যিশাইয় 16:8 - Chakma Bible

⁸ হিষ্‌বোনর খেত্তানি আর সিব্‌মার আংগুর লুদিগানি শুগেই যেইয়্যে। জাদ্‌তুনোর শাজন্‌গুরিয়্যেগুনে গম্ গম্ আংগুর গাজ্ মাড়ি যেইয়োন; সিগুন একদিন যাসের সং যেইনে লুমিদাক্ আর ধূল্যেচর-চাগালান্দি ছিদি যেদাক্। সিয়েনির লুদিগানি আরঅ ছিদি পড়িনে বড়গাঙ্ পার ওই যেইয়্যে।

যিশাইয় 16:8 Iomraidhean Croise

২ শমূয়েল 1:21

ও গিল্‌বোয়োর্‌ মুড়োমুড়িগুন, তমা উগুরে শিরোপানি বা ঝড় ন-পোড়োক্‌, তমা ভিদিরে বোলি শোজ্য খেদ্‌‌অ ন-থোক্‌; কিত্যে সিয়োদোই দঅ বীরমানুচ্চুনোর ঢালানি অসর্মানিত ওইয়োন, শৌলর ঢালত্‌ আর তেল গুলোনা ন-অর্‌।

যিশাইয় 10:7

মাত্তর্ আসিরিয়ার উদ্দেশ্য সিয়েন নয়, তা পরিকল্পানাগান অন্য বাবোত্যে; তা উদ্দেশ্যগান্ ভস্ত গরানা আর ভালোক্ জাদরে শেজ্ গুরি দেনা।

যিশাইয় 15:4

হিষ্‌বোন আর ইলিয়ালী কানের্; তারার মুয়ো রগুন্ যহস সং শুনো যার্। সেনত্তে মোয়াবর্ সৈন্যগুনেয়ো কানদন্ আর তারার মনানি দরে গির্‌‌‌গিরের্।

যিশাইয় 16:9

সেনত্তে মুই যাসের ধোক্ক্যেন সিব্‌মার আংগুর লুদিগানত্তে কানঙর্। ও হিষ্‌বোন, ও ইলিয়ালী, মুই চোগো পানিয়ে তমারে ভিজেম্। পাগানা ফল আর খেত্-খেত্তিগানি কাবিবাত্তে তমা হুজির্ রঅ ছাড়ানা থামেই দিয়্যে ওইয়্যে।‍

যিশাইয় 24:7

নুয়ো আংগুর-রস ন-থেবঅ আর আংগুর লুদিগানি শুগেই যেবঅ; যিগুনে রঙ্গ-ফুত্তি গরন্ তারা বেক্কুনে দুঘে ভঅ নিজেস্ ফেলেবাক্।

যিরমিয় 48:32

ও সিব্‌মার আংগুর লদা, মুই যাসেরত্তে যেবাবোত্যে কানিম্ তাত্তুন্‌অ বেশ্ তত্তে কানিম্। তঅ ডেলাগুন সাগর পাড়্‌‌‌‌‌‌‌সং ছিদি যেইয়োন; সিগুন যাসের সাগর পাড় সং লুম্মোন্দোই। মাত্তর্ তঅ হরান্যের্ ফল আর আংগুর উগুরে ভস্তগুরিয়্যেগুনে এই যেইয়োন।

গণাণা 21:32

মোশি যাসর শঅরত্‌ চর্ পাধেই দেনার পরেদি ইস্রায়েলীয়গুনে সেই শঅরর্‌ কায়-কুরে আদামানি গজক্ গুরি নিলাক আর সেই জাগানর্‌ ইমোরীয়গুনোরে ধাবেই দিলাক্।

গণাণা 32:3

“অটারোৎ, দীবোন, যাসের, নিম্রা, হিষ্‌বোন, ইলিয়ালী, সেবাম, নবো আর বিয়োন নাঙে যেদক্কানি জাগা লগেপ্রভু ইস্রায়েলীয়গুনোর্‌ অধীনোত্‌ আন্যে সে জাগায়ানি য়েমান্‌ পালেবাত্তে অমহদ দোল্‌, আর তর্‌ এই চাগরুনোরঅ য়েমানপাল আগন্‌।

গণাণা 32:35

অট্‌রোৎ-শোফন, যাসের, যগ্‌বিহ,

যিহোশূয় 13:19

কিরিয়াথয়িম, সিব্‌মা, কিজিঙো ভিদিরে মুড়ো-মুড়ি উগুরে সেরৎ-শঅ‌রান্‌,