যিশাইয় 22:11 - Chakma Bible

¹¹ পুরোণ পোরো পানিগান রাগেবাত্তে তুমি দি দেবাল সংমোধ্যে এক্কান জাগা বানেয়ো। মাত্তর্ যিবে এ অবস্থাগান ঘোদেয়্যে তুমি তান্দি ন-চেলা, বা ভালোক্ দিন আগে যিবে এ বেক্কানি পরিকল্পনা গোজ্যে তা উগুরে তমার্ ভোক্তি ন-এলঅ।

যিশাইয় 22:11 Iomraidhean Croise

২ রাজাবলী 20:20

হিষ্কিয়োর অন্য বেক্‌ কাম কধানি আর যুদ্ধোত্‌ তার্‌ জিদেনার্‌ কধানি আর কেধোক্ক্যেন গুরি তে পুয়োর আর গাত্‌ কুরিনে শঅরত্‌ পানি আন্যে সিয়েন “যিহূদার রাজাগুনোর বিজগ” নাঙে বোইবোত্‌ লেগা আঘে।

২ রাজাবলী 25:4

পরেন্দি শঅর দেবাল এক্কান্‌ জাগা ভাঙি গেলঅ। যুনিয়ো বাবিলীয়গুনে সেক্কেয়ো শঅরান্‌ ঘিজ্যন্‌ তো রেদোত্‌ যিহূদার বেক্‌ সৈন্যগুনে রাজার বাগান কায় দ্বিদেবাল গেদোন্দি ধেই গেলাক্‌ আর রাজা অরাবার ইন্দি ধেই গেলঅ।

২ বংশধর 6:6

মাত্তর্‌ ইক্কিনে মর্‌ থেবার্‌ জাগা ইজেবে মুই যিরূশালেমানরে বেঈ লোইয়োং আর মর্‌ মানুচ্‌ ইস্রায়েলীয়গুনোরে শাজন্ গুরিবাত্তে দায়ূদোরে বেঈ লোইয়োং।

নহিমিয় 3:16

বৈৎসূর জেলার অদ্দেক ভাগর্‌ শাজন্‌গুরিয়্যে অস্‌বূকোর পূঅ নহিমিয় দেবালর পরেন্দি ভাগকান্‌ দায়ূদ-বংশর গোরানর্‌ ইত্তুন্‌ খুন্যে পুয়োর্‌বো আর বীরুনোর ঘরানি সং ঠিগ্‌ গুরিলাক্‌।

যিশাইয় 17:7

সেদিন্যে মান্‌জ্যে তারার গোজেন ইন্দি রিনি চেবাক্, ইস্রায়েলর সেই পবিত্র মান্‌জ্য ইন্দি চোগ্ ফিরেবাক্।

যিশাইয় 22:10

তুমি যিরূশালেমর ঘরানি গুণ্য আর দেবালানি দরমর গুরিবাত্তে সিয়েনি ভাঙ্য।

যিশাইয় 31:1

অভিশাব্ পোড়োক্ যিগুনে সাহায্যত্তে মিসরত্ যান! তারা দঅ ঘোড়া উগুরে নির্ভর গরন্ আর তারার্ ভালোক্কানি রথ উগুরে আর ঘোড়া মাউত্তুনোর্ খেমতা উগুরে বিশ্বেজ্ রাগান্, মাত্তর্ তারা ইস্রায়েলর সেই পবিত্র মানুচ্চো ইন্দি রিনি ন-চান বা লগেপ্রভু ইত্তুন্ সাহায্য ন-চান।

যিশাইয় 37:26

তুই কি ন-শুনোচ্, বোউত্ আগে মুই সিয়েনি ঠিগ্ গুরি রাগেয়োং, বোউত্ আগেদি মুই সিয়েনির পরিকল্পনা গোজ্যং? আর ইক্কিনে মুই সিয়েনি ঘোদেলুং। সেনত্তে দঅ তুই দেবাল্-ঘিজ্যে শঅরানি পাত্তরর কুর্ গুরি পাজ্যস্।

যিশাইয় 7:3

সেক্কে লগেপ্রভু যিশাইয়রে কলঅ, “তুই আর তঅ পুয়োবো শার-যাশূব ইন্দি নিগিলিনে কাবড় কাজেয়্যে মাদ পথ্‌‌‌‌‌‌‌তান পাড়ত্ অজল্ পুয়োর্‌‌‌‌‌‌‌বো লগে বাস্যে পানি গাদ্‌‌‌‌‌‌‌তো মুয়োনত্ যেইনে আহস লগে দেগা গর্।

যিশাইয় 8:17

মুই লগেপ্রভুত্তে বাজ্জেই থেম্, যিবে যাকোব-বংশগুনোত্তুন্ মুয়োন ফিরেই রাগেয়্যে; মুই তা উগুরে বিশ্বেজ্ গুরিম।

যিরমিয় 39:4

যিহূদার রাজা সিদিকিয় আর তার বেক্ সৈন্যগুনে তারারে দেগিনে ধেই গেলাক্; তারা রেদো অক্তত্ রাজার বাগান পথ্‌তান ধুরিনে দি দেবাল গেদো ইন্দি শঅরান ছাড়িনে অরাবা ইন্দি গেলাক্।

মীখা 7:7

মাত্তর্ মুই লগেপ্রভু উগুরে আজা রাগেম, মর্ উদ্ধোর্ গুরিয়্যে গোজেনত্তে বাজ্জেই থেইম্। মর্ গোজেনে মঅ কধা শুনিবো।