যিশাইয় 14:15 - Chakma Bible

¹⁵ মাত্তর্ তরে মরণ জাগাত্ লামা ওইয়্যে, অয়, সে গাদ্‌তোত্ বেগত্তুন্ তলে জাগানত্ লামা ওইয়্যে। ‌‌

যিশাইয় 14:15 Iomraidhean Croise

যিশাইয় 14:16

যিগুনে তরে দেগন্ তারা তন্দি চেই থান্। তারা তঅ অবস্থাগান্ দেগিনে কন্, যে পিত্‌‌‌‌থিমীগানরে লাড়েদ আর রেজ্যগানিরে জাগেরেদ ইবে কি সেই মানুচ্চো?

যিশাইয় 2:11

বাড়্‌বো গোজ্যে মান্‌জ্যর রিনি চানাগান্ তলে গরা অবঅ আর বার্‌বোগান্ তলে লামা অবঅ। সেদিন্যে বানা লগেপ্রভুরে সর্মান গরা অবঅ।

যিশাইয় 2:12

বেগত্তুন্ খেমতাবলা লগেপ্রভু অহংকারী আহ্ বাড়্‌বো গোজ্যে মানুচ্চুনোরে আর যিগুনে গম্ পোজিশনত্ আগন্ বেক্কুনোত্তে এক্কো দিন ঠিগ্ গোজ্যে; সেদিন্যে তারারে বেক্কুনোরে তলে ফেলা অবঅ।

যিহিষ্কেল 31:14

সিয়েনত্তে পানি পার অন্য কনঅ গাজে অহংকারে অজল্ ন-অবঅ, তার মাঢাবো আগাজত্ ন-লুমিবো আর তে এদক্ অজলজত্‌অ ন-লুমিবো। তারা বেক্কুনে মান্‌‌‌‌জ্য ধোক্ক্যেন মরণর্ তলে; তারা পিত্‌‌‌‌থিমীর গভীনোত্, অত্তাৎ মরণ জাগাত্ লামিবাত্তে ঠিগ্ ওই আগন।

যিহিষ্কেল 31:16

মরা মানুচ্চুনো লগে মুই যেক্কে তারে মরণ জাগাত্ লামেই দিলুং সেক্কে তার পড়ি যানার্ রলোই জাদ্‌‌‌‌‌তুনে গির্‌‌‌‌‌গিরে উদিলাক্। সেক্কে এদনর্ বেক গাজ্‌‌‌‌‌চুন, লেবাননর্ বেঈ লোইয়্যে আর সেরা গাজ্‌‌‌‌‌চুন আর গমেডালে পানি পেইয়্যে বেক্ গাজ্‌‌‌‌‌চুন পিত্‌‌‌‌‌থিমীর গভীনোত্ সান্তনা পেলাক্।

যিহিষ্কেল 32:23

তারার গোরান্ মরণ জাগার্ গভীনোত্ আঘে আর তার সৈন্যদলুন তা গোরানর্ চেরোকিত্তে পড়ি আগন্। জেদাগুনো দেজত্ যিগুনে দর্‌‌বুক ছোরেয়োন্ তারার বেক্কুনোরে যুদ্ধোত্ মারে ফেলা ওইয়্যে।

ওবদিয় 1:3

তুই পাত্তরর্ মুড়ো ফাদা সেরে বজত্তি গর্ আর অজল্ অজল্ জাগাত্ থাগ্ আর মনে মনে কঅ, কন্না মরে মাদিত্ লামেই পারিবো? মাত্তর্ তঅ মনর্ অহংকারানে তরে ঠোগেয়্যে।

মথি লেখ্যে গম্ হবর্ 11:23

আর তুই কফরনাহূম! তুই নাকি স্বর্গয়ান সং অজলত্ উদিবে? কনদিন্অ নয়, তরে তলেদি নরগত্ ফেলেই দিয়্যে অবঅ। যেদক্কানি আমক্ অবার্ কাম্ তঅ ভিদিরে গরা ওইয়্যে সিয়েনি যুনি সদোম শঅরত্ গরা অদঅ সালে সদোমান্ এজঅ ঠিগি থেদঅ।

লূকে লেখ্যে গম্ হবর্ 10:15

আর তুই, কফরনাহূম, তুই নাহি স্বর্গয়ান সং অজলত্ উদিবে? কনদিন্অ নয়, তরে তলেদি নরগত্ ফেলেই দিয়্যে অবঅ।”

ফগদাং পেইয়্যে 19:20

সেই য়েমান্নোরে ধরা অলঅ আর যে ফক্কর্ ভাববাদীবো তার্ ওইনে আমক্ কাম গত্ত তারেয়ো ধরা অলঅ। যিগুনে সেই য়েমান্নোর্ চিহ্নোগান মানি লোইয়োন আর তা মূত্তিবোর পূজো গুরিদাক্ সেই ভন্ড ভাববাদীবো সেই আমক্ কামানিলোই তারারে ভুলেই রাগেয়্যে। জ্বোল্‌‌‌জোল্যে গন্ধক আগুনো হ্রদত্ জেদাবাদে এ দ্বিজনরে ফেলেই দিয়্যে অলঅ।