যিশাইয় 21:3 - Chakma Bible

³ মুই পেট সুলোনিলোই অমকদ দুঘ্ পাঙর্, মিলেগুনোর পুয়ো পুদোনা ধোক্ক্যেন পিড়েয় মরে ধোজ্যে। মুই এমন্ পিড়ে পাঙর্, ন-শুনোঙর্ এমন্ দরাঙর, ন-দেগঙর্।

যিশাইয় 21:3 Iomraidhean Croise

গীতসংহিতা 48:6

দরে সিয়েনত্ তারার গির্‌গিরেনি ধুরি যেইয়্যে আর পুয়ো ফুদোইদে মিলে ধোক্ক্যেন্ জালাপোড়া ওইয়্যে।

যিশাইয় 13:8

তারা অমকদ দোরেবাক্, তারার্ পিড়ে আর অমকদ সুলোনি অবঅ, পুয়ো পুদোইদ্যে মিলে ধোক্ক্যেন্ তারা সুলোনিলোই কিয়্যে মুজুরিবাক্, তারা বুদ্ধি আরেইনে একজনে আর একজন ইদু রিনি চেবাক্ আর তারার্ মুয়োনি আগুনো জিলো ধোক্ক্যেন্ অবঅ।

যিশাইয় 15:5

মোয়াবত্তে মঅ মনান কানের্; তা মানুচ্চুনে সোয়র ইন্দি ইগ্লৎ-শলিশীয়া সং ধেই যাদন্। তারা কানদে কানদে লূহীতোর মুড়োমুড়ি পথ্‌তানত্ উদি যাদন্; তারার জাগানি ভস্ত ওইয়্যে বিলিনে তারা আবিলেচ্ গত্তে গত্তে হোরণয়িমর পধেদি যাদন্।

যিশাইয় 16:11

মঅ মনান মোয়াবত্তে, মঅ ভিদিরেদিগান কীর্-হরসতত্তে বীণা ধোক্ক্যেন গুরি কানের্।

যিশাইয় 16:9

সেনত্তে মুই যাসের ধোক্ক্যেন সিব্‌মার আংগুর লুদিগানত্তে কানঙর্। ও হিষ্‌বোন, ও ইলিয়ালী, মুই চোগো পানিয়ে তমারে ভিজেম্। পাগানা ফল আর খেত্-খেত্তিগানি কাবিবাত্তে তমা হুজির্ রঅ ছাড়ানা থামেই দিয়্যে ওইয়্যে।‍

যিশাইয় 26:17

পিদিলী মিলে পুয়ো পুদেবার্ অক্তত্ যেধোক্ক্যেন্ পিড়েই কিয়্যে মজরন্ আর রঅ ছাড়ন্, ও লগেপ্রভু, আমিয়ো তঅ মুজুঙোত্ সেধোক্ক্যেন্ ওইয়্যেই।

যিরমিয় 4:19

হায়, মর্ মনান, মর্ মনান্! মুই যন্ত্রনালোই মজরা হাঙর্। হায়, মর্ মনান! মঅ ভিদিরে মঅ মনান ধুক্ ধুক্ গরের্। মুই জুরো গুরি থেই ন-পারঙর্, কিত্তে মুই শিঙের রঅ শুন্যং, মুই যুদ্ধোর্ ডাগ শুন্যং।

যিরমিয় 48:41

তার বেক্ শঅরানি অধিকার গুরিনে ঘরানি গজক্ গরা অবঅ। সেদিন্যে মোয়াব যোদ্ধাগুনোর মনত্ পুয়ো পুদেয়্যে মিলের্ পীড়ে উদেদে মনান ধোক্ক্যেন অবঅ।

যিরমিয় 49:22

চঅ, তারার শত্রুগুন ঈগল ধোক্ক্যেন গুরি অজলত্ উড়িবাক্ আর বস্রাগান উগুরে ডুয়ো মিলিনে শো গুরিনে তলেদি লামি এবাক্। সেদিন্যে ইদোম যোদ্ধাগুনোর মনত্ পুয়ো ফুদোইদ্যে মিলে মনান ধোক্ক্যেন অবঅ।

যিরমিয় 50:43

বাবিল রাজা তারা পৌইদ্যেনে হবর্ শুন্যে আর তা আঢ্‌‌‌‌‌তান লুলো ওইনে দুলি পোজ্যে। পুয়ো ফুদোইদ্যে মিলে ধোক্ক্যেন অমকদ পীড়েই তারে ধোজ্যে।

যিরমিয় 6:24

আমি তারা পৌইদ্যেনে হবর্ পেইয়্যেই আর সেনত্তে আমা আঢ্‌‍‍‍‍‍তানি যেন অবশ ওইনে লুঙি পড়ের্। পিড়েগানে আমারে ঘিরি ধোজ্যে; পুয়ো পুদোইদে মিলে ধোক্ক্যেন পিড়েগানে আমারে ধোজ্যে।

হবক্‌‌‌‌কূক 3:16

সেই রবো শুনিনে মুই গির্‌গিরে ধুরিলুং, মঅ ঠুট্‌টোয়ো গির্‌গিরে উদিলো; মুই বল্‌পোজ্যে ওই পড়িলুং আর মঅ টেঙানি গির্‌গিরে ধুরিলো। তো মুই সেদিন্নোত্যেই ধৈজ্জ্য ধুরিনে বাজ্জেই থেইম্ যেদিন্যে আমা আক্রমন গুরিয়্যেগুনো উগুরে দযা এবঅ।

যোহন 16:21

পুয়ো ফুদেবার্ অক্তত্ মিলেগুনে দুঘ্ পান্, কিয়া তা অক্তবো ওইয়্যেগি। মাত্তর্ পুয়ো ফুদেবার্ পরেদি জগদত্ এক্কো নুয়ো মানুচ্‌ এজানায় হুজীয়ে তার্ আর সেই দুঘো কধাগান্ মনত্ ন-থায়।

দ্বি’লম্বর বিররণ 28:67

তুমি বেন্যেমাদান্ কবা, ‘সাজোন্যে ওক্‌,’ আর সাজোন্যেমাদান্ কবা, বেন্যে ওক্‌, কিত্যে তমার মনানি দরে ভরা থেবঅ আর চোক্কুনে বোউত্‌ কিজু দেগিবো।

১ থিষলনীকীয় 5:3

যেক্কেনে মান্‌জ্যে কবাক্, “শান্তি ওইয়্যে, দর্‌‌গরেপারা কিচ্চু নেই,” সেক্কেনে পিদিলি মিলের্ অদাতৎ পেটপিড়ে উদেধে ধোক্ক্যেন গুরি সেই মানুচ্চুনোর্ সর্বনাজ্ অবঅ। তারা কনভাবদে রোক্ষ্যে ন-পেবাক্।