যিশাইয় 23:12 - Chakma Bible

¹² তে কোইয়্যেদে, “ও সীদোনর মানুচ্চুন্, তমার্ ফুত্তিগানি থুম্ ওইয়্যে, কিত্তে তুমি দঅ অত্যেচারিত ওইয়ো। উদো, পার্ ওইনে সাইপ্রাস দ্বিবোত্ যঅ; সিদুয়ো তুমি জিরেন্ ন-পেবা।”

যিশাইয় 23:12 Iomraidhean Croise

পত্থম 10:4

যবন পুয়োগুন্‌ অলাক্‌ ইলীশা, তর্শীশ, কিত্তীম আর দোদানীম।

পত্থম 49:13

সবূলূন বড়্‌গাঙ পাড়ত্‌ বজত্তি গুরিবো; তে জাহাজ্‌ছানি ভিড়েবার্‌ বন্দর অবঅ; তা দেজর্‌ দুযিগান সীদোন ইন্দি যেবঅ।

যিশাইয় 23:7

ইয়েন কি তমার্ সেই ফুত্তি গুরিবার শঅর্, সেই পুরোণ, অমকদ পুরোণ শঅর্, যিগুনোর মানুচ্চুনে দূর্ দেজত্ বজত্তি গুরিবাত্তে যেদাক্?

যিশাইয় 37:22

ইয়েনত্তে তা বিরুদ্ধে লগেপ্রভু এ কধাগান কোইয়্যে, গাবুজ্যে মিলে সিয়োনে তরে ঈচ্ গুরিবো আর ঠাট্টা-মশ্‌‌কারী গুরিবো। যিরূশালেমর মানুচ্চুনে তঅ পিজেন্দিত্তুন্ মাঢাবো লাড়েবাক্।

যিশাইয় 47:1

লগেপ্রভু কত্তে, “ও গাবুজ্যে মিলে বাবিল, তুই তলেদি লামিনে ধূল্যেত্ বস্; ও বাবিল, তুই সিংহাসনান্ ছাড়িনে মাদিত্ বস্। তরে আর নরম আহ্ সুগী বিলিনে কুয়ো ন-যেবঅ।

যিশাইয় 47:5

লগেপ্রভু কত্তে, ও বাবিল, তুই জুরো গুরি বস্; তুই আন্ধার ভিদিরে যাহ্। তরে আর রেজ্যগানির রাণী বিলিনে ডাগা ন-অবঅ।

যিরমিয় 14:17

“তুই মানুচ্চুনো ইধু এ কধাগান কঅ, ‘মঅ চোগো পানি ন-থামেইনে দিন-রেদ মঅ চোগ্‌‍‍‍‍কুনোত্তুন উগুরি পোড়োক্, কিত্তে মঅ জাদর্ মানুচ্চুনে অমকদ আঘাত্, চুরমার-গোজ্যে আঘাত্ পেইয়োন।‍

যিরমিয় 2:10

তুমি পার্ ওইনে সাইপ্রাস দ্বীপোর সাগর পার দেজ্‌‍ছানিত্ যেইনে চঅ, কেদরত্ মানুচ্ পাধেইনে গমেডালে খিয়েল্ গরঅ। তুমি দেগিবা সিয়েনত্ এবাবোত্যে কনঅ কিজু কনদিন্‌অ ন-অয়।‍

যিরমিয় 46:11

“ও গাবুজ্যে মিলে মিসর, তুই গিলিয়দত্ উদিনে পীড়ে মলম আন। মাত্তর্ মিজে মিজে তুই দারু বাড়েই দুয়োর্; তর্ গম অবার্ কনঅ আজা নেই।

আবিলেচ্ 1:15

লগেপ্রভু মঅ ভিদিরে বেক যোদ্ধাগুনোরে বাদ্ দিয়্যে; মর্ গাবুজ্যেগুনোরে ভস্ত গুরিবাত্তে মঅ বিরুদ্ধে এক্কান সময় ঠিগ্ গোজ্যে। আংগুর মাড়েদে গাদত্ গাবুজ্যে মিলে যিহূদারে তে টেঙোই মাজ্যে।

আবিলেচ্ 1:3

দুঘ্ আর অমকদ কাম গরানার পরেদি যিহূদা দূরোত্ বন্দীদজাত্ যেইয়্যে। তে নানান্ জাদ ভিদিরে বজত্তি গোজ্যে; কনজাগাত্‌অ তে জিরেবার জাগা ন-পায়। যিগুনে তারে লোড়েয়োন্ তারা তার দুঘোত্ তারে ধুরি ফেল্যন্।

আবিলেচ্ 4:15

মান্‌জ্যে যগার্ পারিনেই তারারে কদন্, “সরি যঅ, তুমি ফি-বলা। সরি যঅ, সরি যঅ, আমারে ন-ধোজ্য।” তারা ধেই যেইনে ঘুরি বেড়েয়োন্; অন্য জাদ মানুচ্চুনে কধন্, “তারা ইধু আর থেই ন-পারিবাক্।”

যিহিষ্কেল 27:6

তারা বাশন দেজর্ এলোন গাজত্তুন্ বানেয়োন তর্ পাঙেইয়ানি; সাইপ্রাসত্তুন্ তাশূর গাজ আনিনে তারা তর্ তক্তা বানেইনে এদো দাত্তোই সাজেয়োন্।

দানিয়েল 11:30

সাইপ্রাস দ্বিপোর্ জাহাজ্‌‌‌চানিয়ে তারে মানা গুরিবো আর তা মনান্ ভাঙি যেবঅ। সেক্কে তে ফিরিনে রাগ গুরি পবিত্র সুদোমর্ বিরুদ্ধে নিজো আওজ্ মজিম কাম গুরিবো। তে ফিরি এইনে যিগুনে সেই পবিত্র সুদোমানি বাদ দিবাক্ তারা উগুরে মনযোগ দিবাক্।

গণাণা 24:24

সাইপ্রাস দ্বীবোর্ দুজিত্তুন্ জাহাজ এইনে দমন গুরিবো আসিরীয় আর এবরীয়গুনোরে; মাত্তর্‌ সাইপ্রাসর মানুচ্চুনে ভস্ত ওই যেবাক্।”

যিহোশূয় 11:8

লগেপ্রভু ইস্রায়েলীয়গুনোর আদত্‌ তারারে তুলি দিলো। ইস্রায়েলীয়গুনে তারারে মাত্তে মাত্তে মহাসীদোন, মিষ্রফোৎ-ময়িম আর পূগেন্দি মিস্পী কিজিঙোত্‌ সং লোড়েই নেযেলাক্‌। শেজন্দি আর কনজনে বাঁজি ন-রলাক্‌।

ফগদাং পেইয়্যে 18:22

যিগুনে বীণা বাজান্, গীদ্ গান্ আর বাশী বা তূরী বাজান্ তারার্ রগুন আর কনদিনঅ তমা ইধু শুনো ন-যেবঅ। আর কনদিনঅ তমা ইধু কনঅ বাবদে কাবিল মিস্ত্রি পাহ্ ন-যেবঅ। কনঅ মিশিনো আবাজ্ আর কনদিনঅ তমা ইধু শুনো ন-যেবঅ।