যিশাইয় 13:5 - Chakma Bible

⁵ তারা দূরোত্তুন্ এত্তন্, তারা পিত্‌‌থিমীর শেজ্ দুযিত্তুন্ এত্তন্; লগেপ্রভু তার রাগর্ আত্যের্‌লোই পুরো পিত্‌থিমীগানরে ভস্ত গুরিবাত্তে এজের্।

যিশাইয় 13:5 Iomraidhean Croise

২ শমূয়েল 1:27

হায়, কেন্‌‌জানগুরি বীর মানুচ্চুনে ভস্ত ওই গেলাক্, আর বর্‌‌বাদ্ গেলঅ তারার যুদ্ধোর্ অাত্যেরানি!”

যিশাইয় 10:5

অভিশাব্ পোড়োক্ আসিরিয়া, মঅ রাগ্‌কানর্ লুদিক্! তা আঢত্ আগেদে মর্ জদবদে রাগর্ মুগোর্‌বো।

যিশাইয় 13:17

“চঅ, মুই তারা বিরুদ্ধে মাদীয়গুনোরে কাট্ট্যেই দিম্। তারা রূবোনি ইন্দি খিয়েল্ ন-গুরিবাক্ আর সনালোইয়ো ফুত্তি ন-গুরিবাক্।

যিশাইয় 24:1

চঅ, লগেপ্রভু পিত্‌থিমীগানরে এক্কুবারে খালি গুরিবাত্যে আর ভস্ত গুরিবাত্যে যার্। তে তার্ উগুরে ভাগ্‌কান উল্ল্যে ফেলেইনে তা আদাম্মেগুনোরে ছিদি দিবো।

যিশাইয় 26:20

ও মর্ মানুচ্চুন্, তুমি যঅ, তমা ঘুদিগুনোত্ সুমিনে দোরান্ বানঅ; তুমি নিজোরে লুগেই রাগঅ, কিত্তে কানক্কন্ পরেদি তা রাগ্‌‌কান থামেব।

যিশাইয় 30:27

চঅ, লগেপ্রভুর্ জোল্‌‍‌জোল্যে রাগ্‌‍‌কান আর ঘুর্‌‍‌ঘুজ্যে ধূমোগান মেঘ সমারে দূরোত্তুন্ এজের্; তা মুয়োন জদবদে রাগে ভরা আর তার জিলান্ পুড়ি ফেলাইদ্যে আগুনো ধোক্ক্যেন্।

যিশাইয় 34:2

বেক্ জাদ্‌‌তুনো উগুরে লগেপ্রভু অমকদ বেজার্ ওইয়্যে; তারার বেক্ সৈন্যদলুনো উগুরে তার রাগ্‌কান রোইয়্যে। তে তারারে এক্কুবারে শেজ্ গুরি ফেলেব, ভস্তর্ আঢত্ তারারে তুলি দিবো।‌

যিশাইয় 48:14

তুমি বেক্কুনে এগত্তর্ ওইনে শুনো। মূত্তিগুনো ভিদিরে কুবো ইয়েনি পৌইদ্যেনে আগে কোইয়্যে? বাবিলো বিরুদ্ধে লগেপ্রভুর বেঈ লোইয়্যে মানুচ্চো তা নিজোর আওজ্‌‌চান পুরেব; লগেপ্রভুর আঢ্‌তানি বাবিলিয়গুনোর বিরুদ্ধে উদিবো।‌

যিশাইয় 5:26

তে দূরো জাদ্‌তুনোত্তে এক্কান বাবতা উড়েব আর পিত্‌থিমীর শেজ্ দুযিত্ সেই মানুচ্চুনোরে ডাগিবো। দেগিবা, তারা যাদিমাদি গুরি দাবা দাবা এবাক্।‌

যিশাইয় 66:14

ইয়েনি দেগিনে তমা মনানি হুজি অবঅ আর তুমি ঘাস ধোক্ক্যেন উদিবে। লগেপ্রভুর চাগরুনে তা খেমতাগান দেগিবাক্, আর তা শত্রুগুনে তা রাগ্‌‌‌‌কান দেগিবাক্।

যিশাইয় 7:18

সেদিন্যে লগেপ্রভু মিসর দেজর্ দূরো গাঙানিত্তুন্ মাছি আর আসিরিয়া দেজত্তুন্ মু পুগ্‌কুনোরে এবাত্তে ডাগিবো।‍

যিরমিয় 50:25

মুই মর্ আত্যার্ ঘরানি খুলিনে মঅ রাগর্ আত্যেরানি নিগিলেই আনিলুং, কিত্তে বাবিলীয়গুনো দেজত্ বেগত্তুন্ খেমতাবলা প্রভু লগেপ্রভুর কাম্ আঘে।

যিরমিয় 50:3

উত্তোরেত্তুন্ এক্কো জাদে তারে আক্রমণ গুরিবো আর তা দেজ্‌‌‌‌‍চানরে ফেলা যেইয়্যে ভূই গুরি রাগেব। কনজনে সিয়েন ভিদিরে বজত্তি ন-গুরিবাক্; মানুচ্ আর য়েমানে দ্বিবে ধেই যেবাক্।

যিরমিয় 50:9

মুই উত্তোরেদি দেজত্তুন্ দাঙর্ দাঙর্ জাদ্‌‌‍‍তুনোরে এগত্তর্ গুরিম আর তারারে রাগ্ তুলি দিইনে বাবিল বিরুদ্ধে আনিম। তারা বাবিল বিরুদ্ধে সৈন্যগুনোরে সাজেবাক্ আর সিয়েন গজক্ গুরিবাক্। কাবিল্ যোদ্ধাগুনে ধোক্ক্যেন তারার সেলুন্ বিফল ন-অবাক্।

যিরমিয় 51:11

তুমি সেলুন্ ধারঅ, ঢাল নেযঅ। লগেপ্রভু মাদীয় রাজাগুনোরে রাগ্ তুলি দিয়্যে, কিত্তে তা উদ্দেশ্যগান অলঅ বাবিলরে ভস্ত গরানা। লগেপ্রভু হামাক্কায় তা ঘরানত্তে হেনা সুজিবো।

যিরমিয় 8:19

দূর দেজত্তুন্ মঅ মানুচ্চুনোর এ গুজুরি গুজুরি কানানা রঅ শুনো যার্, “লগেপ্রভু কি সিয়োনত্ নেই? তার রাজাবো কি আর সিয়েনত্ নেই?” জোবত্ লগেপ্রভু কোইয়্যেদে, “তারা তারার বেক্ মূত্তি আর তারার অপদাত্ত পুজোগুন্দোই কিত্তে মরে কাঙেলেত্যে গরদন্?”

যিহিষ্কেল 22:31

সেনত্তে মঅ রাগ্‌‌‌‌‌‌‌‌‌‌‌‌‌‌‌কান মুই তারা উগুরে ঢালি দিম আর তারার আচার-বেবহারর ফল তারা মাঢা উগুরে লামেই দিইনে মর্ জোল্‌‌‌‌‌‌‌‌‌‌‌‌‌‌‌জোল্যে রাগে মুই তারারে পুড়ি ফেলেম। মুই প্রভু লগেপ্রভু এ কধাগান কঙর্।”

মথি লেখ্যে গম্ হবর্ 24:31

দাঙর্ দাঙর্ গুরি তূরী বাঁজি উদিবো আর সমারে সমারে মান্‌জ্য পুয়োবো তা স্বর্গদূত্‌তুনোরে চেরোকিত্তেত্তুন্ পাধেই দিবো। সেই দূত্‌তুনে পিত্‌থিমীর এক কিত্তেত্তুন্ ধুরি অন্য কিত্তেদি সং চেরোকিত্তেত্তুন্ তার বেঈ লোইয়্যে মানুচ্চুনোরে এক সমারে থুবেবাক্।