যিশাইয় 2:6 - Chakma Bible

⁶ তুই দঅ তঅ মানুচ্চুনোর্, অত্তাৎ যাকোব বংশধরুনোরে ছাড়ি যেইয়োচ্। তারা পুগেদি দেজ্‌ছানির কুসংস্কারলোই পেলেপেলে ওইয়োন; তারা পলেষ্টীয়গুনো ধোক্ক্যেন যাদুবিদ্যের্ অভ্যেস গোজ্যন আর নানান্ জাদ সমারে আঢ্ মিলেয়োন।

যিশাইয় 2:6 Iomraidhean Croise

২ রাজাবলী 1:2

অহসিয় শমরিয়াত্‌ তা ঘরর্‌ উগুরে তালাত্‌ গুদিবোর্‌ জানালাবোন্দি তলে পড়িনে দুঘ্ পেইয়্যে। সেক্কে তে কয়েকজন মান্‌জ্যরে ইয়েন্‌ কোইনে পাধেই দিলো, “তুমি যেইনে ইক্রোণর দেবেদা বাল্‌-সবূবর ইদু পুযোর্‌ গরঅ, এ দুঘ্ পেয়্যেগানত্তুন্‌ মুই গম্‌ ওই পারিম্‌ নাকি।”

২ রাজাবলী 17:20

সেনত্তে লগেপ্রভু বেক্‌ ইস্রায়েলীয়গুনোরে বাদ দি দিলো। তে তারারে দুগোত্‌ ফেলেল আর লুটগুরিয়্যেগুনোর্‌ আঢত্‌ তুলি দিলো, আর যেরেন্দি নিজোর্‌ মুজুঙোত্তুন্‌ তারারে ধাবেই দিলো।

১ বংশধর 10:13

লগেপ্রভু উগুরে অবিশ্বেজি ওইয়্যে বিলিনে শৌল মুরি গেলঅ। তে লগেপ্রভুর কধানি মানি ন-চলে; এন্‌ কি, লগেপ্রভু ইত্তুন্‌ সল্লা ন-চেইনে তে বজং আত্মা সমারে মিজেয়্যে মান্‌জ্যত্তুন্‌ সল্লা নেযেয়্যে। সেনত্তে লগেপ্রভু তা মরণ ঘোদেল আর রেজ্যগান্‌ যিশয় পুয়ো দায়ূদ আদত্‌ তুলি দিলো।

২ বংশধর 15:2

সেক্কে অসরিয় আসার লগে দেগা গুরিবাত্তে যেইনে কলঅ, “ও আসা, ও যিহূদা আর বিন্যামীনর বেক্‌ মানুচ্চুন্‌, মঅ কধাগান শুনো। তুমি যেদকদিন লগেপ্রভুর লগে থেবা সেদকদিন তেয়ো তমা লগে থেবঅ। তা আওজ্‌চান্‌ জানিবাত্তে চেলে তুমি সিয়েন্‌ জানি পারিবা, মাত্তর্‌ তারে যুনি ছাড়ি যঅ সালে তেয়ো তমারে ছাড়ি যেবঅ।

২ বংশধর 24:20

সেক্কে গোজেনর আত্মাগান্‌ ধর্মগুরু যিহোয়াদার পুয়ো সখরিয় উগুরে এলঅ। তে মানুচ্চুনোর্‌ মুজুঙোত্‌ থিয়্যেইনে কলঅ, “গোজেনে এ কধাগান কোইয়্যেদে, ‘লগেপ্রভুর উগুমান্‌ তুমি কিত্তেই অমান্য গোজ্য? তুমি ইয়োত্‌ ফোলেই ন-পারিবা। তুমি লগেপ্রভুরে ছাড়ি যেইয়ো বিলিনে তেয়ো তমারে ছাড়ি যেইয়্যে।’”

নহিমিয় 13:23

সে অক্তত্‌ মুই ইয়েন দেগিলুঙ্‌, যিহূদার কনঅ কনঅ মানুচ্‌ অস্‌দোদ, অম্মোন আর মোয়াবর ঝিগুনোরে লোইয়োন্‌।

গীতসংহিতা 106:35

বরং সেই জাদ্‌তুনো সমারে তারা নিজে মিজেয়োন্ আর তারার চলাফিরে-বেবহারানি মানি নিলাক্।

যাত্রা 22:18

কনঅ যাদুগুরিয়্যে মিলেরে বাঁজি থেবাত্তে ন-দিবা।

যাত্রা 34:16

ইয়েনিবাদে তুমি তারার্‌ ঝিগুনো সমারে যেক্কে তমার্‌ পূঅগুনোরে মেলা গুরি দিবা সেক্কে সেই বেক্‌ মিলেগুনে ভান্ন্যেই মনভাব্‌‌পোই তারার্‌ দেব-দেবেদা পূজোত্‌ নিজোরে তুলি দিবাক্‌ আর তমার পূঅগুনোরেয়ো সেক্কে টানি নেযেবাক্।

গম্ উপদেজ্ 6:1

মঅ পুয়োবো, তুই যুনি কারঅ জাবিন্ ওই থাচ্, অন্যজনর্ জাবিন্ অবাত্তে আত্ মিলেই থাচ্,

যিশাইয় 14:29

ও পলেষ্টীয়া, যে লুদিক্কো তরে আঘাত্ গুরিদো সিবে ভাঙি যেইয়্যে বিলি তুমি কনজনে ফুত্তি ন-গোজ্য। সাপ গাদত্তুন্ নিগিলি এবঅ কেউটে সাপ, আর সেই সাপ্পোত্তুন্ নিগিলি এবঅ উড়্‌বো বিষবলা সাপ।

যিশাইয় 8:19

মান্‌জ্যে যেক্কে তমারে সেই মানুচ্চুনো ইদু যেবাত্তে কন্ যিগুনে মরা আর ভান্ন্যেই আত্মাগুনো লগে মিজেইনে ফুজু ফুজু আর বিড়্‌বিড়্‌ গরন্, সেক্কে তমার্ কি গোজেন ইদু যানা উজিত্ নয়? যিগুনে জেদা আগন্ তারার্ ওইনে কিত্তে মরাগুনো সমারে সল্লা গুরিবাত্তে যেবা?

যিরমিয় 10:2

লগেপ্রভু কোইয়্যেদে, “তুমি নানান্ জাদর্ আচার-বেবহার ন-শিখ্য, বা আগাজর্ নানান চিহ্নো দেগিনে ভাঙি ন-পোজ্য, যুনিয়ো নানান্ জাদে সিয়েনি দেগিনে ভাঙি পড়ন্।

যিরমিয় 12:7

“মুই মঅ মানুচ্চুনোরে ইরি দুয়োং আর মর্ সোম্বোত্তি ইস্রায়েলরে বাদ দুয়োং; মুই যিবেরে কোচ্‌পাং সিবেরে তা শত্রুগুনো আঢত্ তুলি দুয়োং।‌

আবিলেচ্ 5:20

তুই কি উমরত্তে আমারে ভুলি যেবে? এদক্ দিন ধুরিনে কিত্তে তুই আমারে ছাড়িনে আগচ্?

লেবীয় 19:31

যিগুনে ভূদো ভিদিরে থান্‌ বা ভান্ন্যেই আত্মা সমারে মিলেমিলি রাগান্‌ তারা ইদু যানা ন-চলিবো, কিত্যে তারা তমারে ফি-বলা বানেবাক্। মুই লগেপ্রভু তমার গোজেন।

লেবীয় 20:6

যে মানুচ্চো মঅ উগুরে অবিশ্বেজী ওইনে ভূত্তুনো মাধ্যম ইদু বা ভান্ন্যেই আত্মাগুনো সমারে মিজেই এবাবোত্যে মান্‌জ্য ইদু নিজোরে গোজেই দে মুই তাত্তুন্‌ মুয়োন্‌ ফিরেই নিম আর তা জাদত্তুন্‌ তারে তুলি ফেলেম।

মীখা 5:11

তঅ দেজর্ শঅরানি মুই ভস্ত গুরি দিম আর তর্ বেক তাম্বুলানি ভাঙি দিম।

মীখা 5:12

মুই তর্ যাদুবিদ্যেগানি বর্‌বাদ্ গুরিম; মায়াবিদ্যে বেবহার গুরিয়্যেগুন আর তইদু ন-থেবাক্।

সফনিয় 1:8

লগেপ্রভু কোইয়্যেদে, “মর্ সেই উৎসর্বর্ দিন্নোত্ মুই রাজার্ কামগুরিয়্যে গুনোরে, রাজার্ পুয়োগুনোরে আর বিদেশী কাবড় চুগোর্ উজ্যে বেক্ মানুচ্চুনোরে সাজা দিম।

গণাণা 23:7

সেক্কে বিলিয়মে গোজেনর্‌ দিয়্যে এই কধানি কুয়ো ধুরিলো: “বালাকে মরে অরাম দেজত্তুন্ লোই আনিলো, পূগেদি মুড়োগুনোর্‌ কায়-কুরেত্তুন্‌ মোয়াব-রাজা মরে লোই আনিলো। তে কলঅ, ‘মর্‌ পক্কে তুই যাকোবরে অভিশাব্ দিচ্‌, ইস্রায়েলর্ বিপক্ষে ভান্ন্যেয়ানিত্যে কধা কঅ।’

রোমীয় 11:20

ভারী গম্। মাত্তর্ তারারে ভাঙি ফেলা ওইয়্যে তারার্ অবিশ্বেজর্ কারনে আর তুই সিয়েনত্ উদ্ধোর্ ওই আঘচ্ তর্ বিশ্বেজত্তে। ইয়েনত্ বার্‌বো ন-গুরিচ্ বরং ভোক্তি গুরিনে দোরেচ্,

১ শমূয়েল 6:2

পরেন্দি পলেষ্টীয় শাজন্‌গুরিয়্যেগুনে ধর্মগুরু আর গোণোক্কেগুনোরে ডাগিনে কলাক্, “আমি লগেপ্রভুর সুন্দুক্কো নেযেইনে কি গুরিবোং? আমারে কঅ, কেধোক্ক্যেনগুরি আমি ইবেরে তার নিজোর জাগানত্‌ পাধেই দিবোং?”