যিশাইয় 2:18 - Chakma Bible

¹⁸ আর মুত্তিগুন্ এক্কুবারে ভস্ত ওই যেবাক্।

যিশাইয় 2:18 Iomraidhean Croise

যিশাইয় 2:17

মান্‌জ্যর্ বাড়্ গরানাগানরে তলে লামেই দিয়্যে অবঅ আর অহংকারানরে ভস্ত গরা অবঅ। সেদিন্যে বানা লগেপ্রভুরে সর্মান গরা অবঅ,

যিশাইয় 21:9

চঅ, জড়ায় জড়ায় ঘোড়া চালেয়্যে এজদন্।” সে পরেদি তে কবদে, “বাবিলোর পতন ওইয়্যে, পতন ওইয়্যে। তার বেক্ দেবেদাগুনোর মূত্তিগুন্ চুরমার ওইনে মাদিত্ পড়ি আগন্।”

যিশাইয় 27:9

ইয়েনর্ মাধ্যমে যাকোবর্ পাপর্ দেনা সুজি দিয়্যে পুরিবো, মাত্তর্ তার বেক্ পাপ্‌পানি দূর্ গুরিবার আগেদি সিবিদি পাত্তর ধোক্ক্যেন্ গুরি তে তা পূজোর্ বেক্ পাত্তরুন্ ভস্ত গুরিবো; কনঅ আশেরা-খুদো বা আগর্‌বাট্টি-পুজো ন-থেবঅ।

যিশাইয় 46:1

লগেপ্রভু কোইয়্যেদে, বেল দেবেদাবো তলে অবঅ আর নবো দেবেদাবো মাঢা নিগিরিনে পড়িবো; তারার মূত্তিগুন্ ভারান্ বোইয়্যে এ্যামানুনে বুয়োই নিবাক্। যে মূত্তিগুন্ বাবিলীয়গুনে পূজো গুরিদাক্ সিগুন বুদি ধোক্ক্যেন অবাক্, বল্ পোজ্যে য়েমানুনোত্তে গুয়োর্ অবঅ।

যিরমিয় 10:11

তুমি মানুচ্চুনোরে কঅ, এই দেব-দেবেদাগুনে আগাজ্‌‌‍‌‍চান আর পিত্‌‌‍‌‍‍‍থিমীগান ন-বানান; তারা আগাজ্‌চানত্তুন আর পিত্‌থিমীর বেক্ জাগানত্তুন্ ভস্ত ওই যেবাক্।‌‍‌‍‍‌‍‌‍‍

যিরমিয় 51:18

তারা অগুণোর্, ঈচ্ গুরিবার জিনিস্; বিচেরর্ সময় আজলে সিগুন ভস্ত ওই যেবাক্।

যিহিষ্কেল 30:13

“‘মুই নোফর মূত্তিগুন ভস্ত গুরি ফেলেম, তার মূত্তিগুন শেজ্ গুরি দিম। মিসরত্ আর কনঅ শাজন্‌গুরিয়্যে ন-থেবাক্ আর দেজর্ বেক্কানিত্ মুই দর্‌‌‌বুগ্ ফুদেই দিম।

যিহিষ্কেল 36:25

মুই তমা উগুরে সাব্ পানি ছিদি দিম্, আর সেক্কে তুমি সিজি অবা; তমার্ বেক্ কজরানি আর মূত্তিগুনোত্তুন্ মুই তমারে সিজি গুরিম।

যিহিষ্কেল 37:23

তারার্ বেক মূত্তিগুন, মূত্তি বা তারার্ কনঅ বজং জিনিস্‌‌‌চোই তারা আর্ নিজোরে অসিজি ন-গুরিবাক্। তারার্ বেক পাপ আর ভান্ন্যেই পধেদি যানাত্তুন্ মুই তারারে রোক্ষ্যে গুরিম আর সিজি গুরিম। তারা মঅ মানুচ্ অবাক্ আর মুই তারার্ গোজেন ওম্।

যিহিষ্কেল 6:6

তুমি যিয়েনত্ বজত্তি গুরিদা সাৎ সিদুগোর্ শঅরানি এনেবাদে পড়ি থেবঅ আর পূজোর্ অজল্ জাগায়ানি ভস্ত অবঅ; সিয়েনর কারনে তমা ডালিপূজোগুন পড়ি থেবাক্ আর বর্‌‌‌‌‌‌বাত্ ওই যেবঅ, তমা মূত্তিগুন কট্টা কট্টা আর ভস্ত অবাক্, তমা ডালিপূজোগুন ভাঙিনে পড়ি যেবঅ আর তমার বানেয়্যে বেক্কানি ভস্ত ওই যেবঅ,

হোশেয় 14:8

ও ইফ্রয়িম, মূত্তিগুন লগে তর্ আর কনঅ সম্পর্ক নেই। মুয়ই তর্ তবনার্ জোব্‌‌‌‌‌পান দিম আর তর্ যত্তন্ নেযেম। মুয়ই তেল্‌‌‌‌‌তেল্যে বেরস গাজ ধোক্ক্যেন; তর্ ফলুন মত্তুন্ এজে।”

মীখা 1:7

তার্ বেক মূত্তিগুন কট্টা কট্টা গুরি ভাঙি ফেলা অবঅ; তার মন্দির-বেশ্যেগুনোর বেক কামেয়্যেগুন্ আগুন্দোই পুড়ো অবঅ; তার বেক মূত্তিগুন মুই ভস্ত গুরি ফেলেম। তে দঅ বেশ্যেগিরির পাওনা ইজেবে ইগুন পেইয়্যে সেনত্তে সিগুন আরঅ বেশ্যেগিরিত্তে বেবহার গরা অবঅ।”

মীখা 5:13

তত্তুন্ মুই খুন্যে মূত্তিগুন আর তর্ পূজোর্ বেক খুদোগুন বর্‌বাদ গুরি ফেলেম; তর্ আঢে বানেয়্যে জিনিসচ্চোরে তুই আর পূজো ন-গুরিবে।

সফনিয় 1:3

মানুচ্ আর য়েমান, আগাজ পেগ্‌কুন আর সাগরর মাছ্‌চুন মুই শেজ্ গুরি দিম। মুই পাজিগুনোর্ অধপতন ঘোদেম্। পিত্‌‌‌‌থিমীর উগুরেত্তুন্ মুই মানুচ্চুনোরে ভস্ত গুরি দিম।

সফনিয় 2:11

লগেপ্রভু তারা ইধু অমকদ দর্‌‌গরেপারা অবঅ; তে পিত্‌‌থিমীর বেক দেবেদাগুনোরে বল্‌‌পোজ্যে গুরিবো। সেক্কে দূর দেজর্ বেক জাদর্ মানুচ্চুনে নিজো নিজো দেজত্তুন্ তার্ উবোসনা গুরিবাক্।