যিশাইয় 23:1 - Chakma Bible

¹ সোর পৌইদ্যেনে লগেপ্রভুর কধাগান ইয়েন: ও দাঙর্ দাঙর্ তর্শীশ-জাহাজ্‌ছানি, আবিলেচ্ গর, কিত্তে সোর ভস্ত ওই যেইয়্যে; সিয়েনত্ ঘরঅ নেই, বন্দর্‌অ নেই। সাইপ্রাস দ্বিবোত্তুন্ তুমি এ হবরান্ পেইয়ো।

যিশাইয় 23:1 Iomraidhean Croise

পত্থম 10:4

যবন পুয়োগুন্‌ অলাক্‌ ইলীশা, তর্শীশ, কিত্তীম আর দোদানীম।

১ রাজাবলী 10:22

সাগরত্‌ হীরমর জাহাজ সমারে রাজারঅ দাঙর্‌ দাঙর্‌ তর্শীশ-জাহাজ এলঅ। পত্তি তিন বজর্‌ পর পর সে জাহাজছানি সোনা, রূবো, এদো দাত্, বান্দর আর বেবুন লোইনে ফিরি এদঅ।

১ রাজাবলী 22:48

ওফীরোত্‌ যেইনে সোনা আনিবাত্তে যিহোশাফটে কদক্কানি দাঙর্‌ দাঙর্‌ তর্শীশ-জাহাজ বানেল, মাত্তর্‌ জাহাজছানি আর যানা ন-অলঅ, কিত্তে ইৎসিয়োন-গেবরত্‌ সিয়েনি ভস্ত ওই যেইয়্যে।

১ রাজাবলী 5:1

সোরের রাজা হীরমে যেক্কে শুনিলো, শলোমনরে তা বাবঅ জাগানত্‌ রাজপদথ্‌ অভিষেগ গরা ওইয়্যে সেক্কে তা মানুচ্চুনোরে তে শলোমনর্ ইদু পাদেল, কিত্তেই দায়ূদ লগে তার সমাজ্যের মিল্ এলঅ।

২ বংশধর 9:21

রাজার্‌ কদক্কানি দাঙর্‌ দাঙর্‌ জাহাজ হীরম মানুচ্চুনোর লগে নেযেইনে তর্শীশোত্‌ যেদাক্‌। পত্তি তিন বজর্‌ পর পর সে তর্শীশ-জাহাজছানিয়ে সোনা, রূবো, এ্যদো দাত্‌, বান্দর্‌ আর বেবুন লোইনে ফিরি এদাক্‌।

গীতসংহিতা 48:7

যেধোক্ক্যেন্ গুরিনে জোরে পূগো বোই্য়্যেরলোই তে দাঙর্ দাঙর্ তর্শীশ-জাহাজছানি ভাঙি ফেলেয়্যে, সেধোক্ক্যেন্ গুরিনে তে তারারে ভস্ত গুরিলো।

যিশাইয় 15:8

মোয়াব দুযিগানর্ চেরোকিত্তেদি তারার কানানি রগুন্ শুনো যার্; ইগ্লয়িম আর বের-এলিম সং তারার আবিলেচ্ গরাগান শুনো যার্।

যিশাইয় 2:16

বেক্ তর্শিশ-জাহাজ আর পত্তি সয়-সাগোজ্যে জাহাজ্‌চানি তলে গরা অবঅ।

যিশাইয় 23:12

তে কোইয়্যেদে, “ও সীদোনর মানুচ্চুন্, তমার্ ফুত্তিগানি থুম্ ওইয়্যে, কিত্তে তুমি দঅ অত্যেচারিত ওইয়ো। উদো, পার্ ওইনে সাইপ্রাস দ্বিবোত্ যঅ; সিদুয়ো তুমি জিরেন্ ন-পেবা।”

যিশাইয় 23:6

ও সাগর পার মানুচ্চুন্, আবিলেচ্ গরঅ; তুমি পার্ ওইনে তর্শীশোত্ যঅ।

যিশাইয় 24:10

শঅরান ভস্ত ওই পড়ি থেবঅ। বেক্ ঘরানি বন্ধ ওই যেবঅ; ভিদিরে যার ন-যেবঅ।

যিশাইয় 60:9

ঘেচ্চেকগুরি দূর দেজ মানুচ্চুনে মত্তেই বাজ্জেই আগন্; তমা পূয়োগুনোর আর তারার সোনা রূবোনিলোই দূরোত্তুন্ দাঙর্ দাঙর্ তর্শীশ-জাহাজ্‌চোই বেক্কুনোত্তুন্ আগে আগে এত্তন্।‌‌ ইস্রায়েলর সেই সুদ্ধো-সাংগ মানুচ্চোর, তর্ গোজেন লগেপ্রভুরে বাঈনী গুরিবাত্তে তর্ পুয়োগুনে এত্তন্, কিত্তে তরে তে সয়সাগজ্যে গুরি সাজেয়্যে।

যিরমিয় 2:10

তুমি পার্ ওইনে সাইপ্রাস দ্বীপোর সাগর পার দেজ্‌‍ছানিত্ যেইনে চঅ, কেদরত্ মানুচ্ পাধেইনে গমেডালে খিয়েল্ গরঅ। তুমি দেগিবা সিয়েনত্ এবাবোত্যে কনঅ কিজু কনদিন্‌অ ন-অয়।‍

যিরমিয় 25:15

ইস্রায়েলর গোজেন লগেপ্রভু মরে কোইয়্যেদে, “তুই মঅ আঢত্তুন আংগুর রস, অত্তাৎ মর্ রাগে ভরা এ গলস্‌চো নেযা আর যিদুক্কুন জাদ ইধু মুই তরে পাদেম্ তারারে সিয়েন হেবাত্তে দে।‌‌

যিরমিয় 25:22

সোর আর সীদোনর বেক্ রাজাগুনোরে; সাগরর্ ওপারত্ দেজর্ রাজাগুনোরে;

যিরমিয় 47:4

পলেষ্টীয়গুনোরে বেক্কুনোরে ভস্ত গুরিবার দিন আর সোর আর সীদোনর সাহায্যগুরিয়্যে বাদবাগি বেক মানুচ্চুনোরে মারে ফেলেবার দিন গোনেই এচ্চ্যে। মুই লগেপ্রভু পলেষ্টীয়গুনোরে, অত্তাৎ ক্রীৎ দ্বিবোত্তুন্ এচ্চ্যে মানুচ্চুনোরে ভস্ত গুরিম।

যিহিষ্কেল 26:1

আমার বন্দী থেবার এগার বজরত্ মাসর্ পত্তম দিনোত্ লগেপ্রভুর এ কধাগান মইধু ফগদাং অলঅ,

যিহিষ্কেল 26:2

ও মান্‌জ্যর্ পুয়োবো, যিরূশালেম পৌইদ্যেনে সোর হুজি ওইনে কোইয়্যেদে, বেশ্ ওইয়্যে, জাদ্‌তুনোর আজল্ গেইট্টো ভাঙি যেইয়্যে আর দোরানি মইধু পুরোপুরি খুলি যেইয়্যে; শঅরান্ ইক্কিনে ভস্ত ওইনে পুড়ি আঘে বিলিনে মর্ ভালেদি অবঅ।

যিহিষ্কেল 27:30

তারা তত্তে রঅ ছাড়িনে অমকদ কানাকুদি গুরিবাক্ আর নিজো মাঢাত্ ধূল্যে দিবাক্ আর ছেইয়ো ভিদিরে গোজ্যেবাক্।

যিহিষ্কেল 27:6

তারা বাশন দেজর্ এলোন গাজত্তুন্ বানেয়োন তর্ পাঙেইয়ানি; সাইপ্রাসত্তুন্ তাশূর গাজ আনিনে তারা তর্ তক্তা বানেইনে এদো দাত্তোই সাজেয়োন্।

দানিয়েল 11:30

সাইপ্রাস দ্বিপোর্ জাহাজ্‌‌‌চানিয়ে তারে মানা গুরিবো আর তা মনান্ ভাঙি যেবঅ। সেক্কে তে ফিরিনে রাগ গুরি পবিত্র সুদোমর্ বিরুদ্ধে নিজো আওজ্ মজিম কাম গুরিবো। তে ফিরি এইনে যিগুনে সেই পবিত্র সুদোমানি বাদ দিবাক্ তারা উগুরে মনযোগ দিবাক্।

যোনা 1:3

মাত্তর্ যোনা লগেপ্রভুত্তুন্ তর্শীশোত্ ধেই যেবাত্তে রওনা অলঅ। তে যাফো বন্দরত্ যেইনে তর্শীশোত্ যেবার এক্কান জাহাজ পেলঅ। ভাড়া দেনার্ পরেদি তে সে জাহাজ্‌চানত্ উদিলো আর লগেপ্রভুত্তুন্ ধেই যেবাত্তে তর্শীশো ইন্দি যাহ্ ধুরিলো। ‌‌

গণাণা 24:24

সাইপ্রাস দ্বীবোর্ দুজিত্তুন্ জাহাজ এইনে দমন গুরিবো আসিরীয় আর এবরীয়গুনোরে; মাত্তর্‌ সাইপ্রাসর মানুচ্চুনে ভস্ত ওই যেবাক্।”

লূকে লেখ্যে গম্ হবর্ 10:13

“অভিশাব্‌ পেইয়্যে কোরাসীন! অভিশাব্‌ পেইয়্যে বৈৎসৈদা! যেদক্কানি আমক্ অবার্ কাম তমা ইধু গরা ওইয়্যে সিয়েনি যুনি সোর আর সীদোন শঅরত্ গরা অদঅ, সালে তারা ভালোক্ দিন আগে বস্তা পিনিনে ছেইয়ো উগুরে বোইনে পাপত্তুন্ মনানি ফিরেদাক্।

যিহোশূয় 19:29

সে পরেন্দি সিয়েন রামার ইন্দি ঘুরিনে দেবাল-ঘিজ্যে সোর শঅরত্‌ গেলগোই। যেরেন্দি সিয়েন হোষার ইন্দি ঘুরিনে অক্‌ষীব চাগালাগান্‌, উস্মা, অফেক আর রহোবর ইদু ভূমধ্য সাগরত্‌ যেইনে পড়িলো। আশের-গুট্টির ভাগত্‌ বাইশ্‌চান শঅর্‌ আর সিয়েনির কায়-কুরে আদামানি পড়িলো।