যিশাইয় 19:12 - Chakma Bible

¹² তর্ জ্ঞানী মানুচ্চুন্ ইক্কিনে কুদু? মিসর বিরুদ্ধে বেগত্তুন্ খেমতাবলা লগেপ্রভু যিয়েনি ঠিগ্ গোজ্যে সিয়েনি তারা নিজে জানদোক্ আর তরে কোদোক্।

যিশাইয় 19:12 Iomraidhean Croise

যিশাইয় 14:24

বেগত্তুন্ খেমতাবলা লগেপ্রভু শমক্ গুরি কোইয়্যেদে, “ঘেচ্চেকগুরি, মুই যেবাবোত্যেগুরি ঠিগ্ গোজ্যং সেবাবোত্যেগুরি ঘুদিবো, আর সিয়েন থির্ থেবঅ।

যিশাইয় 44:7

সালে মঅ ধোক্ক্যেন আর কন্না আঘে? তে সিয়েন ফগদাং গোরোক্। তে ফগদাং গোরোক আর মরে হোক্, মুই আগ দিনো মানুচ্চুনোরে থিদেবর্ গরানার্ পরেদি কি ঘোট্যে আর কি এজঅ সং ন-ঘদে; অয়, যিয়েন ঘুদিবো তে সিয়েন আগে হোক্।

যিশাইয় 5:21

অভিশাব্ পোড়োক্ সেই মানুচ্চুনোর্, যিগুনে নিজো চোগেদি জ্ঞানবলা আর নিজোরে বুদ্ধিবলা বিলিনে মনে গরন্।

যিরমিয় 2:28

ও যিহূদা, তুই নিজোত্তে যে দেবদাগুন বানেয়োচ্ তারা সেক্কে কুদু থান্? যেক্কে তুই দজাত্ পড়চ্ সেক্কে যুনি তারা তরে উদ্ধোর গুরি পারন্ সালে তারা এত্তোক্, কিত্তে তর্ যেদক্কানি শঅর্ আঘে সিদুক্কুন দেবেদায়ো আগন্।”

ওবদিয় 1:8

লগেপ্রভু কত্তে, সেদিন্যে মুই কি ইদোমর জ্ঞানী মানুচ্চুনোরে আর এষৌর মুড়োগুনোত্তুন্ বুদ্ধিবলা মানুচ্চুনোরে ভস্ত ন-গুরিম?

রোমীয় 9:17

পবিত্র বোইবোত্ গোজেনে ফরৌণরে এ কধাগান্ কোইয়্যে, “মুই তরে রাজা বানেয়োং যেন তঅ উগুরে মর্ বেবহারর্ মাধ্যমে মঅ খেমতাগান্ দেগেই পারং আর গোদা পিত্‌থিমীয়ানত্ মঅ নাঙান্ ফগদাং অয়।”

১ করিন্হীয় 1:20

মাত্তর্ জ্ঞানী মানুচ্‌ কুধু? পন্ডিত্ মানুচ্ বা কুধু? আর যিবের্ তর্ক গুরিবার খেমতা আঘে এ যুগোর্ সেবাবোত্যে মানুচ্ বা কুধু? এ জগদর্ জ্ঞানান্ যে বানা মূর্খতা সিয়েন কি গোজেনে ন-দেগায়?

বিচের গুরিয়্যেগুন 9:38

সেক্কে সবূলে তারে কলঅ্, “ইক্কিনে কুদু গেলঅ তর্‌ সেই দাঙর দাঙর কধানি? তুই কোইয়োছ্‌, ‘অবীমেলকে কন্না, আমি তা তলেন্দি থেবং?’ এই বেক মানুচ্চুনোরে দঅ তুই অলেগন্‌ গোজ্যচ্‌। ইক্কিনে নিগিলি এইনে তারার লগে যুদ্ধো গর্‌।”