যিশাইয় 14:19 - Chakma Bible

¹⁹ মাত্তর্ তরে গাজর্ বাদ দিয়্যে ডেলা ধোক্ক্যেন্ গোর বারেদি ফেলেই দিয়্যে ওইয়্যে। তলোয়ার্‌লোই যিগুনোরে মারে ফেলেইনে গোরর্ বেগত্তুন্ তলে জাগানত্ পাদা ওইয়্যে তারা কিয়্যেগানিলোই তুই নাঢা যেইয়োচ্। তুই টেঙোই মাজ্যে মরাকিয়্যে ধোক্ক্যেন্ ওইয়োচ্।

যিশাইয় 14:19 Iomraidhean Croise

১ রাজাবলী 21:19

তুই তারে কঅ, লগেপ্রভু কত্তে, ‘তুই কি ইক্কো মান্‌জ্যরে মারে ফেলেইনে তা সোম্বোত্তিগানি গজক্ ন-গরচ্‌?’ সে পরেন্দি তারে কঅ, লগেপ্রভু কত্তে, ‘কুগুরুনে যিয়েনত্‌ নাবোতর্‌ লোগান লেইলেই হেইয়োন্‌ সিয়েনত্‌ তারা তঅ লোগান, অয় তর্‌ লোগান লেইলেই হেবাক্‌।’”

১ রাজাবলী 21:24

তর্‌ যিদুক্কুন্‌ মান্‌জ্যে শঅরত্‌ মুরিবাক্‌ তারারে কুগুরুনে হেবাক্‌ আর যিগুনে মাঢত্‌ মুরিবাক্‌ তারারে পেগে হেবাক্।’”

২ রাজাবলী 9:25

সেক্কে যেহূ তা লগে সেনাপতি বিদ্‌করকরে কলঅ, “তারে তুলি নেযেইনে যিষ্রিয়েলীয় নাবোতর ভূইয়ানত্‌ ফেলেই দে। মনত্‌ তুলি চাহ্, মুই আর তুই তা বাপ্পো আহাবর পিজেন্দি রথ্‌তানত্‌ গুরিনে যেক্কে যেইর্‌ সেক্কে লগেপ্রভু আহাবর বিরুদ্ধে এ কধাগান কোইয়্যে,

যিশাইয় 13:15

যিগুনোরে পাহ্ যেবঅ তারারে আত্যের্‌লোই গুলি গরা অবঅ; যিগুনোরে ধরা অবঅ তারা তলোয়ার্‌লোই মারা পড়িবাক্।

যিশাইয় 14:18

“জাদ্‌তুনোর বেক্ রাজাগুনে সর্মান সমারে যার্ যার্ গোরত্ পু‌‌‌ড়ি আগন্।

যিশাইয় 34:3

তারার্ মুরি যেইয়্যে মানুচ্চুনোরে বারেদি ফেলেই দিয়্যে অবঅ। তারার্ মরা কিয়্যেনিত্তুন্ পজাবাজ্ নিগিলিবো আর তারার্ লোগানিলোই মুড়ো-মুড়ি ধোই যেবঅ।

যিশাইয় 5:25

সেনত্তে লগেপ্রভুর রাগ্‌‌কান তা মানুচ্চুনো বিরুদ্ধে জুলি উঠ্যে; তে আঢ্ তুলিনে তারারে আঘাত্ গোজ্যে। মুড়ো-মুড়ি গির্‌‌গিরাদন্ আর মরাকিয়্যেনি পধত্ পেজা কুড়ো ধোক্ক্যেন্ পোজ্যে আঘে। ইয়েনর্ পরেদিয়ো তা রাগ্‌‌কান্ ন-থামায়, তে আঢ্ তুলি রাগেয়্যে।

যিরমিয় 16:6

এ দেজত্ চিগোন-দাঙর্ বেক্কুনে মুরি যেবাক্। কনজনে তারারে গোর্‌অ ন-দিবাক্, তারাত্তে আবিলেচ্অ ন-গুরিবাক্ আর কনজনে তারাত্তে নিজো কিয়্যেগান কাবাকাবিয়ো ন-গুরিবাক্, নিজোর মাঢাবোয়ো ন-মুড়েবাক্।

যিরমিয় 22:19

গাধারে যেবাবোত্যেগুরি গোর্ দিয়্যে অয় সেবাবোত্যেগুরি তারে গোর্ দিয়্যে অবঅ; তারে টানিনে যিরূশালেমর গেদো বারেদি ফেলেই দিয়্যে অবঅ।”

যিরমিয় 41:7

তারা শঅরত্ সমানা লগে লগে ইশ্মায়েল আর তা লগে মানুচ্চুনে সে মানুচ্চুনোরে মারে ফেলেইনে এক্কো কূয়ো ভিদিরে ফেলেই দিলাক্।

যিরমিয় 41:9

গদলিয় আর অন্যগুনোরে মারে ফেলেইনে যে কূয়োবো ভিদিরে তে তারার বেক্কুনোর মরাগুন ফেলেই দিয়্যে সিয়েন ইস্রায়েলর রাজা বাশা আঢত্তুন্ রোক্ষ্যে পেবাত্তে রাজা আসা যুক্কোল্ গোজ্যে। ইশ্মায়েলে সিবে মরালোই ভোরেই ফেলেল।

যিরমিয় 51:4

তারা বাবিল পধে পধে অমকদ আঘাত্ পেইনে মুরিনে পড়ি থেবাক্।

যিহিষ্কেল 32:23

তারার গোরান্ মরণ জাগার্ গভীনোত্ আঘে আর তার সৈন্যদলুন তা গোরানর্ চেরোকিত্তে পড়ি আগন্। জেদাগুনো দেজত্ যিগুনে দর্‌‌বুক ছোরেয়োন্ তারার বেক্কুনোরে যুদ্ধোত্ মারে ফেলা ওইয়্যে।

যিহিষ্কেল 32:27

তারা সুন্নত-ন-গোজ্যে অন্য যোদ্ধাগুনে সমারে পড়ি ন-থেবাক্। সেই যোদ্ধাগুনে তারার্ যুদ্ধোর্ আত্যেরানি নিইনে মরণ জাগাত্ লামি যেইয়োন, তারার তলোয়ারানি তারার্ মাঢাগুনো তলে রাগা ওইয়্যে আর তারার পাপর্ সাজা তারার আড়ুনো উগুরে আঘে। তারায়ো জেদাগুনো দেজত্ দর্‌‌‌বুক লাগেয়োন্।