যিশাইয় 18:7 - Chakma Bible7 সে সময়োত্ বেগত্তুন্ খেমতাবলা লগেপ্রভু ইদু সেই লাম্বা আর নরম চামাড়ার্ জাদ্তুনো ইত্তুন্ বক্শিজ্ এবঅ। ইবে সেই জাদ্ যিবেরে কায়কুরে আর দূরো মানুচ্চুনে দরান্। ইবে সেই খেমতাবলা জাদ্ যে অন্যগুনোরে টেঙোই মাড়ে আর যিবের দেজ্ গাঙে-ছড়ালোই ভাগ্ গোজ্যে। সে জাদর্ বক্শিজ্চানি সিয়োন মুড়োবোত, বেগত্তুন্ খেমতাবলা লগেপ্রভুর থেবার্ জাগানত্ আনা অবঅ। Faic an caibideil |
যিশাইয় 18:7
17 Iomraidhean Croise
সেই দেজ্চান পানি উগুরেদি নল্লোই বানেয়্যে নোকোলোই দূত পাদায়। ও যাদিমাদি যেইয়্যে দূত্তুন, যে জাদ্তো লাম্বা আর নরম চামাড়াবলা, যে জাদ্তোরে কায়-কুরে আর দূরোর্ মানুচ্চুনে দরান্, যে খেমতাবলা জাদ্তো অন্যগুনোরে টেঙোই মাড়ে আর যিবের দেজ্চান গাঙে-ছড়ালোই ভাগ্গোজ্যে, তুমি তাইদু ফিরি যঅ।
লগেপ্রভু ইস্রায়েল জাদরে কত্তে, “মিসরর পেইয়্যে সোম্বোত্তিগানি আর কূশর বেবসার পযাপিরানি তইদু এবঅ। লাম্বা লাম্বা সবায়ীয়গুনে নিজে তইদু এবাক্; তারা তর্ অবাক্ আর তঅ পিজে পিজে আঢিবাক্। তারা শিগোল্লোই বান্যে অবস্থায় তইদু এবাক্। তারা তঅ মুজুঙোত্ মাদিত্ মাঢা নিগিরিনে কোজোলি গুরিনে কবাক্, ‘গোজেনে ঘেচ্চেকগুরি তমা সমারে আঘে। বানা এক্কো তেয়ই গোজেন, আর কনঅ গোজেন নেই।’ ”
Sanasan