যিশাইয় 13:8 - Chakma Bible

⁸ তারা অমকদ দোরেবাক্, তারার্ পিড়ে আর অমকদ সুলোনি অবঅ, পুয়ো পুদোইদ্যে মিলে ধোক্ক্যেন্ তারা সুলোনিলোই কিয়্যে মুজুরিবাক্, তারা বুদ্ধি আরেইনে একজনে আর একজন ইদু রিনি চেবাক্ আর তারার্ মুয়োনি আগুনো জিলো ধোক্ক্যেন্ অবঅ।

যিশাইয় 13:8 Iomraidhean Croise

২ রাজাবলী 19:26

সিদুগোর্‌ মানুচ্চুনে বল্‌নেইয়্যে ওইয়োন্‌ আর অমকদ দোরেয়োন্‌ আহ্ লাজ্‌ পেইয়োন্‌। তারা ক্ষেদ ঘাস ধোক্ক্যেন, লাগেয়্যে য়েল্‌ চারা ধোক্ক্যেন, চাল উগুরে উঠ্যেদে ঘাস ধোক্ক্যেন যিয়েনি দাঙর্‌ অবার্‌ আগেন্দি শুগেই যায়।

গীতসংহিতা 48:7

যেধোক্ক্যেন্ গুরিনে জোরে পূগো বোই্য়্যেরলোই তে দাঙর্ দাঙর্ তর্শীশ-জাহাজছানি ভাঙি ফেলেয়্যে, সেধোক্ক্যেন্ গুরিনে তে তারারে ভস্ত গুরিলো।

যিশাইয় 26:17

পিদিলী মিলে পুয়ো পুদেবার্ অক্তত্ যেধোক্ক্যেন্ পিড়েই কিয়্যে মজরন্ আর রঅ ছাড়ন্, ও লগেপ্রভু, আমিয়ো তঅ মুজুঙোত্ সেধোক্ক্যেন্ ওইয়্যেই।

যিরমিয় 13:21

যেদক্কানি রেজ্যর্ লগে তুই দাংগুত্ব গোজ্যস্ লগেপ্রভু যেক্কে তঅ উগুরে তারারে বোজেব সেক্কে তুই কি কবে? পুয়ো ফুদেবার সময় মিলেগুনে যেবাবোত্যেগুরি পীড়ে পান সেবাবোত্যেগুরি কি তুই পীড়ে ন-পেবে?

যিরমিয় 30:6

তুমি পুযোর্ গুরি চঅ, মরদে কি পেদত্ পুয়ো রাগেই পারে? সালে কিত্তে মুই পত্তি বোলী মরদরে পুয়ো পুদোনার পীড়ে ভোগ গোজ্যে মিলে ধোক্ক্যেন পেদ উগুরে আঢ্ রাগাদে আর বেক্কুনোর মুয়োনি মরা ধোক্ক্যে রাঙা-কালা মু দেগঙর্?

যিরমিয় 4:31

এক্কো মিলের্ পুয়ো পুদেবার পীড়েগান কানানা ধোক্ক্যেন, পোইল্যা পুয়োবো পুদোনার পীড়েগান কানানা ধোক্ক্যেন সিয়োন-ঝিবোর কানানিগান মুই শুন্যং। তে নিজেস্ টানিবাত্তে ফবার্ আর আঢ্ বাবেইনে কত্তে, “হায়! মুই অজ্ঞ্যেন ওই যাঙর্, খুনীগুনে মরে শেজ্ গুরি ফেলাদন্।”

যিরমিয় 46:5

মুই কিত্তে ইয়েনি দেগঙর্? তারা দোরেয়োন, তারা পিজেদি যেইয়োন, তারার যোদ্ধাগুন উদিই যেইয়োন। তারা পিজেদি ন-চেইনে যাদিমাদি ধেই যাদন, আর চেরোকিত্তে অমকদ দর্।

যিরমিয় 48:41

তার বেক্ শঅরানি অধিকার গুরিনে ঘরানি গজক্ গরা অবঅ। সেদিন্যে মোয়াব যোদ্ধাগুনোর মনত্ পুয়ো পুদেয়্যে মিলের্ পীড়ে উদেদে মনান ধোক্ক্যেন অবঅ।

যিরমিয় 49:22

চঅ, তারার শত্রুগুন ঈগল ধোক্ক্যেন গুরি অজলত্ উড়িবাক্ আর বস্রাগান উগুরে ডুয়ো মিলিনে শো গুরিনে তলেদি লামি এবাক্। সেদিন্যে ইদোম যোদ্ধাগুনোর মনত্ পুয়ো ফুদোইদ্যে মিলে মনান ধোক্ক্যেন অবঅ।

যিরমিয় 49:24

দামেস্কগান বল্‌‍‍‌‌‌‌‌‌পোজ্যে ওইয়্যে, তে ধেই যেবাত্তে ফিজ্যে আর তারে আজাবোদে ধোজ্যে; পুয়ো ফুদেয়্যে মিলে ধোক্ক্যেন পীড়ে আর যন্ত্রনা তারে ধোজ্যে।

যিরমিয় 50:43

বাবিল রাজা তারা পৌইদ্যেনে হবর্ শুন্যে আর তা আঢ্‌‌‌‌‌তান লুলো ওইনে দুলি পোজ্যে। পুয়ো ফুদোইদ্যে মিলে ধোক্ক্যেন অমকদ পীড়েই তারে ধোজ্যে।

যিরমিয় 51:30

বাবিল যোদ্ধাগুন যুদ্ধো গরানা থামেয়োন; তারা তারার তাম্বুলো ভিদিরে রোইয়োন। তারার খেমতা ফুরেই যেইয়্যে; তারা মিলে ধোক্ক্যেন বল্‌‌‌‌‌‌পোজ্যে ওই যেইয়োন। তারার থেবার জাগানিত্ আগুন বাজেই দিয়্যে ওইয়্যে; বাবিলর্ বেক্ গেট্‌‌‌‌‌‌তুনোর্ লাগাড়াগুন ভাঙি ফেলা ওইয়্যে।

যিহিষ্কেল 20:47

তুই দোগিণোর ঝারানরে মঅ কধানি শুনিবাত্তে কঅ। তারে কঅ, প্রভু লগেপ্রভু কোইয়্যেদে, ‘মুই তঅ ভিদিরে আগুন জ্বালেবাত্তে যাঙর্ আর সিয়েনে তর্ বেক্ কাজা আর শুগুনো গাজ্‌‌‌‌‌‌‌চুন পুড়ি ফেলেবে। সেই জোল্‌‌‌‌‌‌‌জোল্যে আগুনান্ ন-মুরিবো আর দোগিণেত্তুন উত্তোরেদি সং বেক্ মানুচ্চুন সেক্কে পুড়ি যেবাক্।

হোশেয় 13:13

মিলেগুনোর্ পুয়ো-পুদোইদ্যে শূলোনী ধোক্ক্যেন্ তারে ধোজ্যে, মাত্তর্ তে দঅ বুদ্ধিনেইয়্যে গুরো; সময় এলে তে পেদ মুয়োত্ ন-এজে।

যোয়েল 2:6

তারারে দেগিনে জাদ্‌‌তুনো মনত্ অমকদ যন্ত্রনা অর্; বেক্কুনো মুয়োনি রাঙা-কালা ওই যেইয়্যে।

নহূম 2:10

তারে লুদো অর্, খালি গরা অর্ আর ভস্ত গরা অর্। তা মানুচ্চুনোর মনানি গলি যেইয়্যে, আঢু গিলেগুন দগ্‌‌দগাদন্; তারার্ কমরত্ আর জোর্ নেই, তারার পত্তিজনর্ রাঙা-কালা মু ওই যেইয়্যে।

যোহন 16:21

পুয়ো ফুদেবার্ অক্তত্ মিলেগুনে দুঘ্ পান্, কিয়া তা অক্তবো ওইয়্যেগি। মাত্তর্ পুয়ো ফুদেবার্ পরেদি জগদত্ এক্কো নুয়ো মানুচ্‌ এজানায় হুজীয়ে তার্ আর সেই দুঘো কধাগান্ মনত্ ন-থায়।

১ থিষলনীকীয় 5:3

যেক্কেনে মান্‌জ্যে কবাক্, “শান্তি ওইয়্যে, দর্‌‌গরেপারা কিচ্চু নেই,” সেক্কেনে পিদিলি মিলের্ অদাতৎ পেটপিড়ে উদেধে ধোক্ক্যেন গুরি সেই মানুচ্চুনোর্ সর্বনাজ্ অবঅ। তারা কনভাবদে রোক্ষ্যে ন-পেবাক্।