যিশাইয় 18:2 - Chakma Bible

² সেই দেজ্‌‍‍‍চান পানি উগুরেদি নল্লোই বানেয়্যে নোকোলোই দূত পাদায়। ও যাদিমাদি যেইয়্যে দূত্‌তুন, যে জাদ্‌‍‍‍‍‍তো লাম্বা আর নরম চামাড়াবলা, যে জাদ্‌তোরে কায়-কুরে আর দূরোর্ মানুচ্চুনে দরান্, যে খেমতাবলা জাদ্‌‍‍‍‍‍তো অন্যগুনোরে টেঙোই মাড়ে আর যিবের দেজ্‌‍‍‍‍‍চান গাঙে-ছড়ালোই ভাগ্‌গোজ্যে, তুমি তাইদু ফিরি যঅ।‍‍

যিশাইয় 18:2 Iomraidhean Croise

২ বংশধর 14:9

পরেন্দি কূশ দেজর্‌ সেরহ দশ লাখ্‌ সৈন্য আর তিনশ রথ লোইনে যিহূদার মানুচ্চুনো বিরুদ্ধে নিগিলিনে মারেশা সং উজেই গেলঅ।

২ বংশধর 16:8

কূশীয় আর লূবীয়গুনোর কি ভালোক্কানি রথ আর ঘোড়াবাহিনী সুদ্ধো এক্কো দাঙর্‌ সৈন্যদল ন-এলঅ? মাত্তর্‌ তুই লগেপ্রভুর উগুরে বিশ্বেজ্‌ গোজ্যজ্‌ বিলিনে তে তঅ আঢত্‌ তারারে তুলি দিয়্যে।

ইয়োব 9:26

পাদল্‌ নোকো ধোক্ক্যেন্‌ সিয়েন্‌ যাদিমাদি যায়ই; সিয়েন্‌ ঈগল পেগে ছো মারেদে ধোক্ক্যেন্‌ যায়।

যাত্রা 2:3

মাত্তর্‌ যেক্কে তারে আর লুগেই রাগানা সম্ভব ন-অলঅ সেক্কে তে নল্‌লোই বুনিনে এক্কো ভের্‌বো বানেইনে সিয়েনত্‌ মাত্যেতেল্ আর আঢা লিবি দিলো আর পূয়োবোরে সে ভিদিরে থৈইনে সিবে নীল গাঙ পারত্‌ পানি সং মোধ্যে এক্কো নল বনত্‌ থৈ এলগোই।

যিশাইয় 18:7

সে সময়োত্ বেগত্তুন্ খেমতাবলা লগেপ্রভু ইদু সেই লাম্বা আর নরম চামাড়ার্ জাদ্‌‌‌তুনো ইত্তুন্ বক্‌‌শিজ্ এবঅ। ইবে সেই জাদ্ যিবেরে কায়কুরে আর দূরো মানুচ্চুনে দরান্। ইবে সেই খেমতাবলা জাদ্ যে অন্যগুনোরে টেঙোই মাড়ে আর যিবের দেজ্ গাঙে-ছড়ালোই ভাগ্ গোজ্যে। সে জাদর্ বক্‌‌‌শিজ্‌চানি সিয়োন মুড়োবোত, বেগত্তুন্ খেমতাবলা লগেপ্রভুর থেবার্ জাগানত্ আনা অবঅ।

যিরমিয় 49:14

মুই লগেপ্রভুত্তুন্ এ হবরান শুন্যং, এক্কো দূতোরে জাদ্‌‍তুনো ইধু পাদা ওইয়্যে। তে কোইয়্যেদে, “তুমি ইদোমানরে আক্রমণ গুরিবাত্তে এগত্তর্ অ। যুদ্ধো গুরিবাত্তে উদো।”

যিহিষ্কেল 30:9

সেদিন্যে আরামে থেইয়্যে কূশরে দর্ দেগেবাত্তে হবর্ কোইয়্যেগুনে মর্ উগুমে জাহাজত্ গুরিনে নিগিলি যেবাক্। মিসরর শেজ্ দিনোত্ কূশর্‌অ যন্ত্রণা অবঅ, কিত্যে সেদিন্নো তা উগুরেয়ো এবঅ।

ওবদিয় 1:1

ওবদিয়র দর্শন। ইদোম দেজর্ পৌইদ্যেনে প্রভু লগেপ্রভু এ বেক্ কধানি কোইয়্যে। আমি লগেপ্রভুত্তুন্ এক্কান হবর্ পেইয়্যেই। তে জাদ্‌‌‌‌‌তুনো ইধু এক্কো দূতোরে পাধেইনে এ কধাগান কবাত্তে কোইয়্যে, “উদো, আঢঅ আমি ইদোম বিরুদ্ধে যুদ্ধো গুরিবাত্তে যেই।”

হবক্‌‌‌‌কূক 1:7

তারারে দেগিনে মান্‌‌জ্যে অমকদ দরান্। তারা নিজেই নিজো সুদোমানি বানান্ আর কারঅ তলে থেবাত্তে ন-চান।

লূকে লেখ্যে গম্ হবর্ 10:19

চঅ, মুই তমারে সাপ আর বিছে উগুরে আঢি যেবার্ খেমতা দুয়োং আর তমা শত্রু শদানর্ বেক্ বলান উগুরেয়ো খেমতা দুয়োং। কনঅ কিজুয়ে তমারে ক্ষোতি ন-গুরিবো।