যিশাইয় 22:14 - Chakma Bible

¹⁴ বেগত্তুন্ খেমতাবলা প্রভু লগেপ্রভু মঅ ইদু এ কধাগান ফগদাং গোজ্যে, “ তমার্ মরণ সময়োত্অ এ পাপ্পান খেমা গরা ন-অবঅ। মুই বেগত্তুন্ খেমতাবলা প্রভু লগেপ্রভু এ কধাগান কঙর্।”

যিশাইয় 22:14 Iomraidhean Croise

২ শমূয়েল 6:23

শৌল ঝি মীখলর মরণ সং তার কনঅ ঝি-পূঅ ন-অলাক্।

যিশাইয় 13:11

লগেপ্রভু কোইয়্যেদে, মুই ভান্ন্যেয়ানত্তে পিত্‌থিমীগানরে সাজা দিম্; পাজিগুনোর অন্যেয়ানিত্তে তারারে সাজা দিম্। মুই বাড়্‌বো গুরিয়্যেগুনোরে বাড়্‌বো গরানাগানি শেজ্ গুরি দিম্ আর চিৎনেইয়্যেগুনোর অহংকারানি ভাঙি দিম্।‌

যিশাইয় 26:21

চঅ, জগদ মানুচ্চুনোরে পাপর্ সাজা দিবাত্তে লগেপ্রভু তা থেবার জাগানত্তুন্ নিগিলি এজের্। পিত্‌থিমীগান উগুরে যে লো যোজ্যে সিয়েনি ফগদাং গরা অবঅ; মারে ফেলেয়্যে তা মানুচ্চুনোরে আর্ তে লুগেই ন-রাগেব।‍ ‌

যিশাইয় 30:13

সেনত্তে এ পাপ্‌পান তমাত্তে এক্কান অজল্, ফাদা মারা আর ভাঙি পুড়িবোদে দেবাল ধোক্ক্যেন্ অবঅ, যিয়েন অদাদত্ এক সময়ো ভিদিরে ভাঙি পুরিবো।‌‌

যিশাইয় 31:2

মাত্তর্ তার কি কনঅ জ্ঞান নেই? তে দঅ দজা ঘোদেব; তা কধাগান তে ফিরেই ন-নিবো। তে পাজিগুনোর্ বিরুদ্ধে আর তারার সাহায্যগুরিয়্যেগুনোর্ বিরুদ্ধে উদিবো।

যিশাইয় 5:9

বেগত্তুন্ খেমতাবলা লগেপ্রভু মুই নিজো কানেদি এ কধাগান্ শুন্যং, “ঘেচ্চেকগুরি দাঙর্ দাঙর্ ঘরানি ভস্ত ওই যেবঅ, দোল্ দোল্ বিল্ডিঙানিত্ কনঅ মানুচ্ ন-থেবাক্।

যিশাইয় 65:20

সিদু কনঅ চিগোন্ গুরো মুরি ন-যেবাক্, বা কনঅ বুড়ো মানুচ্ আয়ু থুম্ ন-অলে ন-মুরিবাক্। কনজনে একশঅ বজর্ বয়জত্ মুরি গেলেয়ো তারে গাবুজ্যে কুয়ো অবঅ; যে একশঅ বজর্ ন-বাঁজিবো তারে অভিশাব্ পেইয়্যে কুয়ো অবঅ।

যিহিষ্কেল 24:13

“‘ও যিরূশালেম, তর্ ভান্ন্যেই কামান অলঅ তর্ সেই অসিজিগান। মুই তরে কাজেবাত্তে চেট্ট্যা গুরিলুং মাত্তর্ তর্ অসিজিগানত্তুন্ তুই সাব্ ন-অলে। তঅ বিরুদ্ধে মঅ রাগ্‌‌‌‌‌‌‌কান পুরোপুরি ঢালি ন-দেনা সং তুই আর সাব্ ন-অবে।

আমোষ 3:7

আজলে প্রভু লগেপ্রভু তা চাগর্ ভাববাদীগুনো ইধু তার্ পরিকল্পানগান ফগদাং ন-গুরিনে কিচ্ছু ন-গরে।

আমোষ 8:7

লগেপ্রভু, যিবে যাকোবর্ বাঈনী গুরিবার, তে শমক্ হেইনে কোইয়্যেদে, “তারা যিয়েনি গোজ্যন সিয়েনি কনদিন্‌অ মুই ভুলি ন-যেইম্।

১ শমূয়েল 3:14

সেনত্যেই এলির বংশর পৌইদ্যেনে মুই শমক্‌ গুরিনে কঙর্‌, য়েমান ডালি বা অন্য কনঅ ডালিলোই তার বংশর অন্যেয়ানি কনদিনঅ ঢাগি দিয়্যে ন-যেবঅ।”

১ শমূয়েল 9:15

শৌল এবার্ আগেদি দিনোত্‌ লগেপ্রভু শমূয়েল ইদু এই কধাগান ফগদাং গুরিলো,