যিশাইয় 21:2 - Chakma Bible

² এক্কান দর্‌গরেপারা দর্শন মরে দেগা ওইয়্যে-বেঈমান্নো বেঈমানি গোজ্যে, আর লুদেয়্যেবো লুদেয়্যে। ও এলম, আক্রমণ গর্; মাদিয়া, ঘিরি ফেলা। বাবিলে যেদক্কানি দুঘ্-কষ্ট ঘোদেয়্যে সিয়েন মুই বন্ধ গুরি দিম্।

যিশাইয় 21:2 Iomraidhean Croise

পত্থম 10:22

শেম পুয়োগুন অলাক্ এলম, অশূর, অর্ফক্‌ষদ, লূদ আর অরাম।

২ রাজাবলী 17:6

হোশেয়র রাজাগিরির্‌ নয় বজরত্‌ আসিরিয়ার রাজা শমরিয়াগান্‌ গজক্ গুরিনে ইস্রায়েলীয়গুনোরে বন্দী গুরি আসিরিয়াত্‌ নেযেল। তারারে তে হলহেত, হাবোর গাঙ পারত্‌ গোষণ চাগালাত্‌ আর মাদীয়গুনোর শঅরানিত্‌ বজত্তি গুরিবাত্তে দিলো।

গীতসংহিতা 119:158

কুজুরোমিগুনোরে রিনি চেলে মত্তুন্ ঘিন্ লাগে, কিত্তে তারা তঅ কধামজিম্ ন-চলন্।

গীতসংহিতা 12:5

লগেপ্রভু কইদ্যে, “দুঘি মানুচ্চুনোর্ ভস্ত অনা আর নাঢা মানুচ্চুনোর কানানার্ কারনে এবেরা মুই জাগি উদিম, আর গমেডালে থেবার্ যিগুনোর্ মনর্ আওজ্ তারারে গমেডালে রাগেম।”

গীতসংহিতা 25:3

যে তঅ উগুরে আজা রাগায় তে লাজত্ ন-পড়িবো, মাত্তর্ যিগুনে অকারনে কুজুরোমি গরন্ তারা লাজত্ পড়িবাক্।

গীতসংহিতা 60:3

তঅ মানুচ্চুনোরে তুই দুঘোর দিন দেগেয়োচ্; তুই আমারে এমন্ আংগুরো-রস হাবেয়োচ্ যিয়েনত্তে আমি মাত্তল ধোক্ক্যেন আদির্।

গীতসংহিতা 79:11

বন্দিগুনোর কানানিগানি তঅ কানত্ লুমোক্; যিগুনো উগুরে মরণর রায় দিয়্যে ওইয়্যে তর্ দাঙর্ বল্লোই তুই তারারে বাঁজা।

গম্ উপদেজ্ 13:15

যিবের বুদ্ধিগান গম্ তে সর্মান পায়, মাত্তর্ অবিশ্বেজি মানুচ্চুনে শেজ্ ওই যেবাক্।

যিশাইয় 11:11

সেদিন্যে তার্ বাঁজি থেইয়্যে মানুচ্চুনোরে আসিরিয়াত্তুন্, মিসর আর পথ্রোষত্তুন, কূশ, এলম, বাবিল, হমাৎ আর দ্বিব্‌পুনোত্তুন্ উদ্ধোর্ গুরি আনিবাত্তে দ্বিবার তা আঢ্‌তান বাড়েই দিবো।‌‌

যিশাইয় 14:7

ইক্কিনে বেক্ পিত্‌থিমীগানে রেহাই আর শান্তি পেইয়্যে; সেনত্তে তারা হুজিয়ে গান গাদন্।‌

যিশাইয় 22:6

এলমর মানুচ্চুনে সেল্ থবার্ কাল্লোঙো তুলি নেযেয়োন; তারা সমারে রথ আর ঘড়া চালেয়্যেগুনোর দল্লো আঘে। কীরোর মানুচ্চুনে ঢাল্লোই যুক্কোল্ ওইয়োন।

যিশাইয় 24:16

পিত্‌থিমীর শেজ্ দুযিত্তুন্ আমি এ গান্নো শুনির্, “ন্যায়বলা গোজেনর বাঈনী ওক্!” মাত্তর্ মুই কলুং, “হায়! মুই দজাত্ পড়ি আগং, কিত্তে বেঈমানীগুনে বেঈমানী গোজ্যন্; অয়, তারা জদবদে বেঈমানি গোজ্যন্।”

যিশাইয় 33:1

ও ভস্তগুরিয়্যে, তরে অভিশাব্ দুয়োং! তুই ভস্ত ন-ওইনেয়ো ভস্ত গোজ্যস্; তঅ উগুরে বেঈমানি গরা ন-অয় তো তুই বেঈমানি গোজ্যস্। ভস্তর্ কামানি থুম্ গুরিলে তরে ভস্ত গরা অবঅ; বেঈমানি গরানা থুম্ অলে তঅ উগুরে বেঈমানি গরা অবঅ।

যিশাইয় 35:10

আর লগেপ্রভুর্ উদ্ধোর্ গোজ্যে মানুচ্চুনে ফিরি এবাক্। তারা হুজিয়ে গান গাদে গাদে সিয়োনত্ সুমিবাক্; তারার্ মাঢাগুনো মুকুট্‌‌তুন অবদে জিংকানিবরত্তে হুজি।‌ তারা হুজিয়ে আর ফুত্তিয়ে ভর্‌‌পুনং অবাক্, দুঘে আর ভঅ নিযেজে দূরোত্ ধেই যেবাক্।

যিশাইয় 47:6

মঅ মানুচ্চুনো উগুরে মঅ রাগ্‌‌কান জুলি উঠ্যে আর মঅ সোম্বোত্তিগানরে মুই অসিজি অবাত্তে দুয়োং। তারারে মুই তঅ আঢত্ তুলি দুয়োং আর তুই তারা উগুরে কনঅ মেয়্যে ন-দেগাচ্। এমন্ কি, বুড়ো মানুচ্চুনো উগুরেয়ো তুই গুয়োর্ বুদি চাপি দুয়োচ্।

যিরমিয় 25:25

সিম্রী, এলম আর মাদীয়গুনোর বেক রাজাগুনোরে;

যিরমিয় 31:20

ইফ্রয়িম কি মর্ কোচ্‌পানার পুয়ো নয়? তে কি সেই পুয়োবো নয় যিবেরে দেগিনে মুই হুজি অং? যুনিয়ো মুই প্রায়ই তা বিরুদ্ধে কধা কোইয়োং মাত্তর্ তো মুই তারে নিত্য ইদোত্ রাগাং। সেনত্তে মঅ পরাণান তাত্তে কানের্; তাত্তে মর্ অমকদ মেয়্যে অয়। ‍‍

যিরমিয় 31:25

মুই বল্‌পোজ্যেগুনোরে তাজা গুরিম আর বল্‌পোজ্যেগুনোর মনানি দরমর গুরিম‍।” ‍‍‍‍‍‍‍‍‍‍‍‍‍

যিরমিয় 45:3

তুই কোইয়োচ্, হায়! লগেপ্রভু মঅ পীড়ে উগুরে মরে দুঘ্ দিয়্যে; মুই ফবাদে ফবাদে বল্‌‍পোজ্যে ওইয়োং,জিরেন ন-পাঙর্।

যিরমিয় 49:34

যিহূদার রাজা সিদিকিয়র রাজাগিরির পৌইল্যাদি এলম পৌইদ্যেনে লগেপ্রভুর এ কধাগান ভাববাদী যিরমিয় ইধু ফগদাং অলঅ,

যিরমিয় 49:35

“মুই বেগত্তুন্ খেমতাবলা লগেপ্রভু কঙর্, মুই এলমর ধনু, তারার খেমতার আজল্ খুদোবো ভাঙি ফেলেম।

যিরমিয় 50:14

ও ধনুবলাগুন, তুমি বেক্কুনে যুদ্ধোত্তে জাগালোই বাবিল চেরোকিত্তে থিয়ো। তাইন্দি সেল্ মারঅ। কনঅ সেল্ থোই ন-দুয়ো, কিত্তে তে লগেপ্রভুর বিরুদ্ধে পাপ গোজ্যে।

যিরমিয় 50:34

মাত্তর্ তারার উদ্ধোর্ গুরিয়্যেবো খেমতাবলা; তা নাঙান্ বেগত্তুন খেমতাবলা লগেপ্রভু। তে দরমরগুরি তারার তপ্পে ওকালতি গুরিবো যেনে তারার দেজত্ শান্তি আর বাবিল আদাম্মেগুনোত্তে অশান্তি আনি পারে।”

যিরমিয় 51:11

তুমি সেলুন্ ধারঅ, ঢাল নেযঅ। লগেপ্রভু মাদীয় রাজাগুনোরে রাগ্ তুলি দিয়্যে, কিত্তে তা উদ্দেশ্যগান অলঅ বাবিলরে ভস্ত গরানা। লগেপ্রভু হামাক্কায় তা ঘরানত্তে হেনা সুজিবো।

যিরমিয় 51:44

মুই বাবিল বেল দেবেদারে সাজা দিম্ আর তে যিয়েন গিল্যে সিয়েন তারে দিইনে ওগোলেম্। জাদ্‌‌‌‌তুনে আর তাইধু গঙার ধোক্ক্যেন ন-যেবাক্। বাবিল দেবালানঅ পড়ি যেবঅ।

যিরমিয় 51:53

বাবিলান যুনি আগাজত্ সংঅ লুমেগোই আর সিয়েনত্ দরমর ঘর্ তুলে, তো মুই তা বিরুদ্ধে ভস্তগুরিয়্যেগুনোরে পাধেই দিম্।”

আবিলেচ্ 1:22

তারার্ বেক্ পাজি কামানি তঅ চোগোত্ পোড়োক্। মর্ বেক্ পাপ্পানিত্তে তুই মরে যেবাবোত্যে গোজ্যস্ তারা উগুরেয়ো সেবাবোত্যে গর্। মর্ ভঅনিজেস্ বেশ্, মুই মন-মরা ওইয়োং।”

দানিয়েল 5:28

উপারসীন, অত্তাৎ ভাগ গরানা-তঅ রেজ্যগান ভাগ গুরিনে মাদীয় আর পারসীককুনোরে দিয়্যে ওইয়্যে।”

দানিয়েল 5:9

সেক্কে রাজা বেল্‌‌‌‌‌‌‌‌শৎসরে আরঅ দোরেল আহ্ তা মুয়োন আরঅ রাঙা-কালা মু অলঅ। তার আজল্ মানুচ্চুনে আমক্ ওই গেলাক্।

দানিয়েল 8:2

সেই দর্শনানত্ মুই নিজোরে এলম রেজ্যর্ শূশন তাম্বুলোত্ দেগিলুং। সেই দর্শনান ভিদিরে মুই ঊলয় গাঙ পারত্ এলুং।

দানিয়েল 8:20

তুই দ্বিশিঙোর্ যে ভেড়াবো দেখ্যচ্ সিগুন অলাক্ মাদীয় আর পারসীক রাজাগুন।

ফগদাং পেইয়্যে 13:10

যিবের বন্দী অবার্ কধা আঘে তে বন্দী অবঅ। যিবের ছুড়িলোই খুন অবার কধা আঘে তে খুন অবঅ। ইয়েনত্যে গোজেন মানুচ্চুনোর ধৈজ্জ্য আর বিশ্বেজর্ দরকার।

১ শমূয়েল 24:13

পুরোণি মানুচ্চুনোর্ ঢাগঅ কধাত্‌ আগেদে, পাজির্ ভিদিরেত্তুন এজেদে পাজি কামানি, সেনত্যেই মুই তর্‌ বিরুদ্ধে আঢ্ তুলিবাত্তে ন-যেম্‌।