যিশাইয় 20:3 - Chakma Bible

³ সে পরেদি লগেপ্রভু কলঅ, “মঅ চাগর্ যিশাইয় যেধোক্ক্যেন গুরি মিসর আর কূশর বিরুদ্ধে এক্কান চিহ্নো আর আগাম্ লক্ষন ইজেবে তিন বজর সং লাংটা ওইনে সুদো টেঙোই ঘুরি বেড়য়্যে,

যিশাইয় 20:3 Iomraidhean Croise

যিশাইয় 19:4

এক্কো কড়া গিরোজ আঢত্ মুই মিসরীয়গুনোরে তুলি দিম্; এক্কো দর্‌‌‌‌গরেপারা রাজা তারারে শাজন্ গুরিবো।” ইয়েন অলঅ বেগত্তুন্ খেমতাবলা প্রভু লগেপ্রভুর্ কধা।

যিশাইয় 37:9

আসিরিয়ার্ রাজা সন্‌হেরীবে হবর্ পেলঅ, কূশ দেজর্ রাজা তির্হকঃ তা বিরুদ্ধে যুদ্ধো গুরিবাত্তে নিগিল্যে। এ কধাগান শুনিনে তে হিষ্কিয় ইদু দূত্‌তুনোরে পাদেল। তে তারারে কলঅ,‍‍

যিশাইয় 43:3

কিত্তে মুয়ই তর্ গোজেন লগেপ্রভু, তর্ উদ্ধোর গুরিয়্যে, ইস্রায়েলর সেই সুদ্ধো-সাংগ মানুচ্চো। মুই তর্ উদ্ধোরর্ মূল্য ইজেবে মিসর দেজ্‌চান দিম, আর তঅ বদলে কূশ আর সবা দেজ্‌চানরে দিম।‌

যিশাইয় 8:18

এইয়্যে চাহ্, মুই আর সেই পুয়োগুন যিগুনোরে লগেপ্রভু মরে দিয়্যে। বেগত্তুন্ খেমতাবলা লগেপ্রভু, যিবে সিয়োন মুড়োবোত্ বজত্তি গরে আমি তার আওজ্ মজিম্ চিহ্নো আর আমক্ অবার্ লক্ষণ ওইয়্যেই।

যিরমিয় 13:1

লগেপ্রভু মরে কলঅ, “তুই যেইনে নরম সুদোর্ এক্কো জাংগি কিনিনে পিন্, মাত্তর্ সিবে পানিত্ ন-ভুরেবে।”

যিহিষ্কেল 12:6

পযাপিরানি তারা চোগো মুজুঙোত্ কানাত্ তুলি নিবে আর আন্ধার ভিদিরে সিয়েনি নিগিলেবে। তঅ চোগ্‌কুন নাঢি রাগেবে যেনে তুই তঅ দেজর্ মাদিগান ন-দেগচ্, কিত্যে ইস্রায়েল জাদত্তে মুই তরে এক্কান চিহ্নো ধোক্ক্যেন গোজ্যং।”

যিহিষ্কেল 30:4

মিসর উগুরে এবঅ যুদ্ধো আর কূশর উগুরে এবঅ অমকদ যন্ত্রণা। মিসর মানুচ্চুনে মুরিনে পড়ি থেবাক্, তার ধন-সোম্বোত্তিগানি নেযা অবঅ আর তার বেক্ জাগায়ানি ভস্ত অবঅ।

যিহিষ্কেল 30:6

মিসরর কায়কুরে দেজর্ মানুচ্চুনে ভস্ত ওই যেবাক্ আর তার খেমতার ভাড়ান্অ শেজ্ অবঅ। মিগ্‌দোলত্তুন্ সিবেনী সং মানুচ্চুনে যুদ্ধোত্ মুরিবাক্। মুই প্রভু লগেপ্রভু এ কধাগান কঙর্।

যিহিষ্কেল 4:1

তে মরে আরঅ কলঅ, ও মান্‌‌জ্যর পুয়বো, তুই ইক্কিনে এক্কো মাদির্ আরুগ্ নিইনে তঅ মুজুঙোত্ রাগা আর সিবে উগুরে যিরূশালেম শঅরর্ ফোটুবো ছাবা।

যিহিষ্কেল 4:3

সে পরেদি লুয়োর্ এক্কান পাত নিইনে সিয়েন তর্ আর শঅরর্ সংমোধ্যে দেবাল ধোক্ক্যেন রাগা আর তঅ মুয়োন সিয়েন ইন্দি ফিরেই রাগা। সেক্কে শঅরান ঘিরে ওইয়্যে বুঝো যেবঅ; এধোক্ক্যেনগুরি তুই দেগেবেদে যে, শঅরান ঘিরে ওইয়্যে। ইয়েন অবদে ইস্রায়েল জাদত্তে এক্কান চিহ্নো।

সফনিয় 2:12

লগেপ্রভু কোইয়্যেদে, “ও কূশীয়গুন, তুমিও মঅ লাম্বাছুরিগানর্ আঘাতে মুরিবা।‌‌”

সখরিয় 3:8

ও দাঙর্ ধর্মগুরু যিহোশূয়, তুই শুন আর তঅ মুজুঙোত্ বৈই থেইয়্যে তর্ সমাজ্যে-ধর্মগুরুগুনে শুনোদোক্। মুই যে সেই চারাবোরে, অত্তাৎ মর্ চাগর্‌বোরে আনিবে এই ধর্মগুরুগুন অলাক্ তার চিহ্নো।

গণাণা 14:34

দেজ্‌চান চেই এত্তে যে চোল্লিশ দিন সময় লাক্কে তার্‌ পত্তি দিনোত্তে এক বজর্‌ গুরি বেক্কুনে চোল্লিশ বজর্‌ সং তুমি তমার্‌ অন্যেয়ত্তে দুঘ্ পেবা আর বুঝি পারিবাদে, মুই বিরুদ্ধে থেলে অবস্থাগান্‌ কেধোক্ক্যেন অয়।