যিশাইয় 14:9 - Chakma Bible

⁹ তুই মরণ জাগাত্ এচ্চোস্ বিলিনে মরণ জাগার মানুচ্চুনে তঅ লগে দেগা গুরিবাত্তে অমকদ মাঢা ঠিগ্ নেইয়্যে ওইয়োন্। সেনত্তে মরাগুনোর্ আত্মাগান উদের্ যেন তারা তঅ লগে দেগা গুরি পারন্। যিগুনে এ সংসারর্ নেতা এলাক্ তারা বেক্কুনে উঠ্যন্; যিগুনে জাদ্‌তুনো উগুরে রাজা এলাক্ তারা বেক্কুনে তারা সিংহাসনত্তুন্ উঠ্যন্।

যিশাইয় 14:9 Iomraidhean Croise

গম্ উপদেজ্ 15:24

বুদ্ধিবলা মান্‌জ্যর জিংকানির পথ্‌তানে তারে উগুরেদি নেযায়, আর সেক্কে তে তলেদি মরণ জাগাত্ যানাত্তুন্ রোক্ষ্যে পায়।

যিশাইয় 5:14

সেনত্তে মরন জাগায়ানে তা গত্তনার্ নালীবো পাদাজ্যে গোজ্যে, তা মুয়োন্ অমকদ দাঙর্ গুরিনে আ গোজ্যে। সর্মানি আর সাধারন মান্‌‌জ্যে, কোজ্যে বাজেয়্যে আর রঅ ছাড়িয়্যেগুনে বেক্কুনে সিয়েনত্ লামিবাক্।

যিরমিয় 50:8

ও ইস্রায়েলীয়গুন, তুমি বাবিলত্তুন্ ধেই যঅ; বাবিলীয়গুন দেজ্‌‌‍চান ছাড়ি যঅ আর পাল আগে আগে যেইয়্যে পাদাগুনো ধোক্ক্যেন্ অ।

যিহিষ্কেল 26:20

সেক্কেনে মুই তরে মরণ জাগাত যেইয়্যে মানুচ্চুনো সমারে পুরোনা দিনো মানুচ্চুনো ইধু তলে লামেই দিম। মুই তরে পিত্‌‌‌‌‌‌‌‌‌‌থিমীর গভীনোত্ পুরোনা দিনোর ভস্তওইয়্যে জাগানর সংমোধ্যে মরণ জাগাত্ যেইয়্যে মানুচ্চুনো সমারে বজত্তি গোরেম। তঅ ভিদিরে আর কনজনে বজত্তি ন-গুরিবাক্ আর জেদাগুনো দেজত্ তর্ জাগা ন-অবঅ।