যিশাইয় 15:5 - Chakma Bible

⁵ মোয়াবত্তে মঅ মনান কানের্; তা মানুচ্চুনে সোয়র ইন্দি ইগ্লৎ-শলিশীয়া সং ধেই যাদন্। তারা কানদে কানদে লূহীতোর মুড়োমুড়ি পথ্‌তানত্ উদি যাদন্; তারার জাগানি ভস্ত ওইয়্যে বিলিনে তারা আবিলেচ্ গত্তে গত্তে হোরণয়িমর পধেদি যাদন্।

যিশাইয় 15:5 Iomraidhean Croise

পত্থম 13:10

সেক্কে লোটে রিনি চেইনে দেগিলো যর্দনর্ বেক্ সংজাগানত্‌ বোউত্‌ পানি আঘে আর জাগায়ান্‌ চাদে পেরায় লগেপ্রভুর বাগান ধোক্ক্যেন, আর সিয়েন্‌ ন-অলেয়ো প্রায় সোয়রত্‌ যেবার পদত্‌ মিসর দেজছান ধোক্ক্যেন। সেক্কেয়ো লগেপ্রভু সদোম আর ঘমোরা শঅরান্‌ ভস্ত গুরি ন-ফেলায়।

পত্থম 14:2

এ চের্‌বো রাজা এক ওইনে একপল্লা সদোমর রাজা বিরা, ঘমোর রাজা বির্শা, অদ্‌মার রাজা শিনাব, সরোয়িমোর রাজা শিমেবর আর বিলার, অত্তাৎ সোয়র রাজার বিরুদ্ধে যুদ্ধো গুরিবাত্তে গেলাক্।

পত্থম 19:22

মাত্তর্‌ যাদিমাদি গুরি সিদু ধেই যাহ্। তুই সিদু ন-লুমোনা সং মুই কিচ্ছু গুরি ন-পারঙর্‌।” লোট কধালোই আদামান নাঙান্‌ অলঅ সোয়র (যিয়েনর্ ভেদ্‌‌তান্ “চিগোন্‌”)।

২ শমূয়েল 15:23

দায়ূদোর বেক্‌ মানুচ্চুন যেক্কে যাদন্‌ সেক্কে দেজর্‌ বেক্‌ মানুচ্চুনে গুজুরি গুজুরি কানা ধুরিলাক্। রাজা আর তার বেক্‌ মানুচ্চুনে কিদ্রোণ কলক্কান পার্ ওইনে ধূল্যেচর্‌ ইন্দি উজেই গেলাক্‌।

২ শমূয়েল 15:30

ইন্দি দায়ূদে কানদে কানদে জৈতুন মুড়োবো উগুরে উদো ধুরিলো। তে মাঢাবো ঢাগিনে জদা ছাড়া আঢের্‌। মানুচ্চুনেয়ো বেক্কুনে তা লগে মাধাগুন ঢাগিনে কানদে কানদে উগুরে উদো ধুরিলাক্।

যিশাইয় 16:14

মাত্তর্ ইক্কিনে লগেপ্রভু কোইয়্যেদে, “চুক্তি গোজ্যে চাগরে যেধোক্ক্যেন্ গুরি বজর্ গুণে সেধোক্ক্যেন গুরি ঠিগ্ তিন বজর ভিদিরে মোয়াবর্ সয়সাগোজ্যে আর তার বোউত্ মান্‌জ্যরে ঈচ্ গরা অবঅ আর বাঁজি থেইয়্যে মানুচ্চুন্ অবাক জনেদি কম্ আহ্ বলপোজ্যে।”

যিশাইয় 22:5

বেগত্তুন্ খেমতাবলা প্রভু লগেপ্রভুত্তুন্ দর্শন-কলগত্ অমকদ দর্‌গরেপারা, টেঙোই মাড়িবার আর যাগুলুগোর এক্কো দিন এচ্চ্যে। সিবে দেবালান্ ভাঙি ফেলেবার আর মুড়ো-মুড়ি ইদু কানিবার্ এক্কো দিন।‍‍

যিশাইয় 59:7

তারার্ টেঙানি পাপ ইন্দি দাবা দাবা যায়; তারা নিদ্দুযি মান্‌জ্যর লো ঝোরেবাত্তে যাদিমাদি যান্। তারার চিদে চজ্জানি বেক্কানি বজং আর তারার পথ্‌‍‌‌‌‌তানিত্ ভস্ত আর সর্বনাশ থায়।

যিরমিয় 13:17

তুমি যুনি কধা ন-শুনো সালে তমা বাড়্‌বোগানত্তে মুই গুমুরে গুমুরে কানিম্, জদবদে কানিম্ আর মঅ চোগ্‌কুন চোগো পানিয়ে ভাজি যেবাক্, কিত্তে লগেপ্রভুর মানুচ্চুনোরে বন্দী গুরি নেযা অবঅ।‌‍‍‍

যিরমিয় 17:16

তঅ মানুচ্চুনোর পালক অনাত্তুন মুই দঅ ধেই ন-যাং; তুই হবর্ পাজ্ মুই দজার্ দিন ন-চাং। মঅ মুয়োত্তুন যিয়েনি নিগিলি এজে সিয়েনি তত্তুন লুগেয়্যে নয়।

যিরমিয় 4:19

হায়, মর্ মনান, মর্ মনান্! মুই যন্ত্রনালোই মজরা হাঙর্। হায়, মর্ মনান! মঅ ভিদিরে মঅ মনান ধুক্ ধুক্ গরের্। মুই জুরো গুরি থেই ন-পারঙর্, কিত্তে মুই শিঙের রঅ শুন্যং, মুই যুদ্ধোর্ ডাগ শুন্যং।

যিরমিয় 4:20

দজার্ পর দজা এজের্; বেক্ দেজ্‌‌‌চান যেন ভস্ত ওই পড়ি আঘে। কানক্কণ্ ভিদিরে মর্ তাম্বুলো ঘরানি, এক মুহূত্তো ভিদিরে মঅ তাম্বুলো ঘরানির পর্দাগানি যেন ভস্ত ওই যার্।‌

যিরমিয় 48:3

হোরোণয়িমত্তুন্ কানানি রঅ শুনো, ভস্ত আর নাশ্ অবার্ কানানি।

যিরমিয় 48:5

লূহীত পধেদি উদি যেবার্ অক্তত্ মান্‌‌‍‍জ্যে অমকদ কানি কানি যেবাক্; যে পথ্‌‌‍‍তান হোরোণয়িমর ইন্দি লামি যেইয়্যে সিয়েনত্ ভস্ত অনাত্তে অমকদ মনত্ দুঘোর্ কানানি শুনো যেবঅ।

যিরমিয় 50:46

“বাবিলান গজক্ গরা ওইয়্যে,” এই কিজেগ রবোলোই পিত্‌‌থিমীগান গির্‌‌‌গিরেব; জাদ্‌তুনো ভিদিরে তা কানানার্ রবো শুনো যেবঅ।‌‌

যিরমিয় 9:10

মুড়োমুড়িগুনোত্তে মুই কানিম্ আর আবিলেচ্ গুরিম আর আবিলচ্ গুরিম ধূল্যেচর-চাগালার য়েমান চোড়েবার জাগানিত্তে। সিয়েনি ভস্ত ওই যেইয়্যে, সিয়েনত্ কনজনে যানা-এযানা ন-গরন্। য়েমান পালর ডাগনি আর শুনো ন-যায়। আগাজ পেগ্‌কুনে ধেই যেইয়োন আর এ্যামানুনে যেয়োন্দোই।‍

গণাণা 21:29

হায় মোয়াব! ও কমোশ দেবেদার মানুচ্চুন, তুমি ভস্ত ওই যেইয়ো। কমোশর পূঅগুনে ধেই যেইয়োন আর মিলেগুনে ইমোরীয়গুনোর রাজা সীহোনর বন্দিনী ওইয়োন।