যিশাইয় 17:6 - Chakma Bible

⁶ তো কিজু শোজ্য পোজ্যে থেবঅ। যেবাবোত্যেগুরি জলপাই গাজ্‌চুন ঝাড়ানার্ পরেদি উগুরে ডেলাগুনোত্ দ্বিবে তিন্নো জলপাই থান্ আর যে ডেলাবোত্ বেশ্ গুরি গুলোগুলি ধরন সিয়োত্ চের্‌‍‍বো পাচ্চো গুলো থেই যান্, তারার্ অবস্থায়ো সেধোক্ক্যেন অবঅ।” ইস্রায়েলর গোজেন লগেপ্রভু এ কধাগান কোইয়্যে।

যিশাইয় 17:6 Iomraidhean Croise

১ রাজাবলী 19:18

মাত্তর্‌ ইস্রায়েলত্‌ মুই সাত আজার মান্‌জ্যরে ফেলে এচ্ছোং যিগুনে বাল দেবেদার মুজুঙোত্‌ আদু ন-পাদন্‌ আর তারে ন-চুমোন্‌।”

যিশাইয় 1:9

বেগত্তুন্ খেমতাবলা লগেপ্রভু আমাত্তে যুনি কয়েক জনরে জেদা ন-রাগেদ সালে আমা অবস্থা সদোম আর ঘমোরা শঅর ধোক্ক্যেন্ অদঅ।

যিশাইয় 10:22

ও ইস্রায়েল, যুনিয়ো তমা মানুচ্চুন্ সাগর পার ধূল্যেচর ধোক্ক্যেন্ তো বানা কয়েকজন মান্‌জ্যে ফিরি এবাক্। ইস্রায়েলত্তে ভস্ত অনাগান ঠিগ্ গরা আঘে আর সেই পেবার্ সাজাগান তারা উগুরে এবদে এবঅ।

যিশাইয় 24:13

জলপাই গাজ্‌চুন ঝাড়া অলে পরেদি আর আংগুর তুলোনার পরেদি যেধোক্ক্যেন গাজত্ কম ফল থান্, পিত্‌থিমীর জাদ্‌তুনোর অবস্থা সেধোক্ক্যেন অবঅ।

যিশাইয় 27:12

ও ইস্রায়েলীয়গুন্, সেদিন্যে বেঈ যেইয়্যে ইউফ্রেটিসত্তুন্ মিসরর্ শুগুনো গাঙান সং শোজ্য মারেদে ধোক্ক্যেন্ গুরি লগেপ্রভু তমারে মাড়িবো, আর এক এক গুরিনে তমারে এগত্তর্ গুরিবো।

যিরমিয় 4:27

লগেপ্রভু কোইয়্যেদে, “পুরো দেজ্‌‌‍চান ভস্ত ওই যেবঅ, যুনিয়ো মুই সিয়েন পুরোপুরি গুরিনে ভস্ত অবাত্তে ন-দিম্।‍

যিহিষ্কেল 39:29

তারা ইত্তুন্ মুই মর্ মুয়োন আর্ ফিরেই ন-রাগেম, কিত্যে ইস্রায়েলীয়গুনো উগুরে মুই মর্ আত্মাগান ঢালি দিম। মুই প্রভু লগেপ্রভু এ কধাগান কঙর্।”

ওবদিয় 1:5

“ইস্‌, কি দযাগান্ তত্তেই বাজ্জেই আঘে! যুনি চুরুনে তইদু এজন্, ডাগেত্তুনে এজন্ রেদোত্, মাত্তর্ তারার্ যেত্তমান আওজ্ বানা সেত্তমান তারা চুর্ গুরিবাক্। আংগুর তুলিবার মানুচ্চুনে যুনি তইদু এজন্ সালে তারা তত্তেই কিজু আংগুর থোই যেবাক্।

মীখা 7:1

কি দযা মর্! মুই ওইয়োংগে তা ধোক্ক্যেন যে বেক্ ফলুন পাড়ি নেযেবার পরেদি আংগুর তুলোদে আর অন্য ফল পাড়িবাত্তে যায়, মাত্তর্ সিদু হেবাত্তে কনঅ আংগুরোর্ থুপ্ নেই, কনঅ পত্তমে পাক্যে ডোমোর্‌অ নেই যিগুন্ মঅ পরাণানে চায়।

রোমীয় 11:26

আর এবাবোত্যেগুরি গোদা ইস্রায়েল জাদ্‌তো উদ্ধোর্ পেবঅ। পবিত্র বোইবোত্ লেঘা আঘে, সিয়োনত্তুন্ উদ্ধোর্ গুরিয়্যেবো এবঅ; তে যাকোব গুট্টির্ মানুচ্চুনো ভিদিরেত্তুন্ মঅ উগুরে ভোক্তি নেইয়্যেগান্ দূর্ গুরিবো।

রোমীয় 9:27

ভাববাদী যিশাইয় ইস্রায়েল জাদ পৌইদ্যেনে কোইয়্যে, “ইস্রায়েলীয়গুন্ যুনিয়ো জনেদি সাগর-পার কোরোলি ধোক্ক্যেন্ তো বানা সিগুনোর্ বিশেষ এক্কো ভাগে উদ্ধোর্ পেবাক্।

দ্বি’লম্বর বিররণ 4:27

লগেপ্রভু নানান্‌ জাদ ভিদিরে তমারে ছিদি দিবো আর যিগুনো ভিদিরে তে তমারে ধাবেই দিবো তমাত্তুন্‌ খুব কম্‌ মান্‌জ্যেয়ই তারা ভিদিরে বাঁজি থেবাক।

বিচের গুরিয়্যেগুন 8:2

জোবত্‌ তে তারারে কলঅ, “তমা তুলনায় মুই আর সেধোক্কেন্‌ কি গোজ্যং। ইফ্রয়িমে যে পোজ্যন্দে আংগুরুন কুড়েইনে আন্যে সিগুন কি অবিয়েষরর তুল্যে বেগ্‌ আংগুরুনোত্তুন বোউত্ গম্‌ নয়।