যিশাইয় 19:3 - Chakma Bible

³ মিসরীয়গুনে মন বল্ আরেবাক্, আর মুই তারার সল্লাগান্ নিষ্ফল গুরি দিম্। তারা মূত্তি আর মরাগুনোর্ আত্মার্ ইধু, ভূদো ইধু, আর ভান্ন্যেই আত্মাগুনো সমারে মিজেয়্যে রোক্ক্যেগুরিয়্যেগুনো ইধু সল্লা চেবাক্।

যিশাইয় 19:3 Iomraidhean Croise

২ শমূয়েল 15:31

সেক্কে দায়ূদোরে কন্না কলঅ, “অবশালোম লগে কুজুরোমিগুরিয়্যে গুনোর ভিদিরে অহীথোফলেয়ো আঘে।” এ কধাগান শুনিনে দায়ূদ ইয়েন কোইনে তবনা গুরিলো, “ও লগেপ্রভু, তুই অহীথোফলর্‌ সল্লাগানরে ফোলেই ন-দিচ্।”

২ শমূয়েল 17:14

অবশালোম আর ইস্রায়েলর বেক্‌ মানুচ্চুনে কলাক্, “অহীথোফলর সল্লাগানিত্তুন্‌ অর্কীয় হূশয়র সল্লাগানি গম্‌।” আজলে অবশালোমর্‌ উগুরে ভস্তগান্ অানিবাত্তে লগেপ্রভু অহীথোফলর গম্‌ সল্লাগানরে বিফল গুরি দিবো বিলিনে ঠিগ্ গুরি রাগেয়্যে।

২ শমূয়েল 17:23

অহীথোফলে যেক্কে দেগিলো, তা সল্লা মজিম্‌ কাম গরা ন-অলঅ সেক্কে তে তা গাধাবো উগুরে গদিবো চাবিনে তা নিজো আদাম ঘরত্‌ গেলঅ। তা ঘরর্‌ বেক্কানি বেবস্থা গুরিনে তে গত্তনাত্‌ ধুরি বানিনে মুরিলো। তা বাব গোরবোত্‌ তারে গোর্ দিয়্যে অলঅ।

২ রাজাবলী 1:2

অহসিয় শমরিয়াত্‌ তা ঘরর্‌ উগুরে তালাত্‌ গুদিবোর্‌ জানালাবোন্দি তলে পড়িনে দুঘ্ পেইয়্যে। সেক্কে তে কয়েকজন মান্‌জ্যরে ইয়েন্‌ কোইনে পাধেই দিলো, “তুমি যেইনে ইক্রোণর দেবেদা বাল্‌-সবূবর ইদু পুযোর্‌ গরঅ, এ দুঘ্ পেয়্যেগানত্তুন্‌ মুই গম্‌ ওই পারিম্‌ নাকি।”

১ বংশধর 10:13

লগেপ্রভু উগুরে অবিশ্বেজি ওইয়্যে বিলিনে শৌল মুরি গেলঅ। তে লগেপ্রভুর কধানি মানি ন-চলে; এন্‌ কি, লগেপ্রভু ইত্তুন্‌ সল্লা ন-চেইনে তে বজং আত্মা সমারে মিজেয়্যে মান্‌জ্যত্তুন্‌ সল্লা নেযেয়্যে। সেনত্তে লগেপ্রভু তা মরণ ঘোদেল আর রেজ্যগান্‌ যিশয় পুয়ো দায়ূদ আদত্‌ তুলি দিলো।

গীতসংহিতা 107:27

মাত্তল ধোক্ক্যেন তারা আলে-উলে ঢুলি পড়িলাক্; তারা উজ্ আরা অলাক্।

গীতসংহিতা 33:10

বেক্ জাদ্‌তুনোর সল্লাগানি লগেপ্রভুই অকেজো গুরি দে; তারার্ চিদে চজ্জানি তেয়ই বিফল গুরি দে।

গীতসংহিতা 76:12

শাজন্‌গুরিয়্যেগুনোর সাহস্‌ছানি তেয়ই দোঙেই দে; পিত্‌থিমীর রাজাগুনে তারে দরান্।

গম্ উপদেজ্ 21:30

কনঅ জ্ঞান, কনঅ বুদ্ধি বা কনঅ পরিকল্পনা লগেপ্রভুর বিরুদ্ধে যেই ন-পারে।

যিশাইয় 14:27

বেগত্তুন্ খেমতাবলা লগেপ্রভু ইয়েনি ঠিগ্ গোজ্যে, সেনত্তে কন্না সিয়েন বিফল গুরি দি পারে? তা আঢ্‌তান বাবেইয়্যে আঘে, কন্না সিয়েন গুজেই রাগে দি পারে?‌‌

যিশাইয় 15:2

মোয়াব মানুচ্চুনে কানিবাত্তে দীবোন মন্দিরোত্ আর পূজোর অজল্ জাগানত্ উদি যেয়োন। তারা নবো আর মেদবাত্তে আবিলেচ্ গত্তন্। তারার বেক্কুনোর্ মাঢাগুন্ মুড়ো ওইয়্যে আর দাড়িগানিয়ো কাবা ওইয়্যে।

যিশাইয় 19:1

মিসর দেজ্‌ছান পৌইদ্যেনে লগেপ্রভুর কধা ইয়েন:‌‌ চঅ, লগেপ্রভু এক্কান যাদিমাদি যাইদে মেঘত্ গুরিনে মিসর দেজত্ এজের্। তা মুজুঙোত্ মিসর মূত্তিগুন্ গির্‌গিরেবাক্, আর মিসরীয়গুনো মনত্ সাহস ন-থেবঅ।‌‌

যিশাইয় 44:25

ভন্ড ভাবভাদীগুনোর্ চিহ্নোগানি মুই বিফল গুরি দুয়োং আর গণক্ক্যেগুনোরে ভুল-বেদমা বানাং। মুই জ্ঞানীগুনোর শিক্ষ্যেগানি বিফল গুরিনে সিয়েনি ভুল-বেদমাগুনোর্ শিক্ষ্যে বানাং।‌

যিশাইয় 47:12

“যেদক্কানি যাদুবিদ্যে আর মন্ত্রতন্ত্রত্তে তুই চিগোনত্তুন্ ধুরি কাম্ গরর্ সিয়েনি তুই চালেই যাহ্। অয়ত তুই সফল অবে, অয়ত তুই দর্ দেগেই পারিবে।

যিশাইয় 57:16

মুই উমরত্তে মান্‌জ্যরে দুষি ন-গুরিম বা মঅ রাগ্‌কান নিত্য তারা উগুরে ন-থেবঅ। যুনি থায় সালে মানুচ্, যে মানুচ্চোরে মুই বানেয়োং তারা দঅ মঅ মুজুঙোত্ শেজ্ ওই যেবাক্।

যিশাইয় 8:19

মান্‌জ্যে যেক্কে তমারে সেই মানুচ্চুনো ইদু যেবাত্তে কন্ যিগুনে মরা আর ভান্ন্যেই আত্মাগুনো লগে মিজেইনে ফুজু ফুজু আর বিড়্‌বিড়্‌ গরন্, সেক্কে তমার্ কি গোজেন ইদু যানা উজিত্ নয়? যিগুনে জেদা আগন্ তারার্ ওইনে কিত্তে মরাগুনো সমারে সল্লা গুরিবাত্তে যেবা?

যিরমিয় 46:15

তমা যোদ্ধাগুনে কিত্তে উদিই যেবাক্? তারা থিয়্যেই ন-পারিবাক্, কিত্তে লগেপ্রভু তারারে ঠিলিনে তলে ফেলেব।

যিহিষ্কেল 21:7

তারা যেক্কে তরে পুযোর্ গুরিবাক্, ‘কিত্তে ভঅ নিজেস্ ফেলর্?’ তুই কবে, ‘যে হবরান্ এজের্ সিয়েনত্তে ভঅ নিজেস্ ফেলাঙর্। সে অক্তত্ বেক্কুনোর মনানি গুলি যেবঅ আর বেক্কুনোর আঢ্‌‌‌‌‌‌তানি ন-লুরিবো; বেক্কুনোর মনানি ভাঙিবো আর বেক্কুনোর আঢুগুন্ বল্‌‌‌‌‌‌পোজ্যে ওই যেবাক্। প্রভু লগেপ্রভু কোইয়্যেদে, সিয়েনি এজের্; সিয়েনি অবদে অবঅ।’”

যিহিষ্কেল 22:14

মুই যেদিন্যে তত্তুন্ ইজেব নিম্ সেদিন্যে কি তর্ সাহস থেবঅ? তঅ আঢত্ কি জোর্ থেবঅ? মুই লগেপ্রভু এ কধাগান কলুং আর মুই সিয়েন হামাক্কায় গুরিম।

দানিয়েল 1:20

জ্ঞান আর বুদ্ধির পৌইদ্যেনে পত্তি পৌইদ্যেনে রাজা তারারে পুযোর্ গুরিনে বুঝি পারিলো যে, তারা তা গদা রেজ্যগানি ভিদিরে বেক্ যাদুগুরিয়্যে আর ভূতোর্ ওঝাগুনোত্তুন্ দশগুন গম্।

দানিয়েল 2:2

তা স্ববনান্ বুঝেই দিবাত্তে তে যাদুগুরিয়্যে, ভূদো ওঝা, গোণেয়্যে আর জ্যেতিষীগুনোরে ডাগিলো। তারা এইনে রাজার্ মুজুঙোত্ থিয়্যেলাক্।

দানিয়েল 5:7

সেক্কে রাজা রঅ ছাড়ি ছাড়ি ডাগিনে ভূদো ওঝা, জ্যোতিষী আর গোণোক্ক্যেগুনোরে আনিবাত্তে কলঅ। তে বাবিলর সেই সল্লাদিয়্যেগুনোরে কোইয়্যেদে, “যে কনজনে এই লেগাগান মাদেইনে সিয়েনর ভেদ্‌তান্ মরে কোই দি পারিবো তারে বিগুনো কাবড় উরেই দিয়্যে অবঅ আর গত্তনাবোত্ সনার নেগেলেচ্ দিয়্যে অবঅ আর তারে রেজ্যর তিনজন রাজা ভিদিরে একজনর্ পোজিশন্ দিয়্যে অবঅ ।”

১ শমূয়েল 25:37

বেন্যেমাদান্ যেক্কে নাবলর্‌ মাত্তল্‌ ছাড়িলো সেক্কে তা মোক্কো তারে বেক্‌ কধানি জানেল। সেক্কে নাবলর্ মনান্‌ যেন ভাঙি গেলঅ আর তে পাত্তর্‌ ধোক্ক্যেন্‌ দরঅ ওই গেলঅ।