Biblia Todo Logo
Bìoball air-loidhne

- Sanasan -




যিশাইয় 15:1 - Chakma Bible

1 মোয়াব পৌইদ্যেনে লগেপ্রভুর কধাগান ইয়েন: মোয়াব ভিদিরে আর্ নাঙে শঅরান্ আর মোয়াব ভিদিরে কীর শঅরান্ এক রেদো ভিদিরে ভস্ত ওই যেইয়্যে।

Faic an caibideil Dèan lethbhreac




যিশাইয় 15:1
20 Iomraidhean Croise  

তারা শঅরানি শেজ্‌ গুরি দিলাক্‌ আর পত্তিজনে পাত্তর্‌ মাত্তে মাত্তে বেক্‌ গম্‌ খেদ্‌তানি ঢাগি ফেলেলাক্‌। তারা পানির বেক্‌ পয়নালাগুন বানি দিলাক্‌ আর গম্‌ গম্‌ গাজ্‌ছুন বেক্কুন কাবি ফেলেলাক্। বানা কীর্‌-হরাসত শঅরান্‌ তারা ভস্ত গুরি ন-পারন্‌, সেনত্তে ফিংগা আঢত্‌ লোইনে সৈন্যগুনে সিয়েন্‌ ঘিরিনে আক্রমণ গুরিলাক্‌।


তারা পোজিমেদি পলেষ্টীয়গুনো দেজত্ সং জাগাত্ ছো মারিবাক্, তারা এক সমারে পূগেদি দেজ্‌চানি লুদেবাক্। তারা ইদোম আর মোয়াব গজক্ গুরি নেযেবাক্ আর অম্মোনীয়গুনে তারার্ তলেদি অবাক্।


আমোস পুয়ো যিশাইয় বাবিল পৌইদ্যেনে দর্শন পেইয়্যে।


যে বজরত্ রাজা আহসে মুরি যেইয়্যে সে বজরত্ যিশাইয় এ আগাম্ কধাগান পেইয়্যে।


মঅ মনান মোয়াবত্তে, মঅ ভিদিরেদিগান কীর্-হরসতত্তে বীণা ধোক্ক্যেন গুরি কানের্।


আমি মোয়াবর দেমাগর্ কধা শুন্ন্যেই, তে অমকদ দেমাগ্। তার বাড়্‌বো কধা, নিজোরে দাঙর্ গুরিবার কধা আর বেক দেমাগর্ কধানি শুন্ন্যেই, মাত্তর্ তার বেক বাড়্‌বো গরানাগানি মিজে।


সেনত্তে মোয়াবীয়গুনে তারার্ দেজত্তে একসমারে রঅ ছাড়ি ছাড়ি কানিবাক্, কীর্-হরসতর কিশমিশ পিঠেত্তে তুমি রঅ ছাড়ি ছাড়ি কানিবা আর আবিলেচ্ গুরিবা।


লগেপ্রভুর আঢ্‌‌তান এ মুড়োবো উগুরে থেবঅ। গবর সমারে যেধোক্ক্যেন্ হেরানি টেঙোই মাড়া অয় ঠিগ্ সেধোক্ক্যেন্ গুরি মোয়াবরেয়ো তে টেঙোই মাড়িবো।


তে মোয়াবর্ দেবাল অজল্ ঘরানি ভস্ত গুরিবো; তে সিয়েনি মাদিত্, এমন্ কি, ধূল্যেত্ মিজেই দিবো।


সীহোনর শঅর্‌ হিষ্‌বোনত্তুন্‌ আগুন্‌ নিগিলি এইনে মোয়াব দেজ্‌চান আর্‌ শঅরান্‌ পুড়ি দিলো আর অর্ণোন গাঙর্‌ ইদু উজু জাগানর আদাম্মেগুনোরে পুড়ি দিলো।


মাত্তর্‌ তুমি যেক্কে অম্মোনীয়গুনো ইদু যেইনে লুমিবা সেক্কে তারারে লবাদোস্যে ন গুরিবা বা যুদ্ধোর্‌ উচ্চোমি ন দিবা, কিত্যে অম্মোনীয়গুনোর্‌ দেজত্‌ কনঅ ভাগই মুই তমারে ন-দিম্‌। লোটোর বংশধরুনোরে মুই সিয়েন্‌ সোম্বোত্তি ইজেবে দিইনে রাগেয়োং।’”


সে পরেন্দি লগেপ্রভু মরে কলদে, ‘তুমি মোয়াবীয়গুনোরে তোস্যে ন লাগেয়ো বা যুদ্ধোর্‌ উচ্চোমি ন দুয়ো, কিত্যে তারার্‌ দেজর্‌ কনঅ ভাগই মুই তমারে ন দিম্‌। মুই সোম্বোত্তি ইজেবে আর্‌ শঅরান্‌ লোটোর বংশধরুনোরে দুয়োং।’”


Lean sinn:

Sanasan


Sanasan