যিশাইয় 22:5 - Chakma Bible

⁵ বেগত্তুন্ খেমতাবলা প্রভু লগেপ্রভুত্তুন্ দর্শন-কলগত্ অমকদ দর্‌গরেপারা, টেঙোই মাড়িবার আর যাগুলুগোর এক্কো দিন এচ্চ্যে। সিবে দেবালান্ ভাঙি ফেলেবার আর মুড়ো-মুড়ি ইদু কানিবার্ এক্কো দিন।‍‍

যিশাইয় 22:5 Iomraidhean Croise

২ রাজাবলী 19:3

তারা যিশাইয়রে কলাক্‌, “হিষ্কিয় কত্তে, এচ্ছ্যে দিন্নো অলঅ দুগোর্‌, সাজা পেবার্‌ আর অসর্মান দিন। আমা কান্ডগান্ এমন্‌ ওইয়্যে যেন পুয়োগুন জর্ম অবার্‌ অক্ত ওইয়্যে মাত্তর্‌ ফুদেবার্‌ বলান্‌ নেই।

২ রাজাবলী 25:10

রাজার রোক্ষ্যেদলর সেনাপতি অধীনোত্‌ বেক্‌ বাবিলীয় সৈন্যদলুনে যিরূশালেম দেবালানি ভাঙি ফেলেলাক্‌।

ইষ্টের 3:15

রাজার উগুম্‌ পেইনে হবর্‌-বোইয়্যেগুনে যাদিমাদি নিগিলি গেলাক্‌ আর শূশনর্ তাম্বুলত্‌অ সেই উগুমান্‌ জানেই দিয়্যে অলঅ। সে পরেন্দি রাজা আর হামনে আংগুর-রস হেবাত্তে বজিলাক্‌ আর ইন্দি শূশন শঅর ভিদিরে কিজিক্-কাজাগ্ পড়ি গেলঅ।

যিশাইয় 10:6

মুই তারে গোজেন উগুরে ভোক্তিনেইয়্যে এক্কো জাদ বিরুদ্ধে পাদাঙর্ আর যিগুনে মঅ রাগ্‌‌কান তুলি দুয়োন্ তারা বিরুদ্ধে পাদাঙর্ যেন তে লুদেই পারে আর কাড়ি নেযেই পারে আর পদ কাদা ধোক্ক্যেন্ গুরি তারারে টেঙোই মাড়ি পারে।

যিশাইয় 22:1

দর্শন-কলগ পৌইদ্যেনে লগেপ্রভুর কধাগান ইয়েন: তর্ ইক্কিনে কি ওইয়্যেদে যে, তর্ বেক মানুচ্চুনে ছাল উগুরে উঠ্যন্?

যিশাইয় 25:10

লগেপ্রভুর আঢ্‌‌তান এ মুড়োবো উগুরে থেবঅ। গবর সমারে যেধোক্ক্যেন্ হেরানি টেঙোই মাড়া অয় ঠিগ্ সেধোক্ক্যেন্ গুরি মোয়াবরেয়ো তে টেঙোই মাড়িবো।

যিশাইয় 37:3

তারা যিশাইয়রে কলাক্, “হিষ্কিয় কোইয়্যেদে, এচ্চ্যে দিন্নো অলঅ দুঘোর্, সাজা পেবার আর অসর্মানর দিন। আমা অবস্থা এধোক্ক্যেন ওইয়্যে যেন পুয়ো-ছাগুনে জর্ম অবার মুয়োনত্ এচ্চ্যন্ মাত্তর্ জর্ম দিবার খেমতা নেই।

যিশাইয় 5:5

মঅ আংগুর খেদ্‌‌তান উগুরে যিয়েনি গুরিম সিয়েন ইক্কিনে মুই তমারে কোম্: মুই সিয়েনর্ বেড়াগান্ তুলি ফেলেম্ আর সেক্কে ভূইয়ান শেজ্ ওই যেবঅ; মুই সিয়েনর্ দেবালান্ ভাঙি ফেলেম্ আর সেক্কে সিয়েন টেঙোই মাড়া অবঅ।

যিশাইয় 63:3

“মুই গায় গায় আংগুর মাজ্যং; জাদ্‌তুনো ভিদিরে কনজনে মঅ সমারে ন-এলঅ। মুই অমকদ বেজার্ ওইনে তারা টেঙানিলোই দোল্যং আর রাগে তারা টেঙানিলোই মাজ্যং; তারার লো ফুদোগুন মঅ কাবড়ানিত্ পোজ্যে আর বেক্ কাবড়ানিত্ দাগ্ লাক্যে।‌

যিশাইয় 63:6

মুই অমকদ বেজার্ ওইনে জাদ্‌‌‍তুনোরে টেঙোই মারিলুং; মর্ রাগে তারারে মাত্তল মান্‌‌‍জ্য ধোক্ক্যেন গুরিলুং আর মাদিত্ তারার লো-নি ঢালি দিলুং।”

যিরমিয় 30:7

হায়, সে দিন্নো কি দর্‌গরেপারা! সেবাবোত্যে আর কনদিন্‌অ ন-অবঅ। সেক্কে অবঅ যাকোবর্ দুঘোর্ সময়, মাত্তর্ সিয়োত্তুন তারে উদ্ধোর্ গরা অবঅ।‍‍

আবিলেচ্ 1:5

তার বিপক্ষগুনে তার গিরোজ্ ওইয়োন; তার শত্রুগুনে আরামে আগন্। তার ভালোক্কানি পাপত্তে লগেপ্রভু তারে দুঘ্ দিয়্যে। তার চিগোন চিগোন ঝি-পুয়োগুনে বন্দী ওইনে শত্রুগুনোর আগে আগে যেইয়োন্।

আবিলেচ্ 2:2

যাকোবর্ বেক থেবার জাগায়ানি লগেপ্রভু গজক্ গোজ্যে, কনঅ মেয়্যে ন-গরে। যিহূদা-ঝিবোর্ ঘরানি তার অমকদ রাগে তে ভাঙি ফেলেয়্যে, সিয়েনি তে মাদিত্ ফেলেইনে ভস্ত গোজ্যে। তার রেজ্যগান আর নেতাগুনোরে তে অসর্মানত্ ফেলেয়্যে।

আবিলেচ্ 2:8

সিয়োন-ঝিবোর্ চেরোকিত্তে দেবালানি ভাঙি ফেলেবার লগেপ্রভু থির্ গোজ্যে। তে মাবেদে দুড়িলোই মাপ্যে আর ভস্ত গুরিবার কামত্ নিজো আঢ্‌তানিরে থামেই ন-রাগায়। তে সিয়োনর তাম্বুল আর দেবালানিরে আবিলেচ্ গুরিবাত্যে দিয়্যে; সিয়েনি এক সমারে বল্‌পোজ্যে ওইয়্যে।

যিহিষ্কেল 7:7

তুমি যিগুনে দেজত্ বজত্তি গরর্ তমা উগুরে সর্বনাশ এজের্। সময় ওইয়্যে, দিন কাজেয়্যে; সেক্কে মুড়ো-মুড়ি উগুরে হুজির্ বদলে দর্‌‌‌‌গরেপারা কিজিক্ কাজাক্ অবঅ।

হোশেয় 10:8

বৈৎ-আবনর পূজোর্ অজল্ জাগায়ানি, অত্তাৎ ইস্রায়েলর পাপর জাগায়ানি ভস্ত অবঅ। কাদাগাজ্ গোজেই উদিনে তারার্ পূজোগুন ঢাগি ফেলেব। সেক্কে তারা দাঙর্ দাঙর্ পাত্তরুনোরে কবাক্, “আমারে ঢাগি ফেলঅ” আর চিগোন্ চিগোন্ মুড়োগুনোরে কবাক্, “আমা উগুরে পড়অ।”

মীখা 7:4

তারা ভিদিরে বেগত্তুন গম্ মানুচ্চুনে কাদাঝুবো ধোক্ক্যেন, বেগত্তুন্ গম্ মানুচ্চুনে কাদা গাজর্ বেড়াত্তুন্‌অ বেশ্ বজং। তমা চুগিদারুনোর্ ফগদাং গুরিবার দিন, তমার্ সাজার দিন্নো লুম্মেগি। ইক্কিনে তমার্ বুদ্ধিনেইয়্যে অবার্ সময়।

সফনিয় 1:15

সেদিন্নো অবঅ রাগর্ দিন, অমকদ দুদ্দশা আর মনত্ দুঘো দিন, দযা আর ভস্ত অনার্ দিন, ঘুর্‌‌‌ঘুজ্যে আন্ধারর দিন, মেঘ আর ঘুর্‌‌‌ঘুজ্যে আন্ধারর্ দিন।

মথি লেখ্যে গম্ হবর্ 24:16

সে অক্তত্ যিগুনে যিহূদিয়াত্ থেবাক্ তারা মুড়োমুড়ি চাগালাত্ ধেই যাদোক্।

লূকে লেখ্যে গম্ হবর্ 23:30

সে সময়োত্ মান্‌জ্যে দাঙর্ দাঙর্ মূড়োগুনোরে কবাক্, ‘আমা উগুরে পড়অ,’ আর চিগোন্ চিগোন্ মূড়োগুনোরে কবাক্, আমারে নাঢি থঅ।