যিশাইয় 22:23 - Chakma Bible

²³ এক্কান দরমর জাগাত্ মুই তারে খুদো ধোক্ক্যেন গুরি লাগেই দিম্, তা বাব বংশবোত্তে তে অবদে এক্কান সর্মানর মানুচ্।

যিশাইয় 22:23 Iomraidhean Croise

ইষ্রা 9:8

মাত্তর্ ইক্কিনে কানক্কনত্তে আমা গোজেন লগেপ্রভু দোয়্যে গুরিনে আমা কিজু মান্‌‌জ্যরে জেদা রাগেয়্যে আর তার্ সুদ্ধো-সাংগ দেজত্ আমারে এক্কান থিদেবর্ গোজ্যে জাগা দিয়্যে। এবাবোত্যেগুরি আমা গোজেনে আমারে হুজি অনাগান্ ফিরেই দিয়্যে আর আমা চাগর্ খাদানাত্তুন্ আমারে এক্কানা পরাণান্ জুড়েই দিয়্যে।

ইষ্টের 10:3

রাজা অহশ্বেরশর পরেন্দি যিহূদী মর্দখয়র পোজিশনান্ এলদে দ্বিলম্বরত্‌। তার্‌ বেক্‌ জাদ-ভেইয়ূনে তারে সর্মান আর কোচ্‌পানার চোগেন্দি দেগিদাক্‌, কিত্যে তে তা মানুচ্চুনোর ভালেদিত্তেই কাম্‌ গোজ্যে আর বেক্‌ যিহূদীগুনে গমেডালে থেবাত্তে চেট্ট্যা গোজ্যন্।

ইষ্টের 4:14

মাত্তর্‌ এ সময়োত্‌ যুনি তুই জুরো গুরি থাচ্‌ সালে অন্য কিত্যেত্তুন্‌ যিহূদীগুনে সাহায্য আর উদ্ধোর্‌ পেবাক্‌, মাত্তর্‌ তুইয়োদ মুরিবে আর তঅ বাবর্‌ বংশগুনেয়ো শেজ্‌ ওই যেবাক্‌। কিজেনি অয়ত এধোক্কেন্‌ সময়ত্তেই তুই রাণীর পধ্‌থান্‌ পেইয়োচ্‌।”

ইয়োব 36:7

তে নিদ্দুযি মানুচ্চুনোত্তুন্ তা চোগ্‌কুন ফিরেই ন-নেযায়; তে রাজাগুনো সমারে তারারে বোজেই দে আর উমরত্তে তারারে সর্মান গরে।

উপদেশক 12:11

জ্ঞানী মানুচ্চুনোর্ কধা গরগর্ লুদিগো ধোক্ক্যেন্। তারা কধানি এগত্তর্ গুরিলে মনে অয় যেন বেক্কুন্ দরমর গুরি বানেয়্যে জোলোই। সিয়েনি এক্কো গরগে দিয়্যে কধা।

যিশাইয় 22:24

তা বংশবোর বেক্ কামানি তা কানাত্ থেবঅ। নানান্ বাবোত্যে চিগোন-চাগন্ পিলে যেধোক্ক্যেন খুদোত্ দুলোন সেধোক্ক্যেন তার ঝি-পুয়োগুন আর বংশধরুন তা কানাত্ দুলি দুলি থেবাক্।

যিশাইয় 22:25

যে খুদোবো দরমর জাগাত্ লাগেই দিয়্যে ওইয়্যে সেদিন্যে সিবে খুলি এবঅ; সিবে পড়ি যেবঅ আর তা উগুরে যে ভারান্ দুলি দুলি আঘে সিয়েন কাবি ফেলা অবঅ।’ ” ইয়েন অলঅ বেগত্তুন্ খেমতাবলা লগেপ্রভুর কধা। ইয়েনি ঘুদিবো, কিত্তে লগেপ্রভু নিজেই সিয়েনি কোইয়্যে।

সখরিয় 10:4

যিহূদাত্তুন্ কুণো পাত্তর্, তাম্বুলোর্ খুদো, যুদ্ধোর ধনু আর বেক্ শাজন্‌ গুরিয়্যেগুন এবাক্।

ফগদাং পেইয়্যে 3:21

“মুই জিদিনেই যেধোক্ক্যেন গুরি মঅ বাবা সমারে তা সিংহাসনানত্ বোস্যং, ঠিগ্ সেধোক্ক্যেন যে জিদিবো তারে মুই মঅ সমারে মঅ সিংহাসনানত্ বুজিবার্ অধিকার দিম।

১ শমূয়েল 2:8

তে নাদামান্‌জ্যরে ধুল্যেত্তুন তুলে, আর অভাবীরে তুলে ছেইয়োর কুরোত্তুন্। দাঙর্‌ পোজিশন মান্‌জ্যর্ লগে তে তারারে ববাত্তে দে, আর সর্মানর সিংহাসন দে; কিত্যে পিত্‌থিমীর খুদো বেক্কুন লগেপ্রভুরই, তে সিগুনো উগুরে দুনিয়েগানরে থিদেবর্ গোজ্যে।