅ; সোরর আয় এলদে সে গাঙ পারর্ খেত-খেত্তিগানি, আর সোর ওই উদিলোদে বেক্ জাদ্‌তুনোর বাজার।‌‌‌

যিশাইয় 23:3 Iomraidhean Croise

১ বংশধর 13:5

সেনত্তে কিরিয়ৎ-যিয়ারীমত্তুন্‌ গোজেন সুন্দুক্কো আনিবাত্তে দায়ূদ মিসর সীহোর গাঙত্তুন্‌ হমাত ধুজি সং বেক্‌ ইস্রায়েলীয়গুনোরে এগত্তর্‌ গুরিলো।

যিশাইয় 19:7

য়্যেল্ গাঙ পারর বেক্ গাজ্-বাশ্‌চুন শুগেই যেবাক্। গাঙ পারর্ বীজ্ ফেলেয়্যে খেত্‌‌তানি শুগেই যেবঅ; চারাগুন শুগেইনে উড়ি যেবঅ, কিচ্চু ন-থেবঅ।

যিশাইয় 23:8

যে সোর অন্যগুনোর মুকুট পিনেদ, যিবের বণিককুনে রাজপুরুষ আর বেবসায়ীগুনে পিত্‌থিমীত নাঙ্-গোজ্যে, তা বিরুদ্ধে কন্না এ পরিকল্পনাগান গোজ্যে?

যিশাইয় 32:20

মাত্তর্ পত্তি গঙার পারত্ বীজ্ লাগেইনে আর তমা গোরু আর গাধাগুনোরে গমেডালে চড়িবাত্তে দিইনে তুমি সুগি অবা।

যিরমিয় 2:18

ইক্কিনে নীল গাঙর্ পানিগান হেবাত্তে কিত্তে তুই মিসরত্ যর্? ইউফ্রেটিস গাঙর্ পানিগান হেবাত্তে কিত্তে তুই আসিরিয়া দেজত্ যর্?

যিহিষ্কেল 27:33

তঅ বেবসার পযাপিরানি যেক্কে সাগরত্ নিগিলিদো সেক্কে তুই ভালোক্ জাদরে ঈল্ অই সং খাবেদে; তর্ বোউত্ ধন-সোম্বোত্তি আর পযাপিরা দিইনে তুই পিথ্‌‌তিমীর রাজাগুনোরে তাগোয়্যে গুরিদে।

যিহিষ্কেল 28:4

তর্ জ্ঞান আর বুদ্ধিলোই তুই নিজোত্তে ধন-সোম্বোত্তি পেইয়োচ্ আর তর্ ধন-ভান্ডালত্ সোনা আর রূবো থুবেয়োচ্।

যোয়েল 3:5

ইয়েনর্ কারনান্ অলঅ, তুমি মর্ সনা আর রূবোনি নেযেয়ো আর মর্ বেগত্তুন মংগা পযাপিরানি তমা মন্দিরুনোত্ নেযেয়ো।

দ্বি’লম্বর বিররণ 11:10

তুমি যে দেজ্‌ছান গজক্ গুরিবাত্তে যর্‌ সিয়েন্‌ মিসর দেজঅ ধোক্ক্যেন নয় যিয়েনত্তুন তুমি এচ্ছো। তুমি সিদু বীজ ফেলেদা, আর শাক্‌ পাদঅ ক্ষেদত্‌ যেধোক্ক্যেন গরা অয় সেধোক্ক্যেন গুরি সিয়েনত্‌ টেংগোই পানি নেযেবার কাম্‌ গুরিদা।