যিশাইয় 22:21 - Chakma Bible

²¹ তারে মুই তঅ পোজাক্কান উরেই দিম্ আর তঅ কাম ভারান তা আঢত্ তুলি দিম্। তে যিরূশালেমর আদাম্মেগুনোর আর যিহূদা বংশর বাব ধোক্ক্যেন অবঅ।

যিশাইয় 22:21 Iomraidhean Croise

পত্থম 45:8

সেনত্তে দেগা যাত্তে, তুমি মরে ইধু ন-পাদঅ, গোজেনে পাদেয়্যে। তে মরে ফরৌণ বাবঅ জাগানত্‌ রাগেয়্যে আর তা পরিবারর্‌ গিরোজ্‌ বানেয়্যে। ইয়েন বাদেয়ো তে মরে গোদা মিসর দেজত্ শাজন্ গুরিবার্‌ খেমতাগান্‌ দিয়্যে।

ইষ্টের 8:15

মর্দখয়ে মসীনা সুদোর্‌ বিগুনো রঙর্‌ পোজাগ উগুরে য়েল্‌ আর ধুব্‌ রংয়র্‌ রাজপোজাক্‌ উরিনে আর সনার এক্কো দাঙর্‌ মুকুট মাদাথ্ দিইনে রাজার মুজুঙোত্তুন্‌ নিগিলি গেলঅ। শূশন শঅরর্‌ মানুচ্চুনে রঅ ছাড়িনে হুজিয়ে ফূত্তি গুরিলাক্‌।

ইষ্টের 8:2

রাজা তার্‌ সই দিবার যে আন্দিক্কো হামনর ইত্তুন্‌ নেযেয়্যে সিবে নিজোর আঢত্তুন্‌ খুলিনে মর্দখয়রে দিলো। ইষ্টেরে হামনর সোম্বোত্তিগানি উগুরে মর্দখয়রে নেযেল।

ইয়োব 29:16

মুই নাদামানুচ্চুনোর্ বাবঅ ধোক্ক্যেন এলুং, আর অচেনাগুনোর পক্ষে মুই তারার বিচের ভারান্ নিদুং।

যিহিষ্কেল 23:15

কমরত্ তারার্ কমর্ বিজোনি, মাঢা উগুরে খবং; তারা বেক্কুন্ চাদে বাবিল দেজর্ সেনাপতিগুনো ধোক্ক্যেন্।

১ শমূয়েল 18:4

তে তার কিয়্যে উগুরে লাম্বা সিলুম্মো খুলিনে দায়ূদোরে দিলো, আর তার যুদ্ধোর পোজাক্কানি, এন কি, তার তলোয়ারান, ধনুগান আর কমর-বাননিগান্অ তারে দিলো।