যিশাইয় 19:1 - Chakma Bible

¹ মিসর দেজ্‌ছান পৌইদ্যেনে লগেপ্রভুর কধা ইয়েন:‌‌ চঅ, লগেপ্রভু এক্কান যাদিমাদি যাইদে মেঘত্ গুরিনে মিসর দেজত্ এজের্। তা মুজুঙোত্ মিসর মূত্তিগুন্ গির্‌গিরেবাক্, আর মিসরীয়গুনো মনত্ সাহস ন-থেবঅ।‌‌

যিশাইয় 19:1 Iomraidhean Croise

গীতসংহিতা 104:3

তর্ স্বর্গর থেবার জাগানর গড়াগান্ তুই দেবাবো পানিগান উগুরে থিদেবর্ গোজ্যস্; তুই মেঘ্‌কানরে গোজ্যস্ তর্ রথ; তুই বোইয়্যের ডুয়োগানিলোই ভর্ গুরিনে আঢাউদো গরচ্।

গীতসংহিতা 104:34

মর্ ধ্যান গরানা তাইদু মধুর ওক্; মুই লগেপ্রভুর লগে এগত্তর্ ওইনে ফুত্তি গুরিম।

গীতসংহিতা 18:9

তে আগাজ্‌ছান বেঈনে লামি এলঅ; তা টেঙ তলে এলদে ঘুর্‌গুজ্যে আন্ধার্ মেঘ।

গীতসংহিতা 68:4

গোজেনর নাঙে গীদ্ গঅ, তার নাঙ্ গিনেদে-গীদ্ গঅ; ধূল্যেচর-চাগালান্দি যিবে রদথ্ চড়িনে এজের্ তাত্তে অজল্ পথ যুক্কোল্ গরঅ; তা নাঙান্ লগেপ্রভু, তা মুজুঙোত্ ফুত্তি গরঅ।

যাত্রা 12:12

সেই রেদোত্ মুই মিসর দেজ ভিদিরেন্দি যেইম্‌ আর মান্‌জ্যর্‌ পত্তম পূয়োবো আহ্ য়েমানর্‌ পত্তম চেলা ছঅগুনোরে মারে ফেলেম। মুই মিসরর বেক্‌ দেব-দেবেদাগুনোরে সাজা দিম; মুই লগেপ্রভু।

যিশাইয় 13:1

আমোস পুয়ো যিশাইয় বাবিল পৌইদ্যেনে দর্শন পেইয়্যে।

যিশাইয় 13:7

সেনত্তে বেক্কুনোর্ আঢ্‌‌তানি গির্‌গিজ্যে ওই পুরিবো আর বেক্ মানুচ্চুনে সাহজ্ আরেবাক্।

যিশাইয় 19:16

সেদিন্যে মিসরীয়গুনে মিলে ধোক্ক্যেন অবাক্। তারা বিরুদ্ধে বেগত্তুন্ খেমতাবলা লগেপ্রভু আঢ্ তুলিবো আর সিয়েন দেগিনে তারা দরে গির্‌গিরেবাক্।‍

যিশাইয় 21:9

চঅ, জড়ায় জড়ায় ঘোড়া চালেয়্যে এজদন্।” সে পরেদি তে কবদে, “বাবিলোর পতন ওইয়্যে, পতন ওইয়্যে। তার বেক্ দেবেদাগুনোর মূত্তিগুন্ চুরমার ওইনে মাদিত্ পড়ি আগন্।”

যিরমিয় 25:19

এ বাদেয়ো মুই সিয়েন হাবেলুং মিসরর্ রাজা ফরৌণ আর তার রাজকর্মচারীগুনোরে, তা দেজর্ নেতাগুনোরে আর তার্ বেক মানুচ্চুনোরে;

যিরমিয় 4:13

চঅ, তে মেঘ ধোক্ক্যেন গুরি উজেই এজের্। তার রথ্‌‌তানি টুত্যে বোইয়্যের ধোক্ক্যেন এজের্ আর তার ঘোড়াগুন ধবাচিল পেগোত্তুন্‌অ জোরে দাবা দুয়োন্। হায়, হায়, আমি ভস্ত ওই গেলং!

যিরমিয় 44:8

তুমি যিয়েনত্ বজত্তি গুরিবাত্তে এচ্চ্য সেই মিসর দেজর্ দেব-দেবেদাগুনোর মূত্তিগুনো মুজুঙোত্ আগর্‌বাট্টি জ্বালেইনে কিত্তে তুমি মর্ রাগ্‌কানরে জাগেইয়ো? তুমি দঅ নিজোরে ভস্ত গুরিবা আর পিত্‌‍‌‌থিমির বেক্ জাদর্ মানুচ্চুনে তমারে ঘিনেবাক্ আর তমা নাঙানিলোই অভিশাব্ দিবাক্।

যিরমিয় 50:2

তুমি জাদ্‌‌‌‌তুনো ভিদিরে প্রচার আর ফগদাং গরঅ, বাবতাগান তুলি ধরঅ আর জানেই দুয়ো। কিচ্চু গুমুরোত্ ন-রাগেয়ো, বরং কঅ, অন্যগুনে বাবিলরে অধিকার গুরিবাক্; বেল দেবেদারে লাজত্ ফেলা অবঅ, মরোদক দেবেদাবোরে চুর্‌‌মার্ গরা অবঅ। বাবিল মূত্তিগুনোরে লাজত্ ফেলা অবঅ আর তার মূত্তিগুনোরে চুর্‌‌মার্ গরা অবঅ।

যিরমিয় 51:44

মুই বাবিল বেল দেবেদারে সাজা দিম্ আর তে যিয়েন গিল্যে সিয়েন তারে দিইনে ওগোলেম্। জাদ্‌‌‌‌তুনে আর তাইধু গঙার ধোক্ক্যেন ন-যেবাক্। বাবিল দেবালানঅ পড়ি যেবঅ।

যিহিষ্কেল 30:13

“‘মুই নোফর মূত্তিগুন ভস্ত গুরি ফেলেম, তার মূত্তিগুন শেজ্ গুরি দিম। মিসরত্ আর কনঅ শাজন্‌গুরিয়্যে ন-থেবাক্ আর দেজর্ বেক্কানিত্ মুই দর্‌‌‌বুগ্ ফুদেই দিম।

যোয়েল 3:19

মাত্তর্ মিসরান ভস্তর্ জাগা অবঅ আর ইদোমান ভস্ত ওই যেইয়্যে ধূল্যেচর-চাগালা অবঅ, কিত্যে যিহূদার মানুচ্চুনো উগুরে অত্যেচার গরা ওইয়্যে আর তারার্ দেজত্ নিদ্দুজির্ লো ঝরা ওইয়্যে।

নহূম 1:1

নীনবী পৌইদ্যেনে লগেপ্রভুর কধা। ইল্‌কোশ আদামর নহূমে যে দর্শনান্ পেইয়্যে সিয়েন ইয়েনত্ লেগা আঘে।

নহূম 1:3

লগেপ্রভু সহজে বেজার্ ন-অয় আর তে খেমতান্দি দাঙর্; দুষীরে তে সাজা ন-দিইনে ইরি ন-দে। তা পথ্‌‌‌তান তুট্ট্যেবোইয়্যের্ আর ঝড় ভিদিরে থায়, আর মেঘ্‌‌‌কান অলঅ তার টেঙর্ ধূল্যে।

সখরিয় 10:11

মুই দুঘো-সাগরর ভিদিরেদি যেম্ আর সাগরর তুবোলানরে দোঙেম্ আর সেক্কে য়্যেল্ গাঙর্ বেক গভীন্ জাগায়ানি শুগেই যেবঅ। আসিরিয়ার অহংকার ভাঙি দিয়্যে অবঅ আর মিসরর রাজলুদিক্কো দূর্ ওই যেবঅ।

সখরিয় 14:18

যুনি মিসরীয়গুনে ন-যান আর উবোসনাত্ ন-মিজেন্ সালে তারার্ দেজত্অ ঝড় ন-অবঅ। যিদুক্কুন জাদে চিগোন-ঘরর্ পরব পালেবাত্তে ন-যেবাক্ লগেপ্রভু তারা উগুরে যে ভানা আনিবো মিসরীয়গুনো উগুরে তে সেই একই ভানা আনিবো।

গণাণা 33:4

মিসরীয়গুনে সেক্কে তারার্‌ পত্তম পূঅগুনোরে গোর্ দেদন। লগেপ্রভু তারার্‌ পত্তম পূঅগুনোরে মারে ফেলেয়্যে আর তারার্‌ দেব-দেবেদাগুনোরে সাজা দিয়্যে।

দ্বি’লম্বর বিররণ 33:26

তে কোইয়্যেদে, “যিশুরূণর গোজেন ধোক্ক্যেন আর কনজন নেই। তর্‌ সাহায্যকারী অবাত্তে মেঘঅ উগুরে চড়িনে নিজোর মহিমায় তে আগাজ-পদেন্দি যায়।

যিহোশূয় 2:11

ইয়েনি শুনিনে আমা মনর্‌ বেক্‌ আজা-ভরসানি ফুরেই যেইয়্যে আর তমা দরে বেক্কুনে সাহস্‌ আরেই ফেলেয়োন্‌। তমা গোজেন লগেপ্রভু স্বর্গর আর পিত্‌থিমীর গোজেন।

যিহোশূয় 2:24

তারা যিহোশূয়রে কলাক্, “এ কধাগান ঠিগ্‌, লগেপ্রভু পুরো দেজ্‌চান আমা আদত্‌ তুলি দিয়্যে। আমা দরে সে জাগানর্‌ বেক্‌ মানুচ্চুনে এক্কুবারে মন্‌মরা ওই পোজ্যন্‌।”

ফগদাং পেইয়্যে 1:7

চঅ, তে মেঘ সমারে এজের্। পত্তিজনর্ চোগেদি তারে দেগিবাক্; যিগুনে তারে পেরেক্ মাজ্জ্যন্ তারায়ো দেগিবাক্ আর পিত্‌থিমীর বেক্‌ জাদ্‌তুনে তাত্যেই গুজুরি গুজুরি কানিবাক্। সিয়েনই ওক্‌, আমেন।