যিশাইয় 16:10 - Chakma Bible

¹⁰ ফল বাগানানিত্তুন্ ফুত্তি আর হুজির ভাব্‌পান দূর্ গরা ওইয়্যে। আংগুর-খেদত্ আর কনজনে গান বা রঅ ন-ছাড়ে, আর আংগুর মাড়েদে জাগানত্ কনজনে মাড়িনে রস ন-নিগিলেন, কিত্তে সে রঅ ছাড়ানাগান বন্দ গুরি দিয়্যে ওইয়্যে।

যিশাইয় 16:10 Iomraidhean Croise

ইয়োব 24:11

তারা বাগানত্ মিশিন্দোই জলপাইয়োর তেলান নিগিলেন; তারা পানি তিরেস্ পেই পেই আংগুর মারন্।

যিশাইয় 24:11

পধে পধে আংগুর-রসত্তে রঅ ছাড়ি উদিবাক্। বেক্ রঙ্গ-ফুত্তিগানির বদলে দুঘ্ অবঅ, আর পিত্‌থিমীত্তুন্ বেক্ রঙ্গ-ফুত্তিগানি দূর্ ওই যেবঅ।‌

যিশাইয় 32:10

ও চিদে-চজ্জা নেইয়্যে মিলেগুন্, এক বজরত্তুন্ কিজু বেশ্ সময় অলে পরেদি তুমি দরে গির্‌‌গিরেবা, কিত্তে আংগুরুন বর্‌বাত ওই যেবাক্, ফল পাড়িবার সময় ন-এবঅ।

যিরমিয় 48:33

মোয়াবর ফলর্ বাগান, অত্তাৎ মোয়াব দেজত্তুন্ ফুত্তি আর হুজির্ ভাব যেইয়্যেগোই। মুই আংগুর মাড়েদে জাগানত্তুন্ আংগুর-রসর গঙারান্ নাঢি দুয়োং; হুজিয়ে রাজিয়ে আর সিগুন কনজনে ন-মাড়ন। যুনিয়ো কিজিক্ কাজাক্ আঘে মাত্তর্ সিগুন হুজির্ রঅ নয়।

যিহিষ্কেল 7:7

তুমি যিগুনে দেজত্ বজত্তি গরর্ তমা উগুরে সর্বনাশ এজের্। সময় ওইয়্যে, দিন কাজেয়্যে; সেক্কে মুড়ো-মুড়ি উগুরে হুজির্ বদলে দর্‌‌‌‌গরেপারা কিজিক্ কাজাক্ অবঅ।

যোয়েল 1:12

আংগুর লুদি শুগেই যেইয়্যে আর ডোমোর্ গাজ মুরি যার্; ডালোম্, খাজোর্ আর আপেল গাজ, এন্ কি, খেদর্ বেক্ গাজ্‌‌চুন শুগেই যেইয়োন। ঘেচ্চেকগুরি মানুচ্চুনো ভিদিরেত্তুন হুজি রাজি ফুরেই যেইয়্যে।

আমোষ 5:11

তুমি নাঢাগুনোরে অত্যেচার গরঅ আর জোর্ গুরিনে তাত্তুন শোজ্য আদায় গরঅ। সেনত্তে তুমি যুনিয়ো পাত্তরর্ দাঙর্ দাঙর্ ঘর বানেই থাগ তো তুমি সিয়েনিত্ বজত্তি গুরি ন-পারিবা। যুনিয়ো তুমি দোল্ দোল্ আংগুর খেত্ গুরি থাগ তো তুমি সিয়েনর্ আংগুর রস হেই ন-পারিবা।

আমোষ 5:17

বেক্ আংগুর খেত্‌‌তানিত্ আবিলেচ্ গুরিবাক, কিত্যে মুই তমা ভিদিরেদি যেইম। মুই লগেপ্রভু এ কধাগান কঙর্।”

আমোষ 9:13

লগেপ্রভু আর কত্তে, “সে দিনুন্ এজের্ যেক্কে এদক্ শোজ্য জোর্মেবাক্ যে, সিগুন বেক্কুন কাবিবার আগে আরঅ চাষ গুরিবার সময় এবঅ আর এদক্ আংগুর অবাক্ যে, সিগুন বেক্কুন মাড়িবার আগেদি আরঅ ফসল লাগেবার সময় এবঅ। দাঙর্ দাঙর্ মুড়োগুনোত্তুন্ বোউত্ নূয়ো আংগুর-রস পাহ্ যেবঅ আর সিগুনে বেক চিগোন্ চিগোন্ মুড়োগুনোরে যেন ধোইনে নেযেব।

সফনিয় 1:13

তারার্ ধন-সোম্বোত্তিগানি লুদো অবঅ আর তারার্ ঘরানি ভস্ত অবঅ। তারা ঘর বানেবাক্ মাত্তর্ সিয়েনিত্ বজত্তি গুরি ন-পারিবাক্; তারা আংগুর খেত্ গুরিবাক্ মাত্তর্ আংগুর-রস হেই ন-পারিবাক্।”

বিচের গুরিয়্যেগুন 9:27

তারা নিজোর্‌ ক্ষেদত্‌ যেইনে আংগুর তুলিনে মাড়িলাক্‌ আর মেইত্‌বান গুরিলাক্‌। তারা তারার্‌ দেবেদার কিয়ঙত্‌ যেইনে খানা-দানা গুরি অবীমেলকরে অভিশাব্ দিলাক্‌।