যিশাইয় 20:5 - Chakma Bible

⁵ যিগুনে কূশ দেজ উগুরে বিশ্বেজ্ গোজ্যন আর মিসররে নিইনে বড়াই গোজ্যন্ তারা দোরেবাক্ আর লাজেবাক্।

যিশাইয় 20:5 Iomraidhean Croise

২ রাজাবলী 18:21

তুই দঅ বিশ্বেজ্ গোজ্যস্‌ সেই বুদি যেইয়্যে নল, অর্থাৎ মিসর উগুরে। যে সেই নল্লো উগুরে বিশ্বেজ্ গুরিবো সিবেই তা আত্তান্‌ কানা গুরি দিবো। মিসর রাজা ফরৌণ উগুরে যিগুনে বিশ্বেজ্ গরন্‌ তারা উগুরে তে সেধোক্ক্যেন গরে।

যিশাইয় 2:22

তুমি মান্‌জ্য উগুরে নির্ভর্ গরানা ছাড়ি দুয়ো। মান্‌‌জ্যর পরাণান্ দঅ তা নাক্কোর্ এক্কো নিজেস্ বাদে আর্ কিচ্চু নয়; তার্ কনঅ দাম নেই।

যিশাইয় 30:3

মাত্তর্ ফরৌণর আশ্রয়ান্ তারা লাজেবাক্ আর মিসরর্ ছাবাগান্ তারাত্তে অসর্মান্ আনিবো।

যিশাইয় 30:5

তো তারারে পত্তি জনরে লাজত্ ফেলা অবঅ, কিত্তে সেই জাদ্‌তো তারার্ কনঅ এজালত্ ন-এবঅ। তারা সাহায্য বা সুবিধে কিচ্ছু দি ন-পারিবাক্; দিবাক্ বানা লাজ্ আর অসর্মান‍্।”

যিশাইয় 30:7

মিসরর্ এজালান বাজে বাবোত্যে, কনঅ কামর্ নয়; সেনত্তে মুই সেই জাদর্ নাঙানি রাগেয়োং রহব-হেম-শবৎ, অত্তাৎ যে বাঈনী গোজ্যে জাদ্ অলর্ গুরি বুয়োই থায়।

যিশাইয় 31:1

অভিশাব্ পোড়োক্ যিগুনে সাহায্যত্তে মিসরত্ যান! তারা দঅ ঘোড়া উগুরে নির্ভর গরন্ আর তারার্ ভালোক্কানি রথ উগুরে আর ঘোড়া মাউত্তুনোর্ খেমতা উগুরে বিশ্বেজ্ রাগান্, মাত্তর্ তারা ইস্রায়েলর সেই পবিত্র মানুচ্চো ইন্দি রিনি ন-চান বা লগেপ্রভু ইত্তুন্ সাহায্য ন-চান।

যিশাইয় 36:6

তুই দঅ বিশ্বেজ্ গরর্ সেই ভাঙি যেইয়্যে নল, অত্তাৎ মিসর উগুরে। যে সেই নল্লো উগুরে বিশ্বেজ্ গুরিবো সিবেই তা আঢ্‌তান কানা গুরি দিবো। মিসরর্ রাজা ফরৌণ উগুরে যিগুনে বিশ্বেজ্ গরন তারা উগুরে তে সিয়েনই গরে। ‍

যিশাইয় 36:9

যুনি সিয়েন ন-পারস্ সালে মঅ গিরোজ্‌সো কামগুরিয়্যেগুনো ভিদিরে বেগত্তুন্ যে চিগোন তারে বা তুই কেধোক্ক্যেন গুরি মানা গুরিবে, যুনিয়ো তুই মিসরর্ রথ আর ঘোড়া চালেয়্যেগুনো উগুরে বিশ্বেজ্ গরর্?‍‍

যিশাইয় 37:9

আসিরিয়ার্ রাজা সন্‌হেরীবে হবর্ পেলঅ, কূশ দেজর্ রাজা তির্হকঃ তা বিরুদ্ধে যুদ্ধো গুরিবাত্তে নিগিল্যে। এ কধাগান শুনিনে তে হিষ্কিয় ইদু দূত্‌তুনোরে পাদেল। তে তারারে কলঅ,‍‍

যিরমিয় 17:5

লগেপ্রভু কোইয়্যেদে, যে মানুচ্চো মান্‌‍‌জ্য উগুরে বিশ্বেজ্ গুরিনে আর বলত্তে নিজো কিয়্যে উগুরে বিশ্বেজ্ গরে আর যিবের্ মনান মত্তুন্ সুরি যেইয়্যে তে অভিশাব্ পেইয়্যে।

যিরমিয় 46:25

ইস্রায়েলর গোজেন বেগত্তুন্ খেমতাবলা লগেপ্রভু কোইয়্যেদে, “মুই নো শঅরর্ দেবেদা আমোনরে, ফরৌণ আর মিসররে, তার দেব-দেবেদা আর রাজাগুনোরে আর যিগুনে ফরৌণ উগুরে বিশ্বেজ্ গরন তারারে বেক্কুনোরে সাজা দিম।

যিহিষ্কেল 29:16

ইস্রায়েলীয়গুনে আর কনদিন্‌অ মিসর উগুরে বিশ্বেজ্ ন-গুরিবাক্। মিসরর্ অবস্থাগান্ দেগিনে তারা বুঝি পারিবাক্, সাহায্যত্তে মিসর ইন্দি ফিরিনে তারা পাপ গোজ্যন্। সেক্কে তারা হবর্ পেবাক্, মুয়ই প্রভু লগেপ্রভু।’”

নহূম 3:9

কূশ আর মিসরানে তারে অমকদ বল্ দিদো; তা সমাজ্যেগুনো ভিদিরে পূট আর লিবিয়াগান এলঅ।

সফনিয় 2:12

লগেপ্রভু কোইয়্যেদে, “ও কূশীয়গুন, তুমিও মঅ লাম্বাছুরিগানর্ আঘাতে মুরিবা।‌‌”

১ করিন্হীয় 3:21

সেনত্তে তুমি কেঅ কনঅ মান্‌জ্যরে নিইনে বার্‌বো ন-গোজ্জ্য, কিয়া বেক্কানি দঅ তমার।