যিশাইয় 23:13 - Chakma Bible

¹³ বাবিল দেজ্‌ছান ইন্দি রিনি ছঅ‍; এক সময়োত্ তা মানুচ্চুনো পৌইদ্যেনে কনজনে হবর্ ন-পেদাক্। আসিরিয়গুনে বাবিলানরে ধূল্যেচর-চাগালার পরাণবলাগুনোর জাগা বানেয়োন, মাত্তর্ বাবিলীয়গুনে সোররে আক্রমণ গুরিবাত্তে চুগিদার-ঘর ধোক্ক্যেন অজল্ অজল্ রথ বানেয়োন, তার দাঙর্ দাঙর্ ঘরানি লুদেয়োন আর তারে এক্কান ভস্তর্ কুড়্ বানেয়োন।

যিশাইয় 23:13 Iomraidhean Croise

পত্থম 11:28

হারণে তার বাপ্পো বাঁজি থাগদে তার জর্ম ওইয়্যে জাগানত্ কল্‌দীয় দেজর ঊর শঅরত্‌ মুরি গেলঅ।

পত্থম 11:31

অব্রাম, লোট আর সারীরে নেযেইনে তেরহ কনান দেজত্‌ যেবাত্তে কল্‌দীয় দেজ ঊর শঅরত্তুন্‌ যাহ্ ধুরিলাক্‌। অব্রাম অলদে তেরহ পুয়ো, লোটে এলদে তেরহ নাদিন্‌, অত্তাৎ হারণর পুয়ো, আর সারী অলদে তেরহ পূদবো অব্রামর মোক্‌। পোইল্যাদি তারা হারণ নাঙে এক্কান শঅর্‌ সং গেলাক্ আর সিধু বজত্তি গরা ধুরিলাক্ ।

পত্থম 11:9

ইয়েনত্তে সে জাগায়ানর নাঙান অলঅ বাবিল, মাত্তর্ সিয়োদোই লগেপ্রভু গোদা পিত্‌থিমীয়ানত্‌ কধা ভিদিরে যাগুলুক্‌ বাজেই দিলো। সিয়োত্তুন্ তে তারারে পিত্‌থিমীর বেক্‌ জাগায়ানিত্‌ ছিদি দিলো।

পত্থম 2:14

তিন লম্বর গাঙান নাঙান্ টাইগ্রীস। ইয়েন অশূর দেজর পূগেদি ছিদি পোজ্যেগোই। চের্‌ লম্বর গাঙান নাঙান্ ইউফ্রেটিস।

২ রাজাবলী 17:24

আসিরিয়ার রাজা ইস্রায়েলর মানুচ্চুনোর জাগায়ানি পূরেই দিবাত্তে বাবিল, কূথা, অব্বা, হমাৎ আর সফর্বয়িমত্তুন্‌ মানুচ্‌ আনিনে শমরিয়ার শঅর্‌ আর আদামানিত্‌ বোজেই দিলাক্। তারা সেই বেক্‌ জাগায়ানিত্‌ বজত্তি গরা ধুরিলাক।

২ রাজাবলী 20:12

এ সময়োত্‌ বলদনর্ পুয়ো বাবিলোর রাজা বরোদক্‌বলদন্‌ হিষ্কিয়োর অসুগো হবর্‌ শুনিনে তাইদু চিদি আর ভেদ পাধেই দিলো।

২ বংশধর 33:11

সেনত্তে লগেপ্রভু তারা বিরুদ্ধে আসিরিয়ার রাজার সেনাপতিগুনো ইদু আনিলো। তারা মনঃশিরে বন্দী গুরিনে তা কিয়্যেত্‌ হেবা লাগেইনে পিদোল শিগোললোই বানিনে বাবিলোত্‌ নেযেলাক্‌।

ইয়োব 1:17

দ্বিলম্বর মানুচ্চো সেক্কেয়ো কধা কর্‌ এন্‌ সময়োত্‌ আর এক্কো মানুচ্‌ এইনে হবর্‌ দিলো, “কল্‌দীয়গুনে তিন্নো দলত্‌ ভাগ ওইনে হানা দিইনে তঅ উট্‌তুন নেযেয়োন। তরে হবর্‌ দিবাত্তে বানা মুই রোক্ষ্যে পেইয়োং।”

গীতসংহিতা 72:9

ধূল্যেচর-চাগালার মানুচ্চুনে তাইদু মাঢা নিগিরোদোক্ আর তা শত্রুগুনে তারে জু জু জানাদোক্।

যিশাইয় 10:5

অভিশাব্ পোড়োক্ আসিরিয়া, মঅ রাগ্‌কানর্ লুদিক্! তা আঢত্ আগেদে মর্ জদবদে রাগর্ মুগোর্‌বো।

যিশাইয় 10:7

মাত্তর্ আসিরিয়ার উদ্দেশ্য সিয়েন নয়, তা পরিকল্পানাগান অন্য বাবোত্যে; তা উদ্দেশ্যগান্ ভস্ত গরানা আর ভালোক্ জাদরে শেজ্ গুরি দেনা।

যিশাইয় 13:19

বেক্ রেজ্যগানির্ মানেক্ বাবিলানরে, কলদীয়গুনোর বাঈনী গরেদে বাবিলানরে গোজেনে সদোম আর ঘমোরা ধোক্ক্যেন্ ভস্ত গুরিবো।

যিশাইয় 13:21

মাত্তর্ ধূল্যেচরর্ প্রাণিগুনে সিয়েনত্ পড়ি থেবাক্, সিদুগোর্ ঘরানিত্ শিয়েল ভরা অবাক্, উটপেখ্‌কুনে সিয়েনিত্ বজত্তি গুরিবাক্ আর ঝার ছাগলুনে ফাল্যে ফাল্যে বেড়েবাক্।

যিশাইয় 18:6

মুড়ো-মুড়ির্ শকুন আর ঝার এ্যামানুন ইদু তারারে বেক্কুনোরে ফেলেই রাগা অবঅ; পুরো গরমকাল্লোত্ শকুনুনে তারারে হেবাক্ আর ঝার্‌‌বো এ্যামানুনে হেবাক্ পুরো যার্‌‌কাল্লো ধুরি।

যিশাইয় 43:14

লগেপ্রভু, তমার্ উদ্ধোরগুরিয়্যে, ইস্রায়েলর্ সেই সুদ্ধো-সাংগ মানুচ্চো এ কধাগান কোইয়্যেদে, “মুই তমাত্তে বাবিলোত্ মানুচ্ পাদেম আর যে জাহাজ্‌চান নিইনে বাবিলীয়গুনে বাড়্‌‌বো গুরিদাক্ সিয়েনত্ গুরি ধেই যেইয়্যে মানুচ্চুনো ধোক্ক্যেন্ গুরি সে বাবিলীয়গুনোরে আনিম্। ‌

যিহিষ্কেল 23:23

তারা অলাক্ বাবিলীয়গুন, বেক্ কল্‌দীয়গুন, পকোদ, শোয়া আর কোয়ার মানুচ্চুন আহ্ তারা সমারে বেক্ আসিরিয়গুন। তারা বেক্কুনে দোল্ দোল্ গাবুজ্যে; তারা বেক্কুনে শাজন্‌গুরিয়্যে, সেনাপতি, রথর কামগুরিয়্যে, দাঙর্ পোজিশন মানুচ্ আর ঘোড়াচালেয়্যে।

যিহিষ্কেল 29:18

ও মান্‌‌‌‌‌‌জ্যর পুয়োবো, বাবিলর রাজা নবূখদ্‌নিৎসর সোরের বিরুদ্ধে যুদ্ধোর সময় তার সৈন্যদলরে এদক্ বেশ্ খাদেয়্যেদে যে, তারার্ বেক্কুনোর মাঢার্ চুল উদি যেইয়্যে আর কানাগানির চামাড়ানি উদি যেইয়্যে। তো সোরর বিরুদ্ধে তে যে যুদ্ধো চালেয়্যে সিয়োত্ তার বা তা সৈন্যদলর কনঅ লাভ ন-অয়।

হবক্‌‌‌‌কূক 1:6

মুই বাবিলীয়গুনোরে যুক্কোল্ গরঙর্; তারা সেই চিৎনপুজ্যে জাদ্, যিগুনে অন্যগুনোর দেজ্‌‌চানি গজক্ গুরিবাত্তে পুরো পিত্‌‌থিমীর বেক্ জাগায়ানি ইধু যান।

প্রেরিত্‌ 7:4

সেনত্তে তে কল্‌দীয়গুনো দেশ্‌চান ছাড়িনে হারণ শঅরত্ যেইনে বজত্তি গুরিলো। যে দেজত্ তুমি ইক্কে বজত্তি গরর্ গোজেনে অব্রাহামরে তা বাবর্ মরণর পরেদি সিধু দিপাধেয়্যে।