যিশাইয় 22:12 - Chakma Bible

¹² সেদিন্যে বেগত্তুন্ খেমতাবলা প্রভু লগেপ্রভু কানিবার্ বা আবিলেচ্ গুরিবাত্তে, মাঢাবো চুলানি মুড়েবাত্তে আর বস্তা পাদা পিনিবাত্তে তমারে ডাক্ক্যে।

যিশাইয় 22:12 Iomraidhean Croise

২ বংশধর 35:25

যোশিয়োত্তে যিরমিয় আবিলেজর্‌ গান রোজেল আর এজঅ সং বেক্‌ গানগেইয়্যেগুনে যোশিয়ো পৌইদ্যেনে আবিলেজর্‌-গান গরন্‌। ইস্রায়েলত্‌ ইয়েন্‌ এক্কান্‌ চলেদে সুদোম্‌ ওই গেলঅ আর আবিলেজ্‌-গানর্‌ বোইবোত্‌ সিয়েন্‌ লেগা অলঅ।

ইষ্রা 9:3

এ কধাগান শুনিনে মুই মনত্ দুঘে মর্ উজ্যে কাবড়ানি ফাদি ফেলেলুং আর মর্ মাঢাবো চুলানি আর দাড়িগানি ছিনিনে আমক্ ওইনে বোই রলুং।

নহিমিয় 9:9

মিসর দেজত্‌ আমা পূরোণিমানুচ্চুনোর্‌ দুখ্‌কানি তুই দেখ্যস্‌; লোহিত সাগরর্‌ পারত্‌ তারার্‌ কানানিগানি তুই শুন্যস্‌।

ইয়োব 1:20

এ কধাগান শুনিনে ইয়োবে থিয়্যেইনে মনত্‌ দুঘে তা কাবড়ান ফাদি ফেলেল আর চুলান্‌ কাবি ফেলেল। সে পরেন্দি মাদিত্‌ মাধা নিগিরিনে গোজেনরে তা মনর্‌ ভোক্তি জানেইনে কলঅ,

উপদেশক 3:11

তে বেক্কানিত্তে যগাজ্যে সময় ঠিগ্ গুরি রাগেয়্যে। তে মান্‌জ্য মনত্ উমর কাল পৌইদ্যেনে বুঝিবার্ আওজ্‌চান দিয়্যে, মাত্তর্ তে পৌইল্যাত্তুন্ ধুরি থুম্ সং কি গরে সিয়েন মানুচ্ বুঝি ন-পারন্।

উপদেশক 3:4

কানিবার্ সময় আর হা্‌জিবার্ সময়, আবিলেচ্ গুরিবার্ সময় আর নাজিবার্ সময়,

যিশাইয় 15:2

মোয়াব মানুচ্চুনে কানিবাত্তে দীবোন মন্দিরোত্ আর পূজোর অজল্ জাগানত্ উদি যেয়োন। তারা নবো আর মেদবাত্তে আবিলেচ্ গত্তন্। তারার বেক্কুনোর্ মাঢাগুন্ মুড়ো ওইয়্যে আর দাড়িগানিয়ো কাবা ওইয়্যে।

যিশাইয় 26:10

পাজিগুনোরে দোয়্যে দেগা অলেয়ো তারা গম্ শিক্ষ্যে ন-গরন্; এমন্ কি, ন্যায়র্ দেজত্‌অ তারা অন্যেয় গুরি থান্ আর লগেপ্রভুরে বাঈনী গরানাগান্ স্বিগের্ ন-গরন্।

যিশাইয় 29:1

হায়, অরীয়েল, অরীয়েল, দায়ূদোর থেবার জাগায়ানর শঅরান্! তুই বজরর্ পর্ বজর্ পার্ গুরি যর্ আরি তঅ পরব্‌পুন ঘুরি ঘুরি এত্তন্।

যিশাইয় 3:24

তুম্বাজ বদলে পজা বাজ্, কমর বিজোনি বদলে দুড়ি, দোল্ গুরি আজুজ্যে চুলান্ বদলে টাক্, মংগা কাবড় বদলে বস্তার চট্, আর দোলান বদলে পুজ্যে দাগ থেবঅ।

যিশাইয় 32:11

ও আরাম গুরি-থেইয়্যে মিলেগুন আর চিদে-চজ্জা নেইয়্যে মিলেগুন, তুমি দরে গির্‌‌গিরো; তমা কাবড়-চুগোড়ানি খুলিনে কমরত্ বস্তা পাদা পিনো।

যিশাইয় 37:1

রাজা হিষ্কিয় এ কধাগান শুনিনে নিজোর্ কাবড়ান ফাদি ফেলেল আর বস্তা পাদা পিনিনে লগেপ্রভুর ঘরত্ গেলঅ।

যিশাইয় 37:2

তে রাজঘরর্ পরিচালক ইলিয়াকীম, রাজার লিগিয়্যে শিব্‌‌‍‍‍ন আর ধর্মগুরু-নেতাগুনোর বস্তাপাদা পিন্যে অবস্থায় আমোসর পুয়ো ভাববাদী যিশাইয় ইদু পাধেই দিলো।

যিশাইয় 58:3

তারা কন্, আমি উবোস্ থেইয়্যেই আর তুই সিয়েন ন-চেলে কিত্তে? আমি দুঘ্ স্বিগের্ গোজ্যেই আর তুই সিয়েন খিয়েল্ ন-গুরিলে কিত্তে? মাত্তর্ চঅ, তমা উবোস্ থেবার দিন্নোত্ তুমি দঅ নিজোরে বুঝেই রাগঅ, আর তমার বেক্ কামগুরিয়্যেগুনো উগুরে অত্যেচার গুরি থাগঅ।

যিরমিয় 16:6

এ দেজত্ চিগোন-দাঙর্ বেক্কুনে মুরি যেবাক্। কনজনে তারারে গোর্‌অ ন-দিবাক্, তারাত্তে আবিলেচ্অ ন-গুরিবাক্ আর কনজনে তারাত্তে নিজো কিয়্যেগান কাবাকাবিয়ো ন-গুরিবাক্, নিজোর মাঢাবোয়ো ন-মুড়েবাক্।

যিরমিয় 16:8

মেইত্‌‌বান ঘরত্ যেইনে হানা-দানা গুরিবাত্তে ন-বুজিস্,

যিরমিয় 4:8

সেনত্তে বস্তাপাদা উরিনে আবিলেচ্ আর হাহাকার গরঅ, কিত্তে লগেপ্রভুর জ্বোল্‌‍‍‍জোল্যে রাগ্‌‌‍‍কান আমান্দিত্তুন ফিরি ন-যায়।” ‍‍‍‍‍‍‍

যিরমিয় 7:29

ও যিরূশালেম, তঅ চুলান কাবিনে তুই দূরোত্ ফেলেই দে; গাজ্‌‌বাজ্ নেইয়্যে মুড়োমুড়িত্ আবিলেচ্ গরঅ, কিত্তে লগেপ্রভু তার রাগর্ তলে থেইয়্যে এ মানুচ্চুনোরে তে এলাফেলা আর বাদ দিয়্যে।

যিহিষ্কেল 27:31

তারা তত্তে মাঢা মুড়েবাক্ আর বস্তা ফাদা পিনিবাক্। তারা মনত্ দুঘে তত্তে আবিলেচ্ গুরি গুরি অমকদ কানিবাক্।

দানিয়েল 5:1

এক সময় রাজা বেল্‌‌‌‌‌শৎসরে তার এক আজার্ আজল্ মানুচ্চুনোত্তে এক্কো দাঙর্ হানা দিলো আর তে তারা সমারে আংগুর-রস খার্।

হোশেয় 9:1

ও ইস্রায়েল, অন্য জাদ্‌‌‌তুনো ধোক্ক্যেন তুই হুজির্ উৎসব ন-গুরিচ্। তুই দঅ তর্ গোজেনরে ছাড়িনে তা উগুরে অবিশ্বেজি ওইয়োচ্; পত্তি খামারত্ তুই বেশ্যের্ পাওনা পেইনে হুজি ওইয়োচ্।

যোয়েল 1:13

ও ধর্মগুরুগুন, তুমি বস্তা পিনিনে আবিলেচ্ গরঅ; পূজোত্ যিগুনে সেবার কাম গরঅ তুমি আবিলেচ্ গরঅ। যিগুনে মর্ গোজেনর সেবা গরঅ তুমি এইনে বস্তা পিনিনে রেত্তো কাদঅ, কিত্যেই তমা গোজেন ঘরত্ শোজ্য-উৎসর্ব আর পানীয়-উৎসর্বর অনুষ্ঠান বন্ধ গরা ওইয়্যে।

যোয়েল 1:8

ও মঅ মানুচ্চুন, যে গাবুজ্যে মিলেবো তা গাবুরো অক্তত্ ঠিগ গোজ্যে নেক্কোর্ মরণত্তে বস্তা পাদা পিনিনে আবিলেচ্ গোজ্যে তুমি সিবে ধোক্ক্যেন আবিলেচ্ গরঅ।

যোয়েল 2:12

লগেপ্রভু ফগদাং গোজ্যে, “মাত্তর্ ইক্কিনে তুমি উবোস, কানাকুদি আর আবিলেচ্ গুরিনে বেক্ মনান্ দিইনে মইদু ফিরি এজঅ।”

যোয়েল 2:17

যিগুনে লগেপ্রভুর মুজুঙোত্ সেবা-কাম গরন্ সেই ধর্মগুরুগুনে উবোসনা-ঘরর্ বারান্দা আর পুজোবোর্ সংমোধ্যে কানোদোক্। তারা কোদোক্, “ও লগেপ্রভু, তঅ মানুচ্চুনো উগুরে তুই দোয়্যে গর্। তঅ সোম্বোত্তিগানরে ঈচ্ গরেপারা ন-গুরিচ্, জাদ ভিদিরে তারার্ নাঙানি ঈচ্ গরেপারা কধা অবাত্তে ন-দিচ্। অন্য জাদ মানুচ্চুনে কিত্তে কবাক্, ‘তারার্ গোজেনে কুদু?’ ”

আমোষ 8:10

মুই তমার্ পরব্‌‌পুন দুঘে আর বেক্ গানুন্ আবিলেচ্ গরে পারা বুদুলি দিম। মুই তমারে বেক্কুনোরে বস্তা ফাদা পিনেম্ আর মাঢাগুনোত্ টাক্ গুরি দিম। মুই সেই সময়ানরে বানা এক্কো গুরি পুয়োর্ মরণর্ আবিলেজর্ সময় ধোক্ক্যেন গুরিম আর সিয়েন থুম্ সং চলিবো অমকদ দুঘে।”

যোনা 3:6

রাজা ইধু সে হবরান লুমোনার্ পরেদি তে তার্ সিংহাসনান্ ছাড়ি উদিনে তা রাজপোজাক্কানি খুলি ফেলেল আর বস্তা পাদা পিনিনে ছেইয়ো সংমোধ্যে বুজিলো।

মীখা 1:16

যে পুয়ো-ছাগুনোরে নিইনে তুমি হুজি অদা তারাত্তে আবিলেচ্ গুরিবাত্তে যেইনে তমা মাঢাগুন মুড়েই ফেলঅ; শকুনো মাঢা ধোক্ক্যেন তুমি মাঢাগুন টাক্ গুরি ফেলঅ, কিত্যে তারা বন্দী ওইনে তমাত্তুন্ দূরোত্ যেবাক্।

যাকোব 5:1

তাগোয়্যে মানুচ্চুন্, তুমি শুনো। তমা উগুরে যে দুঘ্‌কানি এজের্ সিয়েনিত্যে কানঅ আর আবিলেচ্ গরঅ।