যিশাইয় 13:22 - Chakma Bible

²² সিদুগোর্ ঘরানি ভিদিরে শিয়েল ডুগুরিবাক্ আর শিয়েলুনে দোল্ দোল্ ঘরানি ভিদিরে থেবাক্। বাবিলোর সময় এচ্চ্যে, তার দিনুন্ আর বাড়েই দিয়্যে ন-অবঅ।”

যিশাইয় 13:22 Iomraidhean Croise

গীতসংহিতা 44:19

মাত্তর্ তো তুই এন্ এক্কান জাগাত্ আমারে গুড়ি গোজ্যস্ যিয়েনত্ শিয়েলর আনাগোনা; ঘুর্‌‌গুজ্যে আন্ধারলোই আমারে ঢাগি রাগেয়োচ্।

যিশাইয় 14:23

মুই তারে কুদুক্-কাদাগর্ জাগায়ান্ আর পানি জাগায়ান্ গুরি দিম্। ভস্ত অনা চোরোন্ দরালোই মুই তারে ছুরি দিম্। মুই বেগত্তুন্ খেমতাবলা লগেপ্রভু এ কধাগান্ কঙর্।”

যিশাইয় 25:2

তুই শঅরানরে শিল্ পাত্তর ভিদে বানেয়োচ্ আর দেবাল-ঘিজ্যে শঅরানরে গোজ্যস্ ভস্তর্ কুড়্। বিদেশী শত্রুগুনোর ঘরানি আর্ ন-থেবঅ; সিয়েনি কনদিন্অ আর্ বানা ন-অবঅ।

যিশাইয় 32:14

যেদক্কন্ সং উগুরেত্তুন্ পবিত্র আত্মাগানরে আমা উগুরে ঢালি দিয়্যে ন-অয় আর ধূল্যেচর-চাগালাগান বোল্‌‌বোল্যে জাগা ন-য় আর বোল্‌‌বোল্যে জাগায়ান ঝার ধোক্ক্যেন মনে ন-অয়, সেদক্ দিন সং ঘরত্ আর যাগুলুগে ভরা শঅরত্ কনজনে ন-থেবাক্, আর মুড়োগুন, চুগিদার ঘরানি ফেলা যেইয়্যে জাগা অবঅ। সিয়েনি ঝার্‌বো গাধাগুনোর হুজির্ জাগা আর য়েমান পালুনোর্ চড়িবার্ জাগা অবঅ।‌

যিশাইয় 34:13

কাদাগাজে সিয়েনর্ দাঙর্ দাঙর্ ঘরানি নাঢা যেবঅ, আর তাম্বুলানি নাঢা যেবঅ বিছুটি আর কাদাঝুব্‌পোই। সে দেজ্‌‌চান অবঅ শিয়েল আর উটপেখ্‌কুনোর থেবারজাগা।

যিশাইয় 34:14

ধূল্যেচর-প্রাণীগুনে শিয়েলুনো লগে থেবাক্ আর ঝার ছাগলুনে এক্কো আর এক্কোরে ডাগিবাক্। রেদোত্ ঘুরি বেড়েয়্যে পেত্নী সিদু বজত্তি গুরিবো; সিদু তার জিরেবার জাগায়ান্ তে তোগেইনে পেবঅ।

যিশাইয় 35:7

শুগুনো ভূইয়ানি পুয়োর্ অবঅ, আর তিরেস্ পেইয়্যে মাদিগানিত্ পানির পয়নালা উদিবো; যিয়েনত্ শিয়েলুনে পড়ি থেদাক্ সে জাগানত্ জোর্মেবদে নল-খাগড়ার ঝার্।

যিশাইয় 43:20

ঝার্‌বো য়েমান, শিয়েল আর উটপেখ্‌কুনে মরে বাঈনী গুরিবাক্, কিত্তে মঅ মানুচ্চুনোরে, মর্ বেঈ লোইয়্যে মানুচ্চুনোর হেবাত্তে মুই ধূল্যেচর চাগালার্ পানি যোগেই দিম আর ধূল্যেচরত্ গাঙ্ বোজেই দিম।‌‌

যিরমিয় 48:16

“মোয়াবর পতন এচ্চ্যে; তা দজাগান যাদিমাদি এবঅ।

যিরমিয় 51:33

মুই ইস্রায়েলর গোজেন বেগত্তুন্ খেমতাবলা লগেপ্রভু কঙর্, “বাবিল-ঝি শোজ্য মারিবার সময়োর হানা ধোক্ক্যেন ওইয়্যে; খেত্-খেত্তি কাবেদে ধোক্ক্যেন তারে কাবি ফেলেবার সময় যাদিমাদি এবঅ।”

যিরমিয় 9:11

লগেপ্রভু কোইয়্যেদে, “মুই যিরূশালেমানরে এক্কান ভস্তর কুড়্ আর শিয়েলর থেবার জাগা বানেম। মুই যিহূদার শঅরানিরে এমন ভস্তর জাগা বানেম, সিয়েনত্ আর কনজনে বজত্তি গুরি ন-পারিবাক্।”

আবিলেচ্ 4:3

শিয়েলুনেয়ো নিজো ছঅগুনোরে বুগো দুধ হাবান্, মাত্তর্ মঅ মানুচ্চুন ধূল্যেচর-চাগালার্ উট পেক্কুনো ধোক্ক্যেন্ চিৎনপুজ্যে ওইয়োন্।

মীখা 1:8

ইয়েনত্তে মুই কানাকুদি আর আবিলেচ্ গুরিম; মুই খালি টেঙে লাংটা ওইনে ঘুরি বেড়েম। মুই শিয়েলর আর পেজা ডগরেদে ধোক্ক্যেন গুরি আবিলেচ্ গুরিম।

হবক্‌‌‌‌কূক 2:3

কিত্যে এ দর্শনানর্ কধাগান পূরোণ অবার্ সময় এজঅ বাগী আঘে, মাত্তর্ সিয়েন যাদিমাদি উজেই এজের্ আর সে দর্শনান্ মিজে প্রমান্ ন-অবঅ। দিরি অলেয়ো সিয়েনত্তে বাজ্জেই থাগঅ; সিয়েন ঠিগ্ সময়োত্ হামাক্কায় পূরোণ অবঅ। তুই এ কধাগান লেগ্:

সফনিয় 2:14

সিদু গোরু আর ভেড়া পাল্ আহ্ বেগ্ জাদর্ প্রাণীগুন পড়ি থেবাক্। ধূল্যেচর-পেজা আর ভূতুম পেজা তা খুদোগুনো উগুরে ঘুম যেবাক্, আর জানালাদি তারার্ রগুন্ শুনো যেবঅ। ঘরানি ভস্ত ওই যেবঅ আর ঘরর্ এরস গাজর্ তক্তানি লুদ্ ওই যেবঅ।

দ্বি’লম্বর বিররণ 32:35

অন্যেয়র সাজা দিবার অধিকার মর্; যার যিয়েন পাওনা মুই তারে সিয়েনই দিম্‌। অক্ত অলেই শত্রুগুনোর টেঙানি বিঝিদি যেবঅ; তারার ভস্তর্ দিনুন্‌ তারা ইদু এই যেইয়্যে। তারাত্তে যিয়েনি ঠিগ্ গুরি রাগা ওইয়্যে, সিয়েনি যাদিগুরি তারা উগুরে এই যেবঅ।”

২ পিতর 2:3

লুভে পড়িনে ছলনার্ কধা কোইনে তারা নিজো লাভত্যে তমারে কামত্ লাগেবাক্। তারার্ সাজাগান ভালোক দিন ধুরিনে তারা উগুরে দুলের্, আর তারার্ ভস্ত অনাগান জুরো গুরিনে বোইদ্যে নেই।