যিশাইয় 23:17 - Chakma Bible

¹⁷ সত্তুর্ বজর পার্ ওই যানার্ পরেদি লগেপ্রভু সোর ইন্দি মনান্ দিবো। সেক্কে তে তার বেবসা কামত্ ফিরি যেইনে পিত্‌‍‍থিমীর বেক্ রেজ্যগানি লগে বেবসা চালেব।

যিশাইয় 23:17 Iomraidhean Croise

যিশাইয় 23:15

সে সময়োত্ এক্কো রাজার জিংকানিগান, অত্তাৎ সত্তুর্ বজরত্তে সোররে ভুলি যাহ্ পুরিবো। মাত্তর্ সে সত্তুর্ বজর শেজত্ বেশ্যে মিলের গান ধোক্ক্যেন সোরর অবস্থা এ বাবোত্যে অবঅ:

যিশাইয় 23:16

ও ভুলি যেইয়্যে বেশ্যে মিলে, বীণালোই শঅরত্ আঢি আঢি বেড়া। গমেডালে বীণা বাজা; ভালোক্কুন গীদ্ গাহ্ যেনে তরে আরঅ ইদোত্ রাগা যায়।

যিরমিয় 25:11

এ দেজ্‌‌‌চান ভস্তর্ জাগা আর ফেলা যেইয়্যে ভূই ওই যেবঅ আর এ জাদ্‌‌‌তুনে সত্তুর বজর ধুরি বাবিলো রাজার চাগর্ ওই থেবাক্।

যিরমিয় 29:10

“বাবিল পৌইদ্যেনে যে সত্তুর বজর কধা কুয়ো ওইয়্যে সিয়েন পূরোণ অলে পরেদি মুই তমা ইন্দি মনান্ দিম; মুই যে ভালেদি গুরিবার এগেম্ গোজ্যং সিয়েন পূরোণ গুরিম, অত্তাৎ তমারে এ জাগানত্ ফিরেই আনিম।

যিহিষ্কেল 16:25

দবদা পধত্ মূত্তির্ আসন বানেইনে তর্ দোলানরে তুই অগমান গোজ্যস্। যে কনজনে তঅ কায়-কুরেদি গেলে তারে তর্ কিয়্যেগান দান গুরিনে তুই তর্ ব্যভিচারর কামান বাড়েয়োচ্।

যিহিষ্কেল 16:26

তর্ পাড়াল্যে মিসরীয়গুনো পেরেত্যে সমারে তুই সিনেলী গোজ্যস্ আর তর্ ব্যভিচারর কামান বাড়েইনে মরে অমকদ অহুজি গোজ্যস্।

যিহিষ্কেল 16:31

তুই যেক্কে দবদা পধে পধে মূত্তির্ আসন বানেয়োচ্ সেক্কে বেশ্যের কাম গুরিনেয়ো তর্ পাওনা টেঙাগুন্ এলাফেলা গোজ্যস্।

যিহিষ্কেল 22:13

“‘তুই যে অন্যেয় গুরি লাভ্ গোজ্যস্ আর তঅ ভিদিরে যে লো ঝোরেয়োচ্ সিয়েনত্তে মুই হামাক্কায় মঅ আঢ্‌তানিলোই আঘাত্ গুরিম।‌

মীখা 1:7

তার্ বেক মূত্তিগুন কট্টা কট্টা গুরি ভাঙি ফেলা অবঅ; তার মন্দির-বেশ্যেগুনোর বেক কামেয়্যেগুন্ আগুন্দোই পুড়ো অবঅ; তার বেক মূত্তিগুন মুই ভস্ত গুরি ফেলেম। তে দঅ বেশ্যেগিরির পাওনা ইজেবে ইগুন পেইয়্যে সেনত্তে সিগুন আরঅ বেশ্যেগিরিত্তে বেবহার গরা অবঅ।”

মীখা 3:11

সিদুগোর্ নেতাগুনে ঘুষ হেইনে বিচের্ গরন, ধর্মগুরুগুনে বেতন নিইনে শিক্ষ্যে দৈন্ আর ভাববাদীগুনে টেঙা নিইনে ভাগ্যগান গণান্। আর তো তারা লগেপ্রভুর সাহায্যর্ আজা গুরিনে কন্, “লগেপ্রভু কি আমা ভিদিরে নেই? আমা উগুরে কনঅ দযা ন-এবঅ।”

নহূম 3:4

ইয়েনি বেক্কানি অর্ সেই বেশ্যেবোর্ বোউত্ বেশ্যেগিরিত্তে; তে জদবদে দোল্ আর নানান্ বাবোত্যে যাদুকরী। তার বেশ্যের্ কামানিলোই তে জাদ্‌তুনোরে আর যাদু বিদ্যেলোই মানুচ্চুনোরে বন্দী গরে।

সফনিয় 2:7

সেই চাগালাগান যিহূদা-বংশর বাঁজি থেইয়্যে মানুচ্চুনোর অধিকারত্ থেবঅ; সিয়েনত্ তারা পাল চোড়েবার জাগা পেবাক্; সাজোন্যে অক্তত্ তারা অস্কিলোনর ঘরত্ ঘুম্ যেবাক্; তারার্ গোজেন লগেপ্রভু তারারে দেগাশুনো গুরিবো, তে তারার্ অবস্থাগান ফিরেব।

প্রেরিত্‌ 15:14

গোজেনে তার্ নিজোর্ মানুচ্‌ অবাত্যে অযিহূদীগুনোত্তুন্ কয়েক্কো মান্‌জ্যরে বেঈ লোইনে দেগেয়্যেদে যে, অযিহূদীগুনোত্যেয়ো তার্ চিন্তে আঘে। এ কধাগান শিমোন-পিতরে আমারে কোইয়্যে।

দ্বি’লম্বর বিররণ 23:18

মরদ্‌ ওক্‌ বা মিলে ওক্‌ যে বেশ্যের জীংকানি কাদায় তার্‌ আয়র্‌ টেঙাগুন্‌ মান্যা চিড়েবাত্তে তমার গোজেন লগেপ্রভুর ঘরত্‌ আনানা ন-চলিবো, কিত্যে এবাবোত্যে মরদ্‌ আর মিলেরে লগেপ্রভু ঘিনাই।

১ তীমথিয় 3:3

তে যেন মাত্তল্ আর রগ্‌‌‌চদা ন-অয়, বরং তা খাচ্চ্যদ্‌তান যেন চিদে অয় আর তে যেন কোজ্জ্যে গুরিয়্যে বা টেঙার্ লুভি ন-অয়।

১ তীমথিয় 3:8

সেধোক্ক্যেন গুরি পরিচালক্‌কুনেয়ো যেন সর্মান পেবার্ যগাজ্জ্যে আর এক কধার্ মানুচ্‌ অন্। তারা যেন মাত্তল্ ন-অন্, আর অন্যায় লাভ ইন্দি যেন তারার্ মনান্ ন-থায়।

১ পিতর 5:2

তমা ইধু যে গোজেনর্ পাল আঘে তুমি সিবের্ গরক্ অ। দেগাশুনো গরা পরিবো বিলিনে যে তারারে দেগাশুনো গুরিবে সিয়েন নয়, বরং নিজোর আওজে সিয়েন গরঅ, কিয়া গোজেনে তমা ইধু সিয়েনই চায়। লাভর্ আজায় এ কামান ন-গোজ্জ্য, মাত্তর্ আওজ্‌ গুরিনে গরঅ;

ফগদাং পেইয়্যে 19:2

কিয়া তার্ বিচেরান সত্য আর ন্যায্য। যে তার্ পর্‌পাগোল্যেলোই গোদা পিত্‌থিমীগানরে অসিজি গোজ্জ্যে সেই দাঙর্ বেশ্যেবোরে গোজেনে সাজা দিয়্যে আর তা চাগরুনোর্ লোর্ হেনা সুজোনাগান তে তা উগুরে নেযেয়্যে।”