যিশাইয় 2:12 - Chakma Bible

¹² বেগত্তুন্ খেমতাবলা লগেপ্রভু অহংকারী আহ্ বাড়্‌বো গোজ্যে মানুচ্চুনোরে আর যিগুনে গম্ পোজিশনত্ আগন্ বেক্কুনোত্তে এক্কো দিন ঠিগ্ গোজ্যে; সেদিন্যে তারারে বেক্কুনোরে তলে ফেলা অবঅ।

যিশাইয় 2:12 Iomraidhean Croise

২ শমূয়েল 22:28

তুই দুখীগুনোরে রোক্ষ্যে গুরি থাচ্‌, আর বার্বোগুনোরে তলেন্দি লামেবাত্তে তঅ চোক্কুন্‌ তারার্‌ ইন্দি আঘে।

ইয়োব 24:1

বেগত্তুন খেমতাবলা গোজেনে বিচেরত্তে কিত্যে সময়ান্ ঠিগ্ ন গরে? যিগুনে তারে হবর্ পান তারা কিত্তে সেদিন্যে ন-দেগন?

গীতসংহিতা 131:1

ও লগেপ্রভু, মঅ মনান্ বাড়্‌বো নয়, মঅ চোগ্‌কুনোত্ বাড়্‌বোর্ ভাব নেই; যিয়েনি দাঙর্ আর আগাত্যে কাম মর্ গরানা সম্ভব নয় সিয়েনিলোই মুই মাধা ন-ঘামাং।

গীতসংহিতা 18:28

তুই মর্ জিংকানি-চেরাগ্‌কো জ্বালেই রাগা; মর্ গোজেন লগেপ্রভু মর্ আন্ধারানরে পহ্‌র্ গর্।

গীতসংহিতা 37:13

প্রভু হবর্ পায় পাজিগুনোর্ শেজর্ দিনুন্ ঘোনেই এজের্, সেনত্তে তারারে দেগিনে তে আযে।

গীতসংহিতা 94:2

ও দুনিয়ের বিচেরগুরিয়্যে, তুই উঠ্; বাড়্‌বো গুরিয়্যেগুনোর যিয়েন পাওনা সিয়েন তুই তারারে দে।

গম্ উপদেজ্ 16:5

যিগুনোর মনানি বাড়্‌‌বো তারারে বেক্কুনোরে লগেপ্রভু ঘিনাই; তুমি ঘেচ্চেকগুরি হবর্ পঅ তারা সাজা পেবাক্কে পেবাক্।

যিশাইয় 10:12

প্রভু সিয়োন মুড়ো আর যিরূশালেম বিরুদ্ধে তার্ বেক কামানি থুম্ গুরিনে কবদে, “আসিরিয়া রাজার অহংকারী মনর্ কামানি আর তার বাড়্‌‌বো চোগ্‌‌কুনোত্তে মুই তারে সাজা দিম্,

যিশাইয় 10:33

চঅ, বেগত্তুন্ খেমতাবলা গোজেন প্রভু লগেপ্রভু দাঙর্ খেমতালোই ডেলাগুন্ ভাঙি ফেলেব। অজল্ অজল্ গাজ্‌চুন কাবি ফেলা অবঅ; সিগুন মাঢিত্ পড়িবাক্।

যিশাইয় 13:11

লগেপ্রভু কোইয়্যেদে, মুই ভান্ন্যেয়ানত্তে পিত্‌থিমীগানরে সাজা দিম্; পাজিগুনোর অন্যেয়ানিত্তে তারারে সাজা দিম্। মুই বাড়্‌বো গুরিয়্যেগুনোরে বাড়্‌বো গরানাগানি শেজ্ গুরি দিম্ আর চিৎনেইয়্যেগুনোর অহংকারানি ভাঙি দিম্।‌

যিশাইয় 13:6

তুমি দাঙর্ দাঙর্ গুরি কান, কিত্তে লগেপ্রভুর দিন্নো কায়-কুরে এচ্চ্যে; সেদিন্যে খেমতাবলা গোজেনত্তুন্ ভস্তগান্ এবঅ।

যিশাইয় 13:9

চঅ, লগেপ্রভুর্ দিন্নো এজের্। সিবে চিৎনপুজ্যে, অমকদ রাগ্ আর জোল্‌জোল্যে অহুজিলোই এজের্; পিত্‌‌থিমীগানরে ভস্তর্ জাগা বানেবাত্তে আর তা ভিদিরে পাপীগুনোরে শেজ্ গুরিবাত্তে এজের্।

যিশাইয় 14:15

মাত্তর্ তরে মরণ জাগাত্ লামা ওইয়্যে, অয়, সে গাদ্‌তোত্ বেগত্তুন্ তলে জাগানত্ লামা ওইয়্যে। ‌‌

যিশাইয় 23:9

তার বেক্ দেমাগ্‌কানে ভস্ত গুরিবাত্তে আর পিত্‌থিমীর নাঙ-গোজ্যে মানুচ্চুনোরে তলে ফেলেবাত্তে বেগত্তুন্ খেমতাবলা লগেপ্রভু এ পরিকল্পনাগান গোজ্যে।

যিশাইয় 24:21

সেদিন্যে লগেপ্রভু আগাজ উগুরে বেগত্তুন্ খেমতাবলাগুনোরে সাজা দিবো, আর পিত্‌থিমীত্ রাজাগুনোরে সাজা দিবো।‌‌

যিশাইয় 24:4

পিত্‌থিমীগান ন-লোজ্যে ওই যেবঅ; সংসারান্ শুগেই যেবঅ আর ন-লোজ্যে অবঅ আর পিত্‌‌থিমীর সর্মান পেইয়্যে মানুচ্চুনে আমক্ অবাক্।

যিশাইয় 40:23

তে রাজাগুনোরে খেমতানেইয়্যে গরে আর এ সংসারর্ শাজন্‌গুরিয়্যেগুনোরে বাজে জিনিজো ধোক্ক্যেন গরে।

যিশাইয় 42:15

মুই মুড়ো-মুড়িগুন গাজ্-বাজ্ নেইয়্যে গুরিম আর সেই জাগানর বেক্ গাজ্-বাজ‌্‌চুন শুগেই ফেলেম; মুই গাঙানিরে দ্বীপ বানেম্ আর পুয়োরুনোরে শুগেই ফেলেম্।

যিশাইয় 5:15

অজল্-নিযো বেক্কুনোরে লোঙেই দিয়্যে অবঅ, আর বাড়্‌বো গুরিয়্যেগুনোর্ চোগ্‌কুন তলে লামেই দিয়্যে অবঅ।‌

যিশাইয় 61:2

যেন মুই লগেপ্রভুর দোয়্যে দেগেবার সময়োর কধা আর আমা গোজেনর্ হেনা সুজিবার দিনোর কধা ফগদাং গুরি পারং আর যিগুনে আবিলেচ্ গোজ্যন তারারে বুঝেই পারং;

যিরমিয় 12:9

মঅ সোম্বোত্তিগান মইধু অদ্ভূদ রংয়র শিগেরী পেগো ধোক্ক্যেন ওইয়্যে, যিবেরে অন্য শিগেরী পেগ্‌কুনে ঘিরিনে আক্রমণ গোজ্যন্। তুই যেইনে বেক্ ঝার্‌‌‌‌বো য়েমানুনোরে এগত্তর্ গুরিনে আন যেন তারা হেই পান। ‌

যিরমিয় 13:9

মুই লগেপ্রভু এ কধাগান কঙর্, এবাবোত্যেগুরি মুই যিহূদার বাড়্‌বো গরানা আর যিরূশালেমর অমকদ বাড়্‌বো গরানাগান্ ভস্ত গুরি দিম।

যিরমিয় 30:7

হায়, সে দিন্নো কি দর্‌গরেপারা! সেবাবোত্যে আর কনদিন্‌অ ন-অবঅ। সেক্কে অবঅ যাকোবর্ দুঘোর্ সময়, মাত্তর্ সিয়োত্তুন তারে উদ্ধোর্ গরা অবঅ।‍‍

যিরমিয় 46:10

মাত্তর্ সেই দিনুন অলঅ বেগত্তুন্ খেমতাবলা প্রভু লগেপ্রভুর দিন। সে দিন্নো অলঅ তা শত্রুগুনো উগুরে হেনা সুজিবার দিন। তলোয়ারর ঈল্ ন-অনা সং, তা লো-গানর্ তিরেস্ ন-পানা সং গ্রাস গরা ধুরিবো; কিত্তে উত্তোরেদি দেজত্, ইউফ্রেটিস গাঙ পাড়ত্ বেগত্তুন্ খেমতাবলা প্রভু লগেপ্রভু উৎসর্বর অনুষ্ঠান গুরিবো।

যিরমিয় 50:31

মুই বেগত্তুন্ খেমতাবলা প্রভু লগেপ্রভু কঙর্, ও বাড়্‌‌বোগুরিয়্যে, চাহ্, মুই তঅ বিরুদ্ধে, কিত্তে তর্ সাজা পেবার সময় এচ্চ্যে।‌‌

যিহিষ্কেল 13:5

তারা ইস্রায়েল জাদর্ দেবাল ফাদানি তালি দিবাত্তে সিদু ন-উদোন্ যেনে লগেপ্রভুর দিনোত্ যুদ্ধোর্ সময়োত্ সিয়েন দরমরগুরি থিয়্যেই থেই পারে।

দানিয়েল 4:37

ইক্কিনে মুই নবূখদ্‌নিৎসর সেই স্বর্গ রাজারে নাঙ্ গিনোং, সর্মান গরং আর বাঈনী গরং, কিত্যে তে যিয়েনি গরে সিয়েনি ঠিগ্, আর তার বেক্ পথ্‌‌‌‌‌তানি ন্যায়ে ভর্‌‌‌‌‌পুনং। যিগুনে বাড়্‌বো গুরিনে চলন তারারে তে তলেদি ফেলেই পারে।

আমোষ 5:18

অভিশাব্ পোড়োক্ তমার! তুমি দঅ নরম ওইনে লগেপ্রভুর দিন দেগিবাত্তে চর্! কিত্তে তুমি সেদিন্নোর্ আজা গরর্? তমা ইধু সেদিন্নো পহ্‌‌‌র নয় মাত্তর্ আন্ধার অবঅ।

মীখা 2:3

সেনত্তে লগেপ্রভু কত্তে, “তমা বিরুদ্ধে মুই অমংগলর পরিকল্পনা গোজ্যং যিয়েনত্তুন্ তুমি নিজোরে রোক্ষ্যে গুরি ন-পারিবা। তুমি আর বাড়্‌বো গুরিনে ন-চলিবা, কিত্যে সময়ান অবঅ দযার্।

মীখা 5:11

তঅ দেজর্ শঅরানি মুই ভস্ত গুরি দিম আর তর্ বেক তাম্বুলানি ভাঙি দিম।

সফনিয় 1:16

সিবে অবঅ দেবাল্ ঘিজ্যে বেক্ শঅরানির্ বিরুদ্ধে আর কোণার্ বেক অজল্ চুগিদার-ঘরর বিরুদ্ধে শিঙে রঅ আর যুদ্ধোর্ ডাগনির দিন।

সফনিয় 3:11

তুই মঅ উগুরে যেদক্কানি অন্যেয় গোজ্যস্ সিয়েনত্তে তুই সেদিন্যে লাজত্ ন-পড়িবে, কিত্যে এ শঅরানত্তুন্ মুই বেক্ অহংকারী আর বাড়্‌‌বো গোজ্যে মানুচ্চুনোরে নিগিলেই দিম্। মর্ সুদ্ধো-সাংগ মুড়োবো উগুরে তুই আর কনদিন্‌অ বাড়্‌বো ন-গুরিবে।

মালাখি 4:1

বেগত্তুন্ খেমতাবলা লগেপ্রভু কত্তে, চঅ, সেদিন্নো এজের্, সিবে চুলো আগুনো ধোক্ক্যেন জুলিবো। সেদিন্যে বেক্ বাড়্‌বো গোজ্যে মানুচ্চুন আর অন্যেয়গুরিয়্যেগুনে নাড়া ধোক্ক্যেন্ অবাক্ আর পুড়ি যেবাক্। এক্কান শিঙোর্ বা এক্কান ডেলায়ো বাগি ন-থেবাক্।‌‌‌‌‌‌

মালাখি 4:5

“চঅ, লগেপ্রভুর সেই মহৎ আর দর্‌গরেপারা দিন্নো এবার্ আগেদি মুই লগেপ্রভু তমা ইধু ভাববাদী এলিয়রে পাধেই দিম।

মথি লেখ্যে গম্ হবর্ 23:12

যে কেঅ নিজোরে অজল্ গরে তারে বাদি গরা অবঅ আর যে কেঅ বাদি গরে তারে অজল্ গরা অবঅ।

লূকে লেখ্যে গম্ হবর্ 14:11

যে নিজরে অজল্ গরে তারে তলে ফেলা অবঅ, আর যে নিজরে তলে গরে তারে অজলত্ তুলো অবঅ।”

১ করিন্হীয় 5:5

সেক্কে সেই মানুচ্চোরে শদান আঢত্ দি দিয়্যে পরিবো, যেন তা কিয়্যেগান ভস্ত অয় মাত্তর্ আত্মাগান প্রভু যীশুর্ এবার্ দিনোত্ উদ্ধোর্ পায়।

যাকোব 4:6

মাত্তর্ গোজেনর্ দোয়্যেগান আরঅ বেশ্। সেনত্যে বোইবোত্ লেগা আঘে, “গোজেনে বার্‌বো গুনোর্ বিরুদ্ধে থিয়্যেই, মাত্তর্ নম্রগুনোরে দোয়্যে গরে।”