যিশাইয় 17:2 - Chakma Bible

² অরোয়েরর আদামানি মানুচ্চুনে ফেলেই যেবাক্; য়েমান পালে সিয়েনি গজক্ গুরিবাক্। তারা সিয়েনিত্ পড়ি থেবাক্; কনজনে তারারে দর্ বুগ্ ন-লাগেবাক্।

যিশাইয় 17:2 Iomraidhean Croise

ইয়োব 11:19

তুই ঘুমোত্‌ পড়িলে কনজনে তরে দর্‌ ন-লাগেব। বোউত্‌ মান্‌জ্যে তইদু দোয়্যে চেবাক্‌।

যিশাইয় 27:10

দেবাল্-ঘিজ্যে শঅরান্ মানুচ্ নেইয়্যে ওইয়্যে; সিয়েন ফেলেই যেইয়্যে জাগা আর ধূল্যেচর ধোক্ক্যেন ফেলেই যাহ্ ওইয়্যে। সিয়েনত্ গোরু ছঅ বেড়েবাক্ আর বুগ্‌গুরি থেবাক্; তারা গাজর্ বেক পাদানি হেই ফেলেবাক্।‌

যিশাইয় 5:17

সেক্কে ভেড়াগুনে নিজো খেদত্ যেধোক্ক্যেন্ গুরি চরন্ সেধোক্ক্যেন্ গুরি তাগোয়্যেগুনোর বেক্ ভস্ত ওইয়্যে জাগায়ানিত্ চড়িবাক্, আর বিদেশীগুনে সেই ভস্ত ওইয়্যে জাগায়ানি ভোগ্ গুরিবাক্।

যিশাইয় 7:21

সেদিন্যে যুনি কনজনে এক্কো মাদাম্ গোরু আর দ্বিবে ছাগল জেদা রাগান্ সালে সিগুনে এদক্ দুধ দিবাক্কে যে, তে দোইও হেই পারিবো। যিগুনে দেজত্ থেবাক্ তারা বেক্কুনে দোই আর মধু হেবাক্।

যিরমিয় 48:19

ও অরোয়েরর আদাম্মেগুন, তুমি পধ কায়-কুরে থিয়্যেইনে চঅ। ধেই যেইয়্যে মরদ আর মিলেগুনোরে পুযোর্ গরঅ, কি ওইয়্যে?

যিরমিয় 7:33

সে পরেদি এ মানুচ্চুনোর মরা কিয়্যেনি আগাজর পেক্কুনে আর পিত্‌থিমীর য়েমানুনোর হানা অবঅ আর সিগুনোরে ধাবেই দিবাত্তে কনজন ন-থেবাক্।‌‌‌

যিহিষ্কেল 25:5

মুই রব্বা শঅরানরে উট রাগেবার জাগা আর অম্মোন দেজছানরে ভেড়া জিরেবার জাগা বানেম। সেক্কে তুমি হবর্ পেবা, মুয়ই লগেপ্রভু।

যিহিষ্কেল 39:26

যেক্কে তারা তারার্ দেজত্ গমেডালে বজত্তি গুরিবাক্ আর কনজনে তারারে দর্‌‌বুক ন-দেগেবাক্ সেক্কে মঅ উগুরে অবিশ্বেজর্ কারনে তারার্ লাজ কধা তারা ভুলি যেবাক্।

মীখা 4:4

পত্তিজনে নিজোর্ নিজোর্ আংগুর লুদি আর ডোমোর্ গাজ তলে বুজিবাক্ আর কনজনে তারারে দর্‌‌‌‌বুক ন-লাগেবাক্, কারন বেগত্তুন্ খেমতাবলা লগেপ্রভু সে কধাগান কোইয়্যেদে।

সফনিয় 2:6

সাগর পাড়র্ চাগালাগান অবঅ চরেদে জাগা; সিয়েনত্ থেবাক্ গরগর্ গাত্ আর ভেড়ার্ ঘর।

গণাণা 32:34

গাদ-গুট্টির মানুচ্চুনে দীবোন, অটারোৎ, অরোয়ের,

দ্বি’লম্বর বিররণ 2:36

অর্ণোন কিঝিঙোর্‌ দুঝিত্‌ অরোয়র্‌ শঅর আর সে কিঝিঙো ভিদিরে আদামত্তুন্‌ আরাম্ভ গুরিনে গিলিয়দ সং এন্‌ কনঅ বোলী আদাম বা শঅর ন-রলঅ যিয়েন্‌ আমি জিদি নেযেই ন পারিই। আমা গোজেন লগেপ্রভু সিয়েনি বেক্কানি আমা আদত্‌ তুলি দিয়্যে।

দ্বি’লম্বর বিররণ 3:12

আমার্‌ অধিকার্‌ গোজ্যে জাগাত্তুন্‌ মুই সেক্কেনে অর্ণোন গাঙর্‌ ইদু অরোয়র শঅরর্‌ বারেন্দি উত্তোর মিক্কে চাগালাগান আর গিলিয়দর্‌ মুড়ো-মুড়ি চাগালার্‌ অদ্দেক্‌ আর সে জাগানর্‌ বেক্‌ আদামানি আর শঅরানি রূবেণ আর গাদ-গুট্টির মানুচ্চুনোরে দিলুং।