যিশাইয় 19:25 - Chakma Bible

²⁵ বেগত্তুন্ খেমতাবলা লগেপ্রভু তারারে ইয়েন কোইনে বর্ দিবো, “মঅ মানুচ্চুনে মিসর, মঅ আঢে বানেয়্যে আসিরিয়া আর মর্ অধিকার ইস্রায়েলে বর্‌‌‌পেইয়্যে ওক্‌।”

যিশাইয় 19:25 Iomraidhean Croise

গীতসংহিতা 100:3

তুমি হরব পঅ লগেপ্রভুই গোজেন। তেয়ই আমারে বানেয়্যে, আমি তার্; আমি তার্ মানুচ্, তার চোরেয়্যে ভেড়া।

গীতসংহিতা 115:15

লগেপ্রভু, যিবে স্বর্গ আর পিত্‌থিমীগান বানেয়্যে, তে তমারে বর্ দোক্।

গীতসংহিতা 138:8

লগেপ্রভু মত্তে যিয়েন ঠিগ্ গুরি রাগেয়্যে সিয়েন পূরোণ গুরিবো। ও লগেপ্রভু, তর্ কোচ্‌পানাগান জনমত্তে থিদেবর্ গোজ্যে; তুই নিজো আঢে যে কামানি গোজ্যস্ সিয়েনি থুম্ গর্।

যিশাইয় 19:24

সেদিন্যে মিসর, আসিরিয়া আর ইস্রায়েল মিলিনে এক্কো দল অবাক্ আর তারা অবাক্ পিত্‌থিমীগান ইধু এক্কো বর্‌পেইয়্যে।

যিশাইয় 27:13

সেদিন্যে এক্কো দাঙর্ শিংগা বাঁজিবো। সেক্কে যিগুনে আসিরিয়া দেজত্ ভস্ত ওই যাদন্ আর যিগুনোরে মিসর দেজত্ ধাবেই দিয়্যে ওইয়্যে তারা এবাক্ আর যিরূশালেমর্ পবিত্র মুড়োবোত্ লগেপ্রভুর্ উবোসনা গুরিবাক্।

যিশাইয় 29:23

যেক্কে তারা তারা ভিদিরে মঅ আঢ কামানি, অত্তাৎ তারার্ ঝি-পুয়োগুনোরে দেগিবাক্ সেক্কে তারা মরে পবিত্র বিলিনে মানিবাক্। যাকোবর্ সেই পবিত্র মানুচ্চোরে তারা পবিত্র বিলি স্বিগের্ গুরিবাক্ আর ইস্রায়েলর্ গোজেনরে ভোক্তিগুরিনে দোরেবাক্।

যিশাইয় 45:11

“লগেপ্রভু, যিবে ইস্রায়েলর সেই সুদ্ধো-সাংগ মানুচ্, যিবে তারে বানেয়্যে, তে এ কধাগান কোইয়্যে, ‘তুমি কি আগাম্ ঘটনা পৌইদ্যেনে মরে পুযোর্ গরর্? মঅ পুয়ো-ছাগুনো পৌইদ্যেনে বা মঅ আঢ কামানি পৌইদ্যেনে কি মরে উগুম্ দুয়োর্?

যিশাইয় 45:14

লগেপ্রভু ইস্রায়েল জাদরে কত্তে, “মিসরর পেইয়্যে সোম্বোত্তিগানি আর কূশর বেবসার পযাপিরানি তইদু এবঅ। লাম্বা লাম্বা সবায়ীয়গুনে নিজে তইদু এবাক্; তারা তর্ অবাক্ আর তঅ পিজে পিজে আঢিবাক্। তারা শিগোল্লোই বান্যে অবস্থায় তইদু এবাক্। তারা তঅ মুজুঙোত্ মাদিত্ মাঢা নিগিরিনে কোজোলি গুরিনে কবাক্, ‘গোজেনে ঘেচ্চেকগুরি তমা সমারে আঘে। বানা এক্কো তেয়ই গোজেন, আর কনঅ গোজেন নেই।’ ”

যিশাইয় 60:21

সেক্কে তর্ বেক মানুচ্চুনে গম্ অবাক্; তারা উমরত্তে দেজ্‌‌‌চান গজক্ গুরিবাক্।‌‌ তারা মর্ লাগেয়্যে চারা, মর্ আঢ কাম; তারার মাধ্যমে মর্ সয়সাগজ্যে কামানি ফগদাং অবঅ।

যিশাইয় 61:9

জাদ্‌‍‌‍তুনো ভিদিরে তারার বংশধরুনে আর মানুচ্চুনো ভিদিরে পুয়ো-ছাগুন নাঙ্ গোজ্যে অবাক্। যিগুনে তারারে দেগিবাক্ তারা বেক্কুনে বুঝি পারিবাক্, ইগুনে সেই জাদ্ যিগুনোরে লগেপ্রভু বর্ দিয়্যে।”

যিশাইয় 63:17

ও লগেপ্রভু, তঅ পথ্‌তান ছাড়িনে কিত্তে আমারে ঘুরি ঘুরি বেড়েবাত্তে দুয়োর্? আমি যেন তরে ভোক্তিবলা ন-দোরেই সেনত্তে কিত্তে তুই আমা মনানি দরমর গরর্? তঅ চাগরুনোত্তে, অত্তাৎ যে গুট্টিগুন তর্ অধিকার, তারাত্তে তুই ফিরি আয়।‌

যিশাইয় 64:8

তো, ও লগেপ্রভু, তুয়ই আমার বাপ। মাদি মাদি, তুই কুমোর্; আমি বেক্কুনে তঅ আঢর্ কাম।

যিশাইয় 65:23

তারার্ কামানি মিজে ন-অবঅ আর তারার্ পুয়ো-ছাগুনে দজাত্ ন-পুরিবাক্, কিত্তে তারা আর তারার্ পুয়ো-ছাগুনে লগেপ্রভুর বর্ পেইয়্যে মানুচ্ অবাক্।

যিরমিয় 10:16

যিবে যাকোবর্ পাওনার ভাগ্ তে ইগুনো ধোক্ক্যেন নয়, কিত্তে তে বেক্ জিনিস্‌‍‍চানি বানেয়্যে আর ইস্রায়েলে তার বিশেষ সোম্বোত্তি। তা নাঙান বেগত্তুন খেমতাবলা লগেপ্রভু।

যিরমিয় 2:7

মুই তমারে এক্কান বোল্‌বোল্যে দেজত্ আন্যং যেন তুমি সিদুগোর্ গুলোগুলি আর গম্ গম্ জিনিস হেই পার; মাত্তর্ তুমি এইনে মঅ দেজ্‌‍‍ছানরে অসিজি গোজ্য, মর্ অধিকারানরে ঈচ্ গরেদে জিনিস গোজ্য।

হোশেয় 2:23

মত্তেই মুই তারে দেজত্ বিজ ধোক্ক্যেন গুরি গেজেম্; মুই যিবেরে কোইয়োং, ‘মঅ দোয়্যের মানুচ্ নয়,’ তারে মুই দোয়্যে গুরিম। মুই যিগুনোরে কোইয়োং, ‘মঅ মানুচ্ নয়,’ তারারে মুই কোম, ‘তুমি মঅ মানুচ্’; আর তারা কবাক্, ‘তুয়ই আমা গোজেন।’ ”

সখরিয় 8:13

ও যিহূদা আর ইস্রায়েল, বেক্ জাদর্ মানুচ্চুনে আগে তমা নাঙানি অভিশাব্ ইজেবে বেবহার গুরিদাক্, মাত্তর্ ইক্কিনে মুই তমারে উদ্ধোর্ গুরিম আর তারা তমা নাঙানি আশিদ্‌‌বাদ ইজেবে বেবহার গুরিবাক্। তুমি ন-দোরেয়ো, বরং দরমর অ।

গণাণা 24:1

বিলিয়মে যেক্কে দেগিলো, ইস্রায়েলীয়গুনোরে আশিদ্‌বাদ গরানা লগেপ্রভুর্‌ আওজ্ আঘে সেক্কে তে অন্য বার ধোক্ক্যেন যাদুমন্ত্রর্ সাহায্য নিবার্‌ চেট্ট্যা ন-গুরিলো। তে ধূল্যেচর-চাগালা ইন্দি তার্‌ মুয়োন্‌ ফিরেল।

গণাণা 6:24

লগেপ্রভু তরে বর্ দোক্ আরঅ রোক্ষে গোরোক্‌;

গণাণা 6:27

“এবাবোত্যেগুরি তারা ইস্রায়েলীয়গুনো উগুরে মর্‌ নাঙান্‌ কুয়ো ধুরিবাক্, সেক্কে মুয়ই তারারে বর্ দিম।”

রোমীয় 3:29

গোজেনে কি সালে বানা যিহূদীগুনোর্, অযিহূদীগুনোর নয়? অয়, ঘেচ্চেকগুরি তে অযিহূদীগুনোর্‌অ গোজেন,

গালাতীয় 6:15

চুনু মাঢা কাবানা বা ন-কাবানার্ কনঅ দাম নেই, খ্রীষ্টর্ মাধ্যমে নুয়ো সৃট্টি ওইনে উদোনা অলঅ দাঙর্ কধা।

ইফিষীয় 1:3

আমা প্রভু যীশু খ্রীষ্টর্ বাপ্পো আর গোজেনর্ বাঈনী ওক্। আমি খ্রীষ্ট সমারে মিজেয়্যেই বিলি স্বর্গর্ পত্তি আত্মিক আশিদ্‌‌বাদ গোজেনে আমারে দান গোজ্জ্যে।

ইফিষীয় 2:10

আমি গোজেনর্ আঢ্‌তোই বানেইয়্যে। গোজেনে খ্রীষ্ট যীশুর্ সমারে এগত্তর্ গুরিনে আমারে নুয়ো গুরিনে বানেয়্যে যেনে আমি গম কাম্ গুরিই। এ গম্ কামানি তে আগে ঠিগ্ গুরি থোইয়্যে, যেন আমি সিয়েনি গুরিনে জিংকানি কাদেই।

দ্বি’লম্বর বিররণ 32:9

লগেপ্রভুর পাওনা ভাগই অলঅ তার মানুচ্চুন; যাকোব, অয়, ইস্রায়েল জাদ্‌তো অলঅ তার পাওনা সোম্বোত্তি।

ফিলিপীয় 1:6

মর্ এ বিশ্বেজ্‌‌চান আঘে, তমা অন্তরত্ যিবে গম্ কাম গুরিবাত্যে আরাম্ভ গোজ্জ্যে তে খ্রীষ্ট যীশুর্ এবার্ দিন্নো সং সিয়েন চালেইনে থুম্ গুরিবো।

১ পিতর 2:10

এক সময়োত্ তুমি গোজেনর্ মানুচ্‌ ন-এলা, মাত্তর্ ইক্কিনে ওইয়ো; এক সময়োত্ তুমি দোয়্যে ন-পঅ, মাত্তর্ ইক্কিনে পেইয়ো।