যিশাইয় 21:8 - Chakma Bible

⁸ সেক্কে সেই চুগিদার্‌বো রঅ ছাড়িনে কবঅ, “ও মর্ প্রভু, দিনকে দিন অজল্ চুগিদার-ঘরত্ মুই থিয়্যেই থাং; মুই পত্তি রেদোত্ মর্ চুগি দেদে জাগানত্ থাং।

যিশাইয় 21:8 Iomraidhean Croise

২ বংশধর 20:24

যিহূদার মানুচ্চুনে ধূল্যেচর-চাগালার অজল্‌ চুগিদার ঘরত্‌ এইনে সে দাঙর্‌ সৈন্যদলুনো ইন্দি রিনি চেলাক্‌, মাদিত্‌ বানা মরা কিয়্যেগানি পড়ি আঘে; কনজনে ধেই যেইনে বাঁজি ন-পারন্‌।

গীতসংহিতা 127:1

লগেপ্রভু যুনি ঘর ন-বানায় সালে মিস্ত্রীগুনে মিজে মিজে দুঘ্ গরন; যুনি লগেপ্রভু শঅরানি রোক্ষ্যে ন-গরে সালে চুগিদারুনে মিজে মিজে চুগি দুয়োন্।

গীতসংহিতা 63:6

বিচ্ছোনত্ পড়িনে মুই তঅ কধা ভাবং, পুরো রেত্তো তঅ পৌইদ্যেনে ধ্যান গরং;

যিশাইয় 5:29

পাড়ি সিংহ ধোক্ক্যেন্ তারার্ গুজুরোনিগান্; তারা দামাড়া সিংহ ধোক্ক্যেন্ গুজুরিবাক্ আর শিগের্ গুরিবার অক্তত্ গো গো রঅ গুরিবাক্। সে শিগেরুন্ তারা বুয়োই নেযেবাক্; তারা আঢত্তুন্ কনজনে সিগুন রোক্ক্যে গুরি ন-পারিবাক্।

যিশাইয় 56:10

ইস্রায়েল চুগিদারুন চোগ কান্, তারার্ কনঅ জ্ঞিয়েন নেই। তারা বেক্কুন্ ববা কুগুরো ধোক্ক্যেন, তারা বুগিই ন-পারন্। তারা পড়ি থেইনে স্ববন্ দেগন আর ঘুমাদে গম্ পান।

যিশাইয় 62:6

ও যিরূশালেম, মুই তর্ দেবালান উগুরে চুগিদার নেযেয়োং; তারা দিনে-রেদে কনদিন্অ জুরো গুরি ন-থেবাক্। ও চুগিদারুন, যেদক্কন সং লগেপ্রভু যিরূশালেমানরে থিদেবর্ ন-গরে আর সিয়েনরে পিত্‌থিমীগান ভিদিরে নাঙ্ গিনে পারা গরে সেদক্কন সং তুমি লগেপ্রভুরে তার এগেমর্ কধাগান ইদোত্ তুলি দো; নিজোরে জিরেবাত্তে ন-দো আর তারেয়ো জিরেবাত্তে ন-দো।

যিরমিয় 25:38

তে সিংহ ধোক্ক্যেন গুরি তা জাগায়ান ফেলেই এবঅ; সেক্কে অত্যেচারীগুনোর রাগত্তে আর লগেপ্রভুর দর্‌গরেপারা রাগত্তে তারা দেজ্‌‌‌‌‌‌চান ভস্ত ওইয়্যে জাগা অবঅ।

যিরমিয় 4:7

এক্কো সিংহ তা ঝুব্‌‍‍পো ছাড়িনে উদি এচ্চ্যে; জাদ্‌তুনোরে ভস্ত গুরিয়্যে একজনে যাহ্ ধোজ্জ্যে। তঅ দেজ্‌চান ভস্ত গুরিবাত্তে তে তা জাগায়ান ছাড়িনে এজের্। তঅ শঅরানি মানুচ্ নেইয়্যে আর ভস্ত ওইনে পড়ি থেবঅ। ‍‍‍‍‍‍‍‍

যিরমিয় 49:19

“যর্দনর ঝাড়ত্তুন্ সিংহ যেবাবোত্যেগুরি উদি এইনে গম্ চড়েদে ভূইয়োত্ শিগের্ গুরিবাত্তে যায় সেবাবোত্যেগুরি মুই কানক্কণ্ ভিদিরে ইদোমরে তা দেজত্তুন্ লোড়েই দিম। মুই তা উগুরে মর্ বেঈ লোইয়্যে মানুচ্চোরে নেযেম। কন্না মর্ সং সং? কন্না মঅ বিরুদ্ধে থিয়্যেই পারে? কন্ পালকে মঅ মুজুঙোত্ টিগি থেই পারে?”

যিরমিয় 50:44

যর্দনর ঝারত্তুন্ সিংহ যেবাবোত্যেগুরি উদি এইনে দোল্ চোরেয়্যে ভূইয়োত্ শিগের্ গুরিবাত্তে যায় সেবাবোত্যেগুরি মুই কানক্কণ্ ভিদিরে বাবিলীয়গুনোরে তারার দেজত্তুন্ লোড়েই দিম্। মুই সিয়েন উগুরে মর্ বেঈ লোইয়্যে মানুচ্চোরে নেযেম। কন্না মঅ সং সং? কন্না মঅ বিরুদ্ধে থিয়্যেই পারে? কন্ গরগে মঅ বিরুদ্ধে টিগি থেই পারে?”

১ পিতর 5:8

নিজোরে দোঙেই রাগঅ আর সজাক্ থাগঅ, কিয়া তমার শত্রু শদানে গুজুরি উঠ্যে সিংহ ধোক্ক্যেন গুরি কারে হেই ফেলেব তারে তোগেইনে বেড়ার্।