যিশাইয় 2:8 - Chakma Bible

⁸ ইয়েনি বাদেয়ো তারা দেজ্‌ছান মুত্তিলোই ভরা। তারা আঢ্‌তোই বানেয়্যে জিনিজো ইদু তারা জু জু গরন্, তারা যিয়েনি আঙুল্লোই বানেয়োন সিয়েনি ইদু মাঢাবো নিগিরোন্।

যিশাইয় 2:8 Iomraidhean Croise

১ রাজাবলী 16:7

হনানির পূঅ ভাববাদী যেহূর মাধ্যমে বাশা আর তার্‌ বংশগুনোর্‌ বিরুদ্ধে লগেপ্রভুর কধানি ফগদাঙ্‌ ওইয়্যে, কিত্তেই যারবিয়ামর্‌ বংশগুনো ধোক্ক্যেন্ তে লগেপ্রভুর চোগোত্‌ যিয়েনি বজঙ্‌ সিয়েনি গুরিনে লগেপ্রভুরে বেজার্ গোজ্যে আর যারবিয়ামর্‌ বংশবোরে ভস্ত গুরি দিয়্যে।

২ রাজাবলী 17:10

তারা পত্তি অজল্‌ মুড়োগুনো উগুরে আর ডেলা ছিদি পোজ্যে পত্তি য়েল্‌ গাজ তলে পূজো পাত্তর্‌ আর আশেরা-খুদোগুন্‌ বোজেয়োন্‌।

২ রাজাবলী 17:16

তারা তারার্‌ গোজেন লগেপ্রভুর বেক্‌ উগুমানি ছাড়িনে নিজোত্তে ঢালাই গোজ্যে দ্বিবে গোরু ছঅ মূত্তি আর এক্কো আশেরা-খুদো বানেয়োন। তারা আগাজ তারাগুনোরে পূজো গুরিদাক্‌ আর বাল দেবেদা সেবা গুরিদাক্‌।

২ বংশধর 27:2

যোথমে তা বাবঅ ধোক্ক্যেন লগেপ্রভুর চোগেন্দি যিয়েনি গম্‌ সিয়েনি গুরিদো। সিয়েনিবাদেয়ো তে তা বাবঅ ধোক্ক্যেন ভুল্‌ ন-গরে; আগর্‌বাট্টি জ্বালেবাত্তে তে লগেপ্রভুর ঘরত্‌ ন-যায়। তো মানুচ্চুনে ভান্ন্যেই কামানি গুরিদাক্‌।

যিশাইয় 17:8

তারা নিজো আঢে বানেয়্যে ডালি পূজোবো ইন্দি রিনি ন-চেবাক্, আর তারার আঢে বানেয়্যে আশেরা-খুদি আর আগর্‌বাট্টি-পূজো উগুরে কনঅ মনযোগ্‌অ ন-দিবাক্।

যিশাইয় 26:13

ও লগেপ্রভু, আমা গোজেন্, তুই বাদে অন্য প্রভুগুনেয়ো আমা উগুরে সদ্দার্ ওইয়োন্, মাত্তর্ বানা তরে আমি স্বিগের্ গুরিই।

যিশাইয় 40:19

কালিগরুনে ছাজিচাজাই ঢালিনে মুত্তি বানান্; বান্যেগুনে সিয়েনি সনালোই বেড়েই দুয়োন্ আর তাত্তে রূবোর্ শিগোলে বানান্।

যিশাইয় 41:29

চঅ, তারা বেক্কুনে বাজে, তারার্ কামানি কিচ্চু নয়। তারার্ ছাজিনে ঢাল্যে মূত্তিগুন্ বোইয়্যের বাদে আর্ কিচ্চু নয়; তারা কিচ্চু গুরি ন-পারন্।”

যিশাইয় 57:5

তুমি দঅ এলোন গাজ্‌‌‌চুনো ভিদিরে, ডেলা নেইয়্যে পত্তি য়েল্ গাজ তলে কামনায় জুলি উদো; তুমি কলগে কলগে আর মুড়ো মুড়ির ফাদা জাগানিত্ তমা ঝি-পুয়োগুনোরে ডালি দুয়ো।

যিরমিয় 1:16

মঅ মানুচ্চুনে মরে ফেলেই যেইয়োন, তারা দেব-দেবেদাগুনোর নাঙে আগর্‌বাট্টি জ্বালেয়োন আর নিজো আঢে বানেয়্যে জিনিজোরে পূজো গোজ্যন্। তারার এই বেক্ পাজি কামানিত্তে মুই তারা বিরুদ্বে মর্ বিচেরর্ রায়য়ান দিম্।

যিরমিয় 11:13

যিহূদার যেদক্কানি শঅর্ আর আদাম আঘে সিদুক্কুন দেব-দেবেদায়ো আঘে, আর যিরূশালেমর যেদক্কানি পথ আঘে সেই লাজ্‌গরেপারা বাল দেবেদার নাঙে আগর্‌বাট্টি জ্বালেবাত্তে সিদুক্কুন পূজোয়ো বানা ওইয়্যে।‍‍

যিরমিয় 2:28

ও যিহূদা, তুই নিজোত্তে যে দেবদাগুন বানেয়োচ্ তারা সেক্কে কুদু থান্? যেক্কে তুই দজাত্ পড়চ্ সেক্কে যুনি তারা তরে উদ্ধোর গুরি পারন্ সালে তারা এত্তোক্, কিত্তে তর্ যেদক্কানি শঅর্ আঘে সিদুক্কুন দেবেদায়ো আগন্।”

হোশেয় 12:11

গিলিয়দ ভান্ন্যেয় কামে ভরা, তা মানুচ্চুনে অপদাত্ত। তারা গিল্‌গলত্ বোউত বলদ উৎসর্ব গরন্। তারার্ পূজোগুন চাজ্ গোজ্যে ভূইয়োত্ পাত্তর কুড়ো ধোক্ক্যেন বোউত্।

হোশেয় 13:2

ইক্কিনে তা মানুচ্চুনে আরঅ বেশ্ গুরি পাপ গোজ্যন্; তারার্ রূবোগানিলোই তারা নিজোত্তে কাবিল আঢ্‌‌তোই বানেয়্যে মূত্তি, অত্তাৎ কাবিল্ আত্‌‌‌‌তোই মূত্তি বানেয়্যন; সিগুন বেক্কুন্ কালিগর কাম। এ মূত্তিগুনো পৌইদ্যেনে তারা কন্, “যিগুনে উৎসর্ব গরন্ তারা গোরু ছঅ-মূত্তিগুনোরে চুমোদোক্।”

হোশেয় 14:3

আসিরিয়া আমারে উদ্ধোর্ গুরি ন-পারিবো; আমি যুদ্ধো ঘোড়া উগুরে নির্ভর ন-গুরিবোং। আমা নিজো আঢে বানেয়্যে মূত্তিগুনোরে আমি আর কনদিন্‌অ ন-কবং, ‘আমা দেব-দেবদা,’ কিয়া তইদু মা-বাব্ নেইয়্যেগুনে দোয়্যে পান্।”

হোশেয় 8:6

সেই গোরু ছবো ইস্রায়েল মানুচ্চুনে বানেয়োন। এক্কো কালিগরে সিবে বানেয়্যে; সিবে দঅ গোজেন নয়। শমরিয়ার সেই গোরু ছবোরে ভাঙিনে কট্টা কট্টা গরা অবঅ।

মীখা 5:12

মুই তর্ যাদুবিদ্যেগানি বর্‌বাদ্ গুরিম; মায়াবিদ্যে বেবহার গুরিয়্যেগুন আর তইদু ন-থেবাক্।

প্রেরিত্‌ 17:16

পৌল এথেন্স শঅরত্ সীল আর তীমথিয়ত্যে বাজ্জেই থেবার্ অক্তত্ সেই শঅরান্ মূত্তিলোই ভরা দেগিলো। সেক্কে তা মনান্ অমকদ গম্ ন-লাগিলো।

দ্বি’লম্বর বিররণ 4:28

সিয়েনত্‌ তুমি মান্‌জ্যর্‌ বানেয়্যে তক্তার্‌ আর পাত্তরর্‌ দেবেদা পূজো গুরিবা যিগুনে চেই ন-পারন্‌, ন-শুনোন্‌, হেই ন-পারন্‌, তুম্বাজ্‌ নেযেই ন-পারন।

ফগদাং পেইয়্যে 9:20

মাত্তর্ এই আঘাতর্ পরেদিয়ো যিদুক্কুন মানুচ্ বাঁজি এলাক্ তারা নিজো আঢে বানেয়্যে মূত্তিগুনোত্তুন মনানি ন-ফিরেলাক্, তারা ভান্ন্যেই আত্মাগুনোর আর যিগুনে ন-দেগন্, ন-শুনোন্ বা আঢি ন-পারন এবাবোত্যে বেক্ সনা, রূবো, পিদোল, পাথর্ আর গাজ্‌সোই বানেয়্যে মূত্তিগুনোরে পূজো গরানাত্ থেলাক্।