যিশাইয় 14:32 - Chakma Bible

³² এ জাদর্ দূত্‌তুনোরে কি জোব্ দিয়্যে যেবঅ? তারারে কুয়ো অবঅ, “লগেপ্রভু সিয়োনানরে থিদেবর্ গোজ্যে আর সিয়েন ভিদিরে অত্যেচার্ ওইয়্যে তা মানুচ্চুনে আশ্রয় পেবাক্।”

যিশাইয় 14:32 Iomraidhean Croise

২ শমূয়েল 8:10

দায়ূদে হদদেষরর লগে যুদ্ধোত্‌ জিত্যে বিলিনে তারে ভালেদি জানেবাত্তে তয়ি তার পূঅ যোরামরে রাজা দায়ূদো ইদু পাধেই দিলো। এ হদদেষরর লগে তয়ির বোউত্‌ যুদ্ধো ওইয়্যে। যোরাম দায়ূদোত্তে লগে গুরিনে সোনা, রূবো আর পিদোলর জিনিস অানিলো।

গীতসংহিতা 102:16

লগেপ্রভু আরঅ সিয়োনানরে বানেব, আর তে নিজোর মহিমালোই দেগা দিবো।

গীতসংহিতা 102:28

তঅ চাগরুনোর পুয়ো-ছাগুনে বাঁজি থেবাক্; তারার বংশধরুনে তঅ মুজুঙোত্ থির্ গুরি থেবাক্।”

গীতসংহিতা 48:4

রাজাগুনে তারার্ সৈন্যদলুনোরে এগত্তর্ গুরিনে একসমারে উজেই গেলাক্;

গীতসংহিতা 87:1

লগেপ্রভু সুদ্ধো-সাংগ মুড়োবো উগুরে তা শঅরান্ থিদেবর্ গোজ্যে।

গীতসংহিতা 87:5

আর সিয়োন পৌইদ্যেনে কুয়ো অবঅ, “নানান্ জাদর মানুচ্ সিদু জর্মেয়োন; দাঙর্ গোজেনে নিজে সিয়োনানরে তুলি ধুরিবো।”

গম্ উপদেজ্ 18:10

লগেপ্রভুর দরমর ঘর ধোক্ক্যেন্; গোজেন ভক্ত মান্‌জ্যে সিয়েনত্ যেইনে রোক্ষ্যে পায়।

যিশাইয় 11:4

মাত্তর্ নাঢা মানুচ্চুনো উগুরে গম্ বিচের্ গুরিবো, আর পিত্‌থিমীর নাঢা মানুচ্চুনো পৌইদ্যেনে গমেডালে মীমাংসা গুরিবো।‌ লুদিগো ধোক্ক্যেন্ গুরি তে মুয়ো কধালোই পিত্‌‌থিমীগানরে আঘাত্ গুরিবো, আর পাজিগুনোরে মারে ফেলেব তা মুয়ো নিজেস্‌‌ছোই।

যিশাইয় 12:6

ও সিয়োন মানুচ্চুন্, তুমি দাঙর্ গুরিনে রঅ ছাড় আর হুজিয়ে গীদ্ গঅ, কিত্তে ইস্রায়েলর সেই পবিত্র মানুচ্চো তমা ভিদিরে দাঙর্।”

যিশাইয় 25:4

তুই দঅ নাঢা মানুচ্চুনোর ঘর্, অভাবীগুনোর দুঘ্ সময়োত্ ঘর, ঝড়ত্তুন্ রোক্ক্যে পেবার জাগা আর রোদো গরমত্তুন্ রোক্ক্যে পেবার ছাবা। দেবালত্ আঘাত গোজ্যে ঝড় আর ধূল্যেচর গরম ধোক্ক্যেন চিৎনপুজ্যেগুনোর নিজেসত্তুন্ তুই রোক্ক্যে গুরি থাচ্। তুই বিদেশীগুনোর কিজিক্ কাজাক্কানি থামেই দিবে। মেঘ ছাবাগানে যেবাবোত্যেগুরি গরমান কোমেই দে সেবাবোত্যেগুরি তুই চিৎনপুজ্যেগুনোর গানুন্ থামেই দিবে।

যিশাইয় 28:16

সেনত্তে প্রভু লগেপ্রভু এ কধাগান্ কোইয়্যেদে, “চঅ, মুই পোরোক্ক্যে গুরি নেযেয়্যে জদবদে মংগা এক্কান্ পাত্তর্ বেঈ নেযেয়োং; সিয়েন সিয়োনর গড়াগান্ কুনো পাত্তর্ ইজেবে গাড়েয়োং। যে কনজনে সিয়েন উগুরে বিশ্বেজ্ গরন্ তে নিত্যে থির্ থেবঅ।

যিশাইয় 29:19

নম্র মানুচ্চুনে আরঅ লগেপ্রভুরে দেগিনে হুজি অবাক্, আর যিগুনে অমকদ নাঢা তারা ইস্রায়েলর সেই পবিত্র মানুচ্চোরে নিইনে ফুত্তি গুরিবাক্।

যিশাইয় 37:32

বাঁজি থেইয়্যে মানুচ্চুনে যিরূশালেমত্তুন্ এবাক্ আর সিয়োন মুড়োবোত্তুন্ এবাক্ রোক্ষ্যে পেইয়্যে একদল মানুচ্। বেগত্তুন্ খেমতাবলা লগেপ্রভুর আওজ্‌‌‌চানে ইয়েনি গুরিবো।‌

যিশাইয় 37:9

আসিরিয়ার্ রাজা সন্‌হেরীবে হবর্ পেলঅ, কূশ দেজর্ রাজা তির্হকঃ তা বিরুদ্ধে যুদ্ধো গুরিবাত্তে নিগিল্যে। এ কধাগান শুনিনে তে হিষ্কিয় ইদু দূত্‌তুনোরে পাদেল। তে তারারে কলঅ,‍‍

যিশাইয় 39:1

এ অক্তত্ বাবিলোর রাজা বলদনর পুয়ো মরোদক-বলদনে হিষ্কিয়র অসুগ্ আর গম্ অবার্ হবরান শুনিনে তাইদু চিদি আর বক্‌‌‌‍শিজ্ পাধেই দিলো।

যিশাইয় 4:6

ইয়েন দিনো রোদ্‌তানত্তুন্ ছাবা পেবাত্তে এক্কান তাম্বুল্ আর ঝর্ বোইয়্যেরত্তুন্ রোক্ক্যে পেবাত্তে এক্কান আশ্রয়র্ জাগা অবঅ।‍‍‍‍‍‍

যিশাইয় 44:28

মুই কোরস পৌইদ্যেনে কঙর্, তে মর্ গরক্; মুই যেনে হুজি অং তে সিয়েনি বেক্কানি গুরিবো। তে যিরূশালেম পৌইদ্যেনে কবঅ, ‘সিয়েন আরঅ বানা ওক্,’ আর উবোসনা-ঘরান পৌইদ্যেনে কবঅ, ‘সিয়েনর্ গড়াগান্ থিদেবর্ গরা ওক্।’ ”

যিশাইয় 54:11

লগেপ্রভু কত্তে, ও ঝড়ে আঘাত্ পেইয়্যে, সান্তনা ন-পেইয়্যে অত্যেচার ওইয়্যে শঅরান্, মুই তরে জোল্‌‍‌‌জোল্যে পাত্তর্‌লোই বানেবাত্তে যাঙর্ আর তর্ গড়াগান নীলকান্ত মণিলোই গাড়েম্।

যিশাইয় 57:13

সাহায্যত্তে যেক্কে তুই কানিবে সেক্কে তর্ তুবেয়্যে মুত্তিগুনে তরে রোক্ষ্যে গোরোদোক্। বোইয়্যেরানে তারারে বেক্কুনোরে বুয়োই নেযেব; চিগোন এক্কো নিযেজে তারারে উড়েই নেযেব। মাত্তর্ যে মানুচ্চো মঅ আশ্রয় নেযায় তে দেজর্ আর মঅ সুদ্ধো-সাংগ মুড়োবোর অধিকার পেবঅ।”

যিহিষ্কেল 48:35

শঅর চেরোকিত্তে দেবাল মাব্‌‌পান অবঅ আদার আজার্ মাবেদে কাদি। সে অক্তত্তুন্ ধুরি শঅরানর্ নাঙ্ অবঅ, ‘লগেপ্রভু ইয়েনত্ আঘে।’ ”

সফনিয় 3:12

যিগুনে লগেপ্রভু উগুরে বিশ্বেজ্ গুরিনে সেবাবোত্যে নত আর নম্র মানুচ্চুনোরে মুই তইদু বাগি রাগেম্।

সখরিয় 11:11

সেদিন্যে সিবে বাতিল অলঅ, সেনত্তে পালর্ দুঘ্ পেইয়্যেগুনে যিগুনে মরে খিয়েল্ গোজ্যন্ তারা হবর্ পেলাক্, ইয়েনির মাধ্যমে লগেপ্রভু কধা কোইয়্যে।

সখরিয় 11:7

কাবিবাত্তে যে ভেড়া পাল্লো ঠিগ্ ওই আঘে, বিশেজ্ গুরিনে সেই পালর দুঘ্ পেইয়্যেগুনোরে মুই চরা ধুরিলুং। সে পরেদি মুই দ্বিবে লুদিক্ নিলুং আর সিগুনোর এক্কোর্ নাঙ্ দিলুং দোয়্যে আর অন্যবোর্ নাঙান্ দিলুং মিজেনা; আর মুই সেই ভেড়া পাল্লো চরা ধুরিলুং।

মথি লেখ্যে গম্ হবর্ 16:18

মুই তরে কঙর্, তুই পিতর, আর এ পাত্তর উগুরে মুই মর্ মন্ডলীবো গোড়েই তুলিম। নরগর্ কনঅ খেমতা সিবে উগুরে জিদি ন-পারিবো।

ইব্রীয় 11:10

কিয়া যে শঅ্‌রান্ উমরত্যে দরমর তে সেই শঅরানরে বাজ্জ্যেই রোইয়্যে। সেই শঅ্‌রানর্ নক্‌শা বানানা আর গাধেই তুলিবার কামান্ গোজেনে গোজ্জ্যে।

ইব্রীয় 12:22

তুমি দঅ সিয়োন মূড়োবো আর জেদা গোজেনর্ শঅর কায় কুরে এচ্চ্য। সেই শঅরান্ অলঅ স্বর্গর্ যিরূশালেম। তুমি আজার্ আজার্ স্বর্গদূতোর্ হুজির্ পরব ইধু এচ্চ্য;

যাকোব 2:5

মর্ কোচ্‌‌পেইয়্যে ভেইয়ুন্, শুনো। এই জগদর্ চোগেদি যিগুনে নাঢা মানুচ্, বিশ্বাজে তাগোয়্যে অবাত্যে গোজেনে কি তারারে বেঈ ন-লয়? যিগুনে গোজেনরে কোচ্‌পান সিগুনোরে তে যে রেজ্যগান দিবার্ এগেম্ গোজ্জ্যে সেই রেজ্যগানর্ অধিকারী অবাত্যে এই নাঢা মানুচ্চুনোরে কি তে বেঈ ন-লয়?