যিশাইয় 13:6 - Chakma Bible

⁶ তুমি দাঙর্ দাঙর্ গুরি কান, কিত্তে লগেপ্রভুর দিন্নো কায়-কুরে এচ্চ্যে; সেদিন্যে খেমতাবলা গোজেনত্তুন্ ভস্তগান্ এবঅ।

যিশাইয় 13:6 Iomraidhean Croise

ইয়োব 31:23

কিত্যে মুই গোজেনর দিয়্যে সাজা দরাং; তা মহিমাগান এদক্ বেশ্ যে, তা দরে মুই সিয়েনি গুরি ন-পারং।

যিশাইয় 10:25

তমা উগুরে মঅ রাগ্‌কান খুব যাদিমাদি থুম্ অবঅ, আর সিয়েনে আসিরিয়গুনোরে ভস্ত গুরিবো।”

যিশাইয় 10:3

সাজা পেবার্ দিনুনোত্ যেক্কে দূরোত্তুন্ দজা এবঅ সেক্কে তুমি কি গুরিবা? বল্ পেবাত্তে কাইদু দাবা যেবা? তমা ধন-সোম্বোত্তিগানি কুদু থোই যেবা?

যিশাইয় 13:9

চঅ, লগেপ্রভুর্ দিন্নো এজের্। সিবে চিৎনপুজ্যে, অমকদ রাগ্ আর জোল্‌জোল্যে অহুজিলোই এজের্; পিত্‌‌থিমীগানরে ভস্তর্ জাগা বানেবাত্তে আর তা ভিদিরে পাপীগুনোরে শেজ্ গুরিবাত্তে এজের্।

যিশাইয় 14:23

মুই তারে কুদুক্-কাদাগর্ জাগায়ান্ আর পানি জাগায়ান্ গুরি দিম্। ভস্ত অনা চোরোন্ দরালোই মুই তারে ছুরি দিম্। মুই বেগত্তুন্ খেমতাবলা লগেপ্রভু এ কধাগান্ কঙর্।”

যিশাইয় 14:31

ও গেদ্‌টো, আবিলেচ্ গর্। ও শঅরান, কান্। ও পলেষ্টীয়া, তর্ বেক্কানি মিলেই যোক্। উত্তোরেত্তুন্ ধূমোর্ মেঘ এজের্, সে সৈন্যদলত্তুন্ এক্কো সৈন্যয়ো পিজেদি ন-যাদন্।‌‌

যিশাইয় 2:12

বেগত্তুন্ খেমতাবলা লগেপ্রভু অহংকারী আহ্ বাড়্‌বো গোজ্যে মানুচ্চুনোরে আর যিগুনে গম্ পোজিশনত্ আগন্ বেক্কুনোত্তে এক্কো দিন ঠিগ্ গোজ্যে; সেদিন্যে তারারে বেক্কুনোরে তলে ফেলা অবঅ।

যিশাইয় 23:1

সোর পৌইদ্যেনে লগেপ্রভুর কধাগান ইয়েন: ও দাঙর্ দাঙর্ তর্শীশ-জাহাজ্‌ছানি, আবিলেচ্ গর, কিত্তে সোর ভস্ত ওই যেইয়্যে; সিয়েনত্ ঘরঅ নেই, বন্দর্‌অ নেই। সাইপ্রাস দ্বিবোত্তুন্ তুমি এ হবরান্ পেইয়ো।

যিশাইয় 34:2

বেক্ জাদ্‌‌তুনো উগুরে লগেপ্রভু অমকদ বেজার্ ওইয়্যে; তারার বেক্ সৈন্যদলুনো উগুরে তার রাগ্‌কান রোইয়্যে। তে তারারে এক্কুবারে শেজ্ গুরি ফেলেব, ভস্তর্ আঢত্ তারারে তুলি দিবো।‌

যিশাইয় 34:8

ইয়েনি অবঅ, কিত্তে হেনা সুজিবার্ লগেপ্রভুর এক্কো দিন আঘে, সিয়োনর্ পক্ক ওইনে সাজা দিবার্ এক্কো সময় আঘে।

যিশাইয় 47:11

মাত্তর্ তঅ উগুরে দজা লামি এবঅ, আর তুই হবর্ ন-পেবে কেধোক্ক্যেন গুরি যাদুর্ বলে সিয়েনি দূর্ গরা যেবঅ। তঅ উগুরে দজা এবঅ, আর তুই সিয়েনি আক্‌‌সোই ন-পারিবে। যে দজাগান পৌইদ্যেনে তুই আগেদি হবর্ ন-পেদে সিয়েনি আদিক্ক্যেন্‌গুরি তঅ উগুরে এবঅ।

যিশাইয় 52:5

আর ইক্কিনে ইয়েনত্ মর্ কি আঘে? মঅ মানুচ্চুনোরে দঅ এনেবাদে নেযা ওইয়্যে, আর তারার্ শাজন্‌গুরিয়্যেগুনে তারারে গেইল্ দুয়োন্; নিত্য মঅ নাঙানরে ইংসে গরা অয়।

যিশাইয় 61:2

যেন মুই লগেপ্রভুর দোয়্যে দেগেবার সময়োর কধা আর আমা গোজেনর্ হেনা সুজিবার দিনোর কধা ফগদাং গুরি পারং আর যিগুনে আবিলেচ্ গোজ্যন তারারে বুঝেই পারং;

যিশাইয় 63:4

ইক্কিনে উদ্ধোর্ গুরিবার অক্ত এচ্চ্যে; সেনত্তে মুই হেনা সুজিবার যে অক্তবো ঠিগ্ গোজ্যং সিবেয়ো এচ্চ্যে।

যিশাইয় 65:14

মনত্ হুজি আঘে বিলিনে মঅ চাগরুনে গিদ্ গেবাক্, মাত্তর্ তুমি মনত্ দুঘে কানিবা আর মনানি ভাঙিনে অবিলেচ্ গুরিবা।

যিরমিয় 25:34

ও পালক্কুন, তুমি কানঅ, আবিলেচ্ গরঅ; ও পালর্ নেতাগুন, তুমি ধূল্যেত্ এগুড়্-উগুর্ কঅ, কিত্তে তমারে কাবি ফেলেবার সময় এচ্চ্যে; তুমি দোল্ এক্কো মাদি পিলে ধোক্ক্যেন কট্টা কট্টা ওই যেবা।

যিরমিয় 49:3

“ও হিশ্‌বোন, আবিলেচ্ গর্, কিত্তে অয় শঅর ভস্ত ওই যেইয়্যে। ও রব্বা শঅরর্ আদাম্মেগুন, কানঅ; বস্তা ফাদা উরিনে আবিলেচ্ গরঅ। দেবাল ভিদিরে দাবাদেদি গরঅ, কিত্তে তঅ দেবেদা মিল্‌‌কমে বন্দী ওইনে দূর দেজত্ যেবঅ, আর তা লগে যেবাক্ তার ধর্মগুরু আর দাঙর্ পোজিশন কামগুরিয়্যেগুনে।

যিরমিয় 51:8

বাবিল অদাদৎ পড়ি যেইনে ভাঙি যেইয়্যে। তাত্তে আবিলেচ্ গরঅ। তার্ পীড়েগানত্তে মলম আনঅ; অয়ত তে গম্ অবঅ।

যিহিষ্কেল 13:5

তারা ইস্রায়েল জাদর্ দেবাল ফাদানি তালি দিবাত্তে সিদু ন-উদোন্ যেনে লগেপ্রভুর দিনোত্ যুদ্ধোর্ সময়োত্ সিয়েন দরমরগুরি থিয়্যেই থেই পারে।

যিহিষ্কেল 21:12

ও মান্‌‌‌‌‌‌‌‌‌জ্যর্ পুয়োবো, কানি লঅ আর আবিলেচ্ গর্, কিত্তে সেই তলোয়ারান্ মঅ মানুচ্চুনোর বিরুদ্ধে আর ইস্রায়েলর্ বেক নেতাগুনোর্ বিরুদ্ধে। মঅ মানুচ্চুনো সমারে তারারেয়ো লাম্বাছুরি আঢত্ দিয়্যে অবঅ। সেনত্তে তুই বুগ্ বাজ্যে।

দানিয়েল 5:26

সেই কধাগানর্ ভেদ্‌তান্ অলঅ: মিনে, অত্তাৎ গুণেদে-গোজেনে তর্ রাজাগিরির্ দিনুন গুণ্যে আর সিগুন শেজ্ গোজ্যে।

দানিয়েল 5:9

সেক্কে রাজা বেল্‌‌‌‌‌‌‌‌শৎসরে আরঅ দোরেল আহ্ তা মুয়োন আরঅ রাঙা-কালা মু অলঅ। তার আজল্ মানুচ্চুনে আমক্ ওই গেলাক্।

যোয়েল 1:11

ও চাজাবলাগুন, তুমি লাজঅ; তুমি যিগুনে আংগুর-গাজর্ যত্তন্ গরঅ, তুমি গম্ আর কেচ্ বিজিত্তে আবিলেচ্ গরঅ; কিত্যে খেদর্ ফসল ভস্ত ওইয়্যে।

যোয়েল 1:13

ও ধর্মগুরুগুন, তুমি বস্তা পিনিনে আবিলেচ্ গরঅ; পূজোত্ যিগুনে সেবার কাম গরঅ তুমি আবিলেচ্ গরঅ। যিগুনে মর্ গোজেনর সেবা গরঅ তুমি এইনে বস্তা পিনিনে রেত্তো কাদঅ, কিত্যেই তমা গোজেন ঘরত্ শোজ্য-উৎসর্ব আর পানীয়-উৎসর্বর অনুষ্ঠান বন্ধ গরা ওইয়্যে।

যোয়েল 1:15

হায়, কি দর্‌‌‌গরেপারা দিন! কিত্যে লগেপ্রভুর দিন কায়কুরে লুম্মেগি; ভস্তগুরিয়্যে দিন ইজেবে সেই দিন্নো বেগত্তুন্ খেমতাবলা গোজেন ইত্তুন্ এজের্।

যোয়েল 1:5

ও মাত্তল্‌বলাগুন, জাগি উদো আর কানাকুদি গরঅ। ও বেক্ মদ খুরুন, তুমি তাজা আংগুর-রজর্ মদত্তে আবিলেচ্ গরঅ, কিত্যে সিয়েন তমা মুয়োত্তুন্ কাড়ি নেযা ওইয়্যে।

যোয়েল 2:1

তুমি সিয়োনত্ তূরী বাজঅ, বাজঅ দযার্-সংকেত মঅ সুদ্ধো-সাংগ মুড়োবোত্। দেজত্ বজত্তি গুরিয়্যে বেক্কুনে গির্‌গিরাদোক্, কিত্যে লগেপ্রভুর্ দিন্নো এজের্; সেদিন্নো কায়কুরে লুম্মেগি।

যোয়েল 2:11

লগেপ্রভু তা সৈন্যদলর্ আগে আগে থেইনে রঅ ছাড়িনে তা মুয়োর্ রবো শুনোই; তা সৈন্যদলর সোংখ্যে গুণো ন-যায় আর যিগুনে তা উগুমান পালান্ তারা খেমতাবলা। লগেপ্রভুর দিন্নো মহৎ আর দর্‌গরেপারা; কন্না সিবে সোজ্য গুরি পারে?

যোয়েল 2:31

লগেপ্রভুর সেই মহৎ আর দর্‌‌গরেপারা দিনুন এবার্ আগেদি বেলান্ আন্ধার্ ওই যেবঅ আর চানান্ লো ধোক্ক্যেন অবঅ।

আমোষ 5:18

অভিশাব্ পোড়োক্ তমার! তুমি দঅ নরম ওইনে লগেপ্রভুর দিন দেগিবাত্তে চর্! কিত্তে তুমি সেদিন্নোর্ আজা গরর্? তমা ইধু সেদিন্নো পহ্‌‌‌র নয় মাত্তর্ আন্ধার অবঅ।

সফনিয় 1:14

লগেপ্রভুর সেই দাঙর্ দিন্নো কায়কুরে লুম্মেগি আর যাদিমাদি এজের্। উইয়ো শুনো, লগেপ্রভুর দিনুনোর রবো! সেক্কে যোদ্ধাগুনে পীড়েই রঅ ছাড়িবাক্।

সফনিয় 1:7

তুমি প্রভু লগেপ্রভুর মুজুঙোত্ অলর্ অ, কিত্যে লগেপ্রভুর দিনুন্ কায়কুরে লুম্মেগি। লগেপ্রভু এক্কান উৎসর্বর আয়োজন গোজ্যে; তে যিগুনোরে বোলেয়্যে তারারে সিজি গোজ্যে।

সখরিয় 14:1

লগেপ্রভুর এমন এক্কো দিন এজের্ যেদিন্যে যিরূশালেম মানুচ্চুনোর পযাপিরানি লুদেইনে তারা মুজুঙোত্ ভাগ গুরি নেযা অবঅ।

মালাখি 4:5

“চঅ, লগেপ্রভুর সেই মহৎ আর দর্‌গরেপারা দিন্নো এবার্ আগেদি মুই লগেপ্রভু তমা ইধু ভাববাদী এলিয়রে পাধেই দিম।

যাকোব 5:1

তাগোয়্যে মানুচ্চুন্, তুমি শুনো। তমা উগুরে যে দুঘ্‌কানি এজের্ সিয়েনিত্যে কানঅ আর আবিলেচ্ গরঅ।

ফগদাং পেইয়্যে 18:10

তারা তার্ যন্ত্রণা দেগিনে দরে দূরোত্ থিয়্যেই থেইনে কবাক্, “হায় বাবিল, হায়! সেই নাঙ্-গোজ্জ্যে শঅরান্, খেমতালোই ভরা সেই শঅরান্। এদক্ কম সময়ো ভিদিরে তর্ সাজা লুম্মেগি!”