যিশাইয় 21:1 - Chakma Bible

¹ ধূল্যেচর-দাঙর্ সাগর পৌইদ্যেনে আগাম্ কধা: নেগেভত্ যেবাবোত্যে গুরি তুঠ্যে বোইয়্যের্ বেঈ যায় সেবাবোত্যেগুরি ধূল্যেচর-চাগালাত্তুন্, সেই দর্‌‌গরেপারা দেজ্‌‌ছানত্তুন্ এক্কান দজা এজের্।

যিশাইয় 21:1 Iomraidhean Croise

ইয়োব 37:9

ঝড়ানে তা ঘরত্তুন্ নিগিলে এজে, বোইয়্যেরানে ঠান্ডা বুয়োই আনে।

যিশাইয় 13:1

আমোস পুয়ো যিশাইয় বাবিল পৌইদ্যেনে দর্শন পেইয়্যে।

যিশাইয় 13:13

সেনত্তে মুই আগাজ্‌‌চানরে গির্‌‌‌গিরে দিম্; বেগত্তুন্ খেমতাবলা লগেপ্রভুর অমকদ রাগে তার জোল্‌জোল্যে রাগর্ দিন্নোত্ পিত্‌থিমীগানে তা জাগানত্তুন্ লুড়িবো।‌

যিশাইয় 14:1

লগেপ্রভু যাকোব উগুরে মেয়্যে গুরিবো; তে আরঅ ইস্রায়েলরে বেঈ লবঅ আর তারার্ নিজো দেজত্ বোজেই দিবো। বিদেশিগুনে তারা সমারে মিজেবাক্ আর তারা যাকোব বংশগুনো সমারে এগত্তর্ অবাক্।

যিশাইয় 14:14

মুই মেঘ উগুরে উদিম্; মুই দাঙর্ গোজেন সং সং ওম্।

যিশাইয় 14:23

মুই তারে কুদুক্-কাদাগর্ জাগায়ান্ আর পানি জাগায়ান্ গুরি দিম্। ভস্ত অনা চোরোন্ দরালোই মুই তারে ছুরি দিম্। মুই বেগত্তুন্ খেমতাবলা লগেপ্রভু এ কধাগান্ কঙর্।”

যিশাইয় 17:1

দামেস্ক পৌইদ্যেনে আগাম্ কধা ইয়েনি: লগেপ্রভু কোইয়্যেদে, “চঅ, দামেস্কগান্ আর শঅর ইজেবে ন-থেবঅ, সিয়েন অবদে এক্কান ভস্ত ওইয়্যে কুর্।

যিশাইয় 47:1

লগেপ্রভু কত্তে, “ও গাবুজ্যে মিলে বাবিল, তুই তলেদি লামিনে ধূল্যেত্ বস্; ও বাবিল, তুই সিংহাসনান্ ছাড়িনে মাদিত্ বস্। তরে আর নরম আহ্ সুগী বিলিনে কুয়ো ন-যেবঅ।

যিশাইয় 5:28

তারার্ সেলুন্ ধারেয়্যে, তারার্ বেক্ ধনুগানিত্ সেল্ লাগেয়্যে আঘে; তারার্ ঘোড়াগুনোর্ টেঙ মুরিগুন্ চোক্‌চোক্যে পাত্তর্ ধোক্ক্যেন্ দরমর, আর তারার্ রথ্‌তানির চাক্কাগুন্ থুঠ্যে বোইয়্যের ধোক্ক্যেন্।‌

যিরমিয় 51:1

লগেপ্রভু কোইয়্যেদে, চাহ্, লেব্‌-কামাই, অত্তাৎ বাবিল আর তা মানুচ্চুনো বিরুদ্ধে ভস্তগুরিয়্যে বোইয়্যেরানরে মুই আনঙর্।

যিরমিয় 51:42

বাবিল উগুরে সাগরান উদি এবঅ, তার গুজুরি উঠ্যে তুবোলান্ তারে ঢাগি ফেলেব।

যিরমিয় 51:51

“তুমি কোইয়ো, ‘আমা পৌইদ্যেনে ঈচ্ গরানার কধা শুন্ন্যেই বিলিনে আমি অসর্মান ওইয়্যেই। লাজে আমা মুয়োনি নাঢা যেইয়্যে, কিত্তে লগেপ্রভুর ঘরর্ সুদ্ধো-সাংগ জাগানিত্ বিদেশীগুনে সোম্মোন্।’

যিহিষ্কেল 1:4

মুই রিনি চেইনে দেগিলুং উত্তোরেত্তুন্ এক্কান তুট্যে বোইয়্যের্ এজের্, এক্কান দাঙর্ মেঘ ভিদিরে ঝিমিলের্ আর চেরোকিত্তেদি পোত্‌‌‌পোত্যে পহ্‌‌‌রে ঘিজ্যে। সে ঝিমিলেনিগান সংমোধ্যে দোগ্‌দোক্যে ধাতু ধোক্ক্যেন কিজু ঝিমিত্ ঝিমিত্ গরের্।

যিহিষ্কেল 30:11

তারে আর তার সৈন্যদল্লোরে, অত্তাৎ বেক্ জাদ্‌‌‌‌তুনো ভিদিরে যিগুনে বেগত্তুন চিৎনপুজ্যে তারারে আনা অবঅ দেজ্‌‌‌‌চানরে ভস্ত গুরিবাত্তে। তারা মিসররে আক্রমণ গুরি তার মুরি যেইয়্যে মানুচ্চুনোরে দিইনে দেজ্‌চানরে ভোরেই দিবো।‌‌‌

যিহিষ্কেল 31:12

জাদ ভিদিরে বেগত্তুন্ চিৎনপুজ্যে জাদর্ মানুচ্চুনে তারে কাবি ফেলেইনে থোই যেইয়োন্। তার দাঙর্ দাঙর্ ডেলাগুন মুড়োই মুড়োই আর বেক্ কলগত্ পোজ্যন্দোই; তার ডেলাগুন ভাঙিনে দেজর্ বেক পানি গঙার ভিদিরে পড়ি আঘে। পিত্‌‌‌‌থিমীর বেক্ জাদ্‌‌‌‌তুনে তা ছাবাবোত্তুন নিগিলিনে তারে ফেলেই যেইয়োন।

যিহিষ্কেল 38:9

তুই আর তর্ বেক সৈন্যগুন আর তঅ সমারে ভালোক্কুন জাদে সেই দেজ্‌‌‌‌‌‌চান আক্রমন গুরিবাত্তে ঝড় ধোক্ক্যেন উজেই যেবাক্; তুমি মেঘ ধোক্ক্যেন গুরি দেজ্‌‌‌‌‌‌চানরে নাঢি ফেলেবা।

দানিয়েল 11:40

শেষ সময় এলে পরেদি দোগিণ দেজর্ রাজা তারে আক্রমণ গুরিবো আর সেই উত্তর রাজা রথ, ঘোড়াবলা সৈন্য আর ভালোক্কানি জাহাজ নিইনে তা বিরুদ্ধে ঝড় ধোক্ক্যেন এবঅ। তে ভালোক্কানি দেজ্ আক্রমণ গুরিবো আর বান পানি ধোক্ক্যেন গুরি তারারে ধোইনে-ফুজি ফেলেব।

সখরিয় 9:14

সে পরেদি লগেপ্রভু তা মানুচ্চুনো উগুরে ফগদাং অবঅ; তা সেল্‌‌লো কারেন ধোক্ক্যেন ঝিমিলেব। প্রভু লগেপ্রভু শিংগা বাজেব আর দোগিণো ঝড় বোইয়্যের ধোক্ক্যেন উজেই যেবঅ;