যিশাইয় 13:21 - Chakma Bible

²¹ মাত্তর্ ধূল্যেচরর্ প্রাণিগুনে সিয়েনত্ পড়ি থেবাক্, সিদুগোর্ ঘরানিত্ শিয়েল ভরা অবাক্, উটপেখ্‌কুনে সিয়েনিত্ বজত্তি গুরিবাক্ আর ঝার ছাগলুনে ফাল্যে ফাল্যে বেড়েবাক্।

যিশাইয় 13:21 Iomraidhean Croise

যিশাইয় 14:23

মুই তারে কুদুক্-কাদাগর্ জাগায়ান্ আর পানি জাগায়ান্ গুরি দিম্। ভস্ত অনা চোরোন্ দরালোই মুই তারে ছুরি দিম্। মুই বেগত্তুন্ খেমতাবলা লগেপ্রভু এ কধাগান্ কঙর্।”

যিশাইয় 23:13

বাবিল দেজ্‌ছান ইন্দি রিনি ছঅ‍; এক সময়োত্ তা মানুচ্চুনো পৌইদ্যেনে কনজনে হবর্ ন-পেদাক্। আসিরিয়গুনে বাবিলানরে ধূল্যেচর-চাগালার পরাণবলাগুনোর জাগা বানেয়োন, মাত্তর্ বাবিলীয়গুনে সোররে আক্রমণ গুরিবাত্তে চুগিদার-ঘর ধোক্ক্যেন অজল্ অজল্ রথ বানেয়োন, তার দাঙর্ দাঙর্ ঘরানি লুদেয়োন আর তারে এক্কান ভস্তর্ কুড়্ বানেয়োন।

যিশাইয় 25:2

তুই শঅরানরে শিল্ পাত্তর ভিদে বানেয়োচ্ আর দেবাল-ঘিজ্যে শঅরানরে গোজ্যস্ ভস্তর্ কুড়্। বিদেশী শত্রুগুনোর ঘরানি আর্ ন-থেবঅ; সিয়েনি কনদিন্অ আর্ বানা ন-অবঅ।

যিশাইয় 32:14

যেদক্কন্ সং উগুরেত্তুন্ পবিত্র আত্মাগানরে আমা উগুরে ঢালি দিয়্যে ন-অয় আর ধূল্যেচর-চাগালাগান বোল্‌‌বোল্যে জাগা ন-য় আর বোল্‌‌বোল্যে জাগায়ান ঝার ধোক্ক্যেন মনে ন-অয়, সেদক্ দিন সং ঘরত্ আর যাগুলুগে ভরা শঅরত্ কনজনে ন-থেবাক্, আর মুড়োগুন, চুগিদার ঘরানি ফেলা যেইয়্যে জাগা অবঅ। সিয়েনি ঝার্‌বো গাধাগুনোর হুজির্ জাগা আর য়েমান পালুনোর্ চড়িবার্ জাগা অবঅ।‌

যিরমিয় 50:39

সেনত্তে ধূল্যেচরর্ য়েমান আর শিয়েলুনে সিয়েনত্ বজত্তি গুরিবাক্, আর সিয়েনত্ উটপেগ্ থেবাক্। সিয়েনত্ আর কনদিন্‌অ মানুচ্ ন-থেবাক্, বংশর পর বংশ কনজনে সিয়েনত্ বজত্তি ন-গুরিবাক্।

মীখা 1:8

ইয়েনত্তে মুই কানাকুদি আর আবিলেচ্ গুরিম; মুই খালি টেঙে লাংটা ওইনে ঘুরি বেড়েম। মুই শিয়েলর আর পেজা ডগরেদে ধোক্ক্যেন গুরি আবিলেচ্ গুরিম।

সফনিয় 2:14

সিদু গোরু আর ভেড়া পাল্ আহ্ বেগ্ জাদর্ প্রাণীগুন পড়ি থেবাক্। ধূল্যেচর-পেজা আর ভূতুম পেজা তা খুদোগুনো উগুরে ঘুম যেবাক্, আর জানালাদি তারার্ রগুন্ শুনো যেবঅ। ঘরানি ভস্ত ওই যেবঅ আর ঘরর্ এরস গাজর্ তক্তানি লুদ্ ওই যেবঅ।

ফগদাং পেইয়্যে 18:2

তে জোরে রঅ ছাড়িনে কলঅ, “ভস্ত ওইয়্যে, সেই নাঙ্-গোজ্জ্যে বাবিলান ভস্ত ওইয়্যে! সিয়েন ইক্কিনে ভান্ন্যেই আত্মাগুনোর থেবার্ জাগা ওইয়্যে আর পত্তি ভান্ন্যেই আত্মাগুনোর্ আড্ডাখানা আর অসিজি আর জঘন্য পেগ্‌খুনোর্ বাহ্ ওইয়্যে,