যিশাইয় 16:2 - Chakma Bible

² পেগো বাহ্‌‌‌ত্তুন ঠিলিনে নিগিলেই দিলে পেগে যেবাবোত্যেগুরি ইন্দি উন্দি ঘুরি বেড়ায় সেবাবোত্যেগুরি মোয়াব মানুচ্চুনে অর্ণোন গাঙান্ আঢিনে পার্ অইদ্যে জাগানত্ ঘুরি বেড়েবাক্।

যিশাইয় 16:2 Iomraidhean Croise

২ রাজাবলী 3:4

মোয়াবর রাজা মেশারর্ ভালোক্কুন্‌ ভেড়া ছাগল এলাক্‌। তে ইস্রায়েলর রাজারে কর্‌ ইজেবে এক লাখ্‌ ভেড়া ছাগলর ছঅ আর এক লাখ্‌ ভেড়া ছাগল কেশ্‌ দিদো।

গম্ উপদেজ্ 26:2

চোড়োই বা খঞ্জন পেগে যেধোক্ক্যেন্ গুরি ইন্দি উন্দি উড়ি উড়ি বেড়ায়, সেধোক্ক্যেন এনেবাদে দিয়্যে অভিশাব্‌অ লামি ন-এজে।

গম্ উপদেজ্ 27:8

পেগো বাহ্ ইরি দিয়্যে ঘুরি বেড়েয়্যে পেক্কো যেধোক্ক্যেন্, ঘর্ ইরি দিয়্যে ঘুরি বেড়েয়্যে মানুচ্চোয়ো সেধোক্ক্যেন্।

যিশাইয় 13:14

শিগের্ গুরিবাত্তে লড়া হেইয়্যে উরিঙো ধোক্ক্যেন্, গরক্ বাদে ভেড়া ধোক্ক্যেন্ পত্তিজনে তার নিজো মানুচ্চুনো ইদু ফিরি যেবাক্, পত্তিজনে তার্ নিজো দেজত্ ধেই যেবাক্।

যিরমিয় 48:20

মোয়াবে অগমান ওইয়্যে, কিত্তে তে চুরমার ওইয়্যে। তুমি আবিলেচ্ গরঅ আর কানঅ। অর্ণোন গাঙ পারত্ এ কধাগান ফগদাং গরঅ, মোয়াব ভস্ত ওই যেইয়্যে।

যিরমিয় 48:46

ও মোয়াব, অভিশাব্ পোড়োক্ তর্ ! কমোশর মানুচ্চুন ভস্ত ওই যেইয়োন; তঅ পুয়োগুনোরে দূর দেজত্ বন্দী ইজেবে নেযা ওইয়্যে আর তঅ ঝিগুনোরে বন্দী গরা ওইয়্যে।

যিরমিয় 48:9

মোয়াব্‌‌‍‍‍‍পানরে ডুয়ো দো যেন তে উড়িনে ধেই যেই পারে; তা শঅরানি মানুচ্ নেইয়্যে অবাক্, সিয়েনিত্ কনজনে বজত্তি ন-গুরিবাক্।”

গণাণা 21:29

হায় মোয়াব! ও কমোশ দেবেদার মানুচ্চুন, তুমি ভস্ত ওই যেইয়ো। কমোশর পূঅগুনে ধেই যেইয়োন আর মিলেগুনে ইমোরীয়গুনোর রাজা সীহোনর বন্দিনী ওইয়োন।

দ্বি’লম্বর বিররণ 2:36

অর্ণোন কিঝিঙোর্‌ দুঝিত্‌ অরোয়র্‌ শঅর আর সে কিঝিঙো ভিদিরে আদামত্তুন্‌ আরাম্ভ গুরিনে গিলিয়দ সং এন্‌ কনঅ বোলী আদাম বা শঅর ন-রলঅ যিয়েন্‌ আমি জিদি নেযেই ন পারিই। আমা গোজেন লগেপ্রভু সিয়েনি বেক্কানি আমা আদত্‌ তুলি দিয়্যে।

দ্বি’লম্বর বিররণ 3:12

আমার্‌ অধিকার্‌ গোজ্যে জাগাত্তুন্‌ মুই সেক্কেনে অর্ণোন গাঙর্‌ ইদু অরোয়র শঅরর্‌ বারেন্দি উত্তোর মিক্কে চাগালাগান আর গিলিয়দর্‌ মুড়ো-মুড়ি চাগালার্‌ অদ্দেক্‌ আর সে জাগানর্‌ বেক্‌ আদামানি আর শঅরানি রূবেণ আর গাদ-গুট্টির মানুচ্চুনোরে দিলুং।

দ্বি’লম্বর বিররণ 3:8

সে অক্তত্‌ আমি অর্ণোন গাঙত্তুন্‌ হর্মোণ মুড়োবো সং যর্দন গাঙর্‌ পূগেন্দি চাগালাগান এ দ্বিজন ইমোরীয় রাজার্‌ আদত্তুন্‌ লোই নেযেয়োং।

বিচের গুরিয়্যেগুন 11:18

সে পরেন্দি তারা ধূল্যে-চর চাগালার ভিদিরেন্দি যেইনে ইদোম আর মোয়াব দেজ্‌চান ঘুরিনে মোয়াব দেজর পূগেন্দি যেইনে অর্ণোন গাঙর্‌ উই পারন্দি তাম্বুলান ফেলেয়োন। তারা মোয়াব দেজত্‌ ন-চমন্‌, কিয়া অর্ণোন গাঙান্‌ এলদে মোয়াব দেজর ধুজি।