যিশাইয় 20:4 - Chakma Bible

⁴ ঠিগ সেধোক্ক্যেন্‌গুরি আসিরিয়ার রাজা মিসররে লাজত্ ফেলেবাত্তে মিসরীয় আর কূশীয় বন্দীগুনোর পুয়ো-বুড়ো বেক্কুনোরে লাংটা অবস্থায়, সুদো টেঙোই আর পিজেদি-খুলো অবস্থায় নেযেব।

যিশাইয় 20:4 Iomraidhean Croise

২ শমূয়েল 10:4

হানূনে সেক্কে দায়ূদো মানুচ্চুনোরে ধুরিনে তারার্‌ দাড়িগানি এক কিত্তেন্দি মুড়েই দিলো আর তারার্‌ লাম্বা সুলুম্মোর্‌ অদ্দেক্‌ সং, অত্তাৎ কমর্‌ সং কাবি দিইনে তারারে বিদেয় গুরি দিলো।

১ বংশধর 19:4

হানূনে সেক্কে দায়ূদো মানুচ্চুনোরে ধুরিনে তারা দাড়িগানি মুড়েই দিলো আর লাম্বা সিলুমুনোর্‌ অদ্দেক্‌, অত্তাৎ কমর্‌ সং কাবি দিইনে তারারে বিদেয় গুরি দিলো।

যিশাইয় 19:4

এক্কো কড়া গিরোজ আঢত্ মুই মিসরীয়গুনোরে তুলি দিম্; এক্কো দর্‌‌‌‌গরেপারা রাজা তারারে শাজন্ গুরিবো।” ইয়েন অলঅ বেগত্তুন্ খেমতাবলা প্রভু লগেপ্রভুর্ কধা।

যিশাইয় 3:17

সেনত্তে লগেপ্রভু সিয়োনর মিলেগুনো মাঢাত্ ঘা গুরি দিবো আর সিয়েনত্ টাক্ পুরিবো।”

যিশাইয় 31:2

মাত্তর্ তার কি কনঅ জ্ঞান নেই? তে দঅ দজা ঘোদেব; তা কধাগান তে ফিরেই ন-নিবো। তে পাজিগুনোর্ বিরুদ্ধে আর তারার সাহায্যগুরিয়্যেগুনোর্ বিরুদ্ধে উদিবো।

যিশাইয় 31:3

মিসরীয়গুনে দঅ মানুচ্, তারা গোজেন নয়; তারার্ ঘোড়াগুন য়েরাবলা, সিগুন আত্মা নয়। লগেপ্রভু যেক্কে তা আঢ্‌তান তুলিবো সেক্কে সাহায্যগুরিয়্যেগুনে উজোত্ হেবাক্ আর যিগুনে সাহায্য পান্ তারা পড়িবাক্; তারা বেক্কুনে একসমারে ভস্ত ওই যেবাক্।

যিশাইয় 47:2

তুই মেশিন্দোই গম্ মাড়্ আর তঅ ঘঙদাগান খুলি ফেলা। তঅ কাবড়ান তুলিনে দামানাগানি খুলো রাগা আর গাঙ ইন্দি আঢি যাহ্।

যিশাইয় 47:3

তর্ লাঙ্‌‌তা অনাগান ফগদাং অবঅ আর তর্ লাজানাগান্ ঢাক্যে ন-থেবঅ। মুই হেনা সুজিম, কারঅ কোজোলিগান্ ন-মানিম‌।”

যিরমিয় 13:22

যুনি তুই নিজোরে পুযোর্ গরচ্, মঅ উগুরে ইয়েন কি ঘুদিলো? মাত্তর্ ইয়েনর জোব্ অলঅ, তর্ বোউত্ পাপত্তে তঅ কাবড়ান ফাদি ফেলা ওইয়্যে আর কিয়্যে উগুরে অত্যেচার গরা ওইয়্যে।

যিরমিয় 13:26

মুই তঅ কাবড়ানি তঅ মুয়ো উগুরে তুলি দিম যেনে তর্ লাজ্‌চান দেগা যায়।

যিরমিয় 46:19

ও মিসর মানুচ্চুন, তুমি বন্দী ওইনে দূরোত্ যেবাত্তে তমা পযাপিরানি যুক্কোল্ গরঅ, কিত্তে নোফত্ মানুচ্ নেই, পড়ি থেইয়্যে ভূইয়ানি আর ভস্ত ওইয়্যে জাগায়ানি পড়ি থেবঅ।

যিরমিয় 46:26

যিগুনে তারারে মারে ফেলেবাত্তে চান সে বাবিল রাজা নবূখদ্‌নিৎসরে আর তা সৈন্যদলুনোর্ আঢত্ মুই তারারে তুলি দিম। মাত্তর্ পরেদি মিসরত্ আরঅ আগ ধোক্ক্যেন মানুচ্ বজত্তি গুরিবাক্। মুই লগেপ্রভু এ কধাগান কঙর্।”

যিহিষ্কেল 30:18

মুই যেক্কেনে মিসরর জুঙোলান্ ভাঙি ফেলেম সেক্কে তফন্‌হেষত্ দিনোত্ আন্ধার্ লামি এবঅ; সিয়েনত্ তার খেমতার বাড়্ গরানায়ো শেজ্ ওই যেবঅ। তে মেঘে নাঢা যেবঅ আর তার আদামানির মানুচ্চুন বন্দীদজাত্ যেবাক্।

আমোষ 9:7

লগেপ্রভু কত্তে, “ও ইস্রায়েলর মানুচ্চুন, তুমি কি মইদু কূশীয়গুনো ধোক্ক্যেন নয়? মুই কি মিসরত্তুন্ ইস্রায়েলীয়গুনোরে, ক্রীটত্তুন্ পলেষ্টীয়গুনোরে আর কীরত্তুন্ অরামীয়গুনোরে ন-আনং?

মীখা 1:11

ও শাফীরোত্ বজত্তি গুরিয়্যে মানুচ্চুন, তুমি লাংটা আর লাজত্ পড়িনে যগোই। যিগুনে সাননত্ বজত্তি গরন্ তারা নিগিলি এই ন-পারিবাক। বৈৎ-এৎসলে আবিলেচ্ গরের্; তে আর তমা তপ্পে ন-থিয়্যেব।

নহূম 3:10

তো তা মানুচ্চুনোরে বন্দী গুরিনে অন্য দেজত্ নেযা ওইয়্যে। পত্তি পধ মুয়োত্ তা চিগোন্ গুড়োগুনোরে আজার্ মাড়া ওইয়্যে। তার্ মুরুব্বীগুনোত্তে চাম্বা চেইনে তারারে চিগোল্লোই বানি নেযা ওইয়্যে।

সফনিয় 2:12

লগেপ্রভু কোইয়্যেদে, “ও কূশীয়গুন, তুমিও মঅ লাম্বাছুরিগানর্ আঘাতে মুরিবা।‌‌”

ফগদাং পেইয়্যে 3:18

সেনত্যে মুই তরে এ উপদেচ্‌‌চান দোঙর-তুই মত্তুন্ আগুনোত্ পুজ্জ্যে খাটি সনা কিনি লঅ যেন তুই থাগোইয়্যে ওই পারচ্। মত্তুন্ ধূব্ কাবর কিনিনে পিন্‌ যেন তর্ লাংদা থানার লাজ্‌চান দেগা ন-যায়। মত্তুন্ চোগোত্ দিবার মলম কিনি লঅ যেন তুই দেগচ্।